1 Yoona 1:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Ki̱ zi̱ tak nyia̱ zi̱ nyia̱ a̱ka̱tuk nyia̱ bah, zi̱ laai pyipyia̱ nzi̱t hwa. A̱wot zi̱ byia̱ a̱chuchuk bah.

1 Yoona 1:8 Iomraidhean Croise

Yoona 8:44

“Nyin, nyi yet mman A̱ta̱nyeang nia; kikya yet a̱tyia̱ nyin wu. A̱wot nyi fa nyi khwi kyang hu nang A̱ta̱nyeang ka chat a̱ni. Neet gbangbang, A̱ta̱nyeang ka ka̱ yet a̱gwam á̱ka̱tuk ntswá wu a̱ni, ka̱ yet a̱tyu hyaai á̱niet wa. Da̱ nka, ka̱ lyiat a̱tsatsak a̱lyiat bah. A̱mgba̱m jen nang ka̱ mbwoi a̱ka̱laa na a̱ni, ka̱ ni̱ nyia̱ kyang hu myim nka wa a̱ni. Mat, ka̱ yet a̱tyu bwoi a̱ka̱laa wa, ma̱ng a̱tyia̱ á̱niet bwoi a̱ka̱laa.

A̱romawa 3:10

Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Á̱ mbyia̱ a̱tyu a̱ yet a̱tsotswat a̱ni bah, ku a̱tyo a̱nyiung.

A̱romawa 3:23

Mat konyan nyia̱ a̱ka̱tuk nyia̱. A̱mgba̱m zi̱t, zi̱ si̱ lat zi̱ ntat gak a̱kyenkyai shi A̱gwaza hu.

1 A̱korontiyawa 3:18

Nyi yok laai pyipyia̱ nyin bah. Ki̱ nyi fa nyi byia̱ mumwang swanta huni, ku myim nyi bwuak pyipyia̱ nyin ntyia̱ á̱bwuon, da̱nian nyi ka byia̱ mumwang ba̱t.

A̱ga̱la̱tiyawa 6:3

Ka̱ a dam nyia̱ a yet a̱tsatsak a̱yin swak a beang a̱ghyang ang, a laai a̱pyia̱ ang kya. A yet a̱tsatsak a̱yin nang a dam a yet a̱ni bah.

1 Timoti 6:5

Á̱niet a̱bya la̱u a̱di̱di̱t nyia̱ fi̱p da̱ a̱vwuo á̱niet ba̱ byia̱ a̱ka̱tuk nfwuo a̱ni. Ba̱ si̱ mi̱n fi̱k vak a̱chuchuk hu bah. Ba̱ dam á̱ ngyei khwi A̱gwaza hu yet vak shyat kurum hwa.

2 Timoti 3:13

A̱wot á̱ka̱tuk á̱niet tyiet ma̱ng a̱yaabang a̱byin, na mbeang a̱ka̱tuk mi̱ nfwuo mba na, ba̱ laai á̱niet, nang á̱ ma ndaai mbaa.

Yakubu 1:22

Nyi yok fwuong a̱lyiat A̱gwaza na ma̱ng a̱fufwuo bya ma̱nyin ba bah. Ku yet ta hwa, nyi wa nyia̱ ta̱m ma̱ng á̱na, kalak nyi laai á̱pyia̱ nyin kya.

Yakubu 1:26

A̱tyu a̱ kyiak a̱pyia̱ nggu nang a̱tyu khwi A̱gwaza a̱ni, da̱nang gu ta̱bat a̱lyem nggu ka shansham bah, a̱ laai a̱pyia̱ nggu kya. Khwi A̱gwaza nggu hu yet a̱buk kyang wa.

Yakubu 3:2

A̱tsak a̱lyiat, a̱mgba̱m nzi̱t, zi̱ ni̱ ghyuap. Ka̱ á̱ mbyia̱ a̱yin ma̱ nzi̱t a̱ ni̱ nwai ghyuap mami a̱lyiat nggu na a̱ni, a̱tyu a̱wa yet a̱tsatsak a̱yin wa, a̱ maai a̱ chok a̱pyia̱ gu a̱mgba̱m.

2 Bitut 2:13

Swuo a̱bung mba hu hwa na yet zang mba ji mat a̱ka̱kpa̱t nang ba̱ nyia̱ a̱ni. Ku a̱ta̱mam ba̱ ni̱ chat ba̱ tyai á̱pyia̱ mba kpa̱sai di̱ fa̱k nyinyang ya á̱ tsa nswuo. Ba̱ yet kyang nsum hwa. A̱wot ba̱ si̱ tyia̱ á̱niet khwi ba nsum ma̱ng a̱na̱ndyung. Ba̱ fwuong nyinyang bwoi a̱ka̱laa, ku nang ba̱ ngya nkyayak mun á̱pyia̱ dundung ma̱ng a̱nyin a̱ni.

1 Yoona 1:10

Ki̱ zi̱ nyia̱ da̱ zi̱ ka̱n nyia̱ a̱ka̱tuk nyia̱ bah, ku fa nang zi̱ mbwuak A̱gwaza ntyia̱ a̱tyu bwoi a̱ka̱laa wa, a̱wot zi̱ lak khwi a̱lyiat nggu na mi̱ nfwuo nzi̱t na.

1 Yoona 1:6

Mat a̱nia, ki̱ zi̱ tyiet nyia̱ zi̱ byia̱ mun á̱pyia̱ ma̱ng a̱nggu, nang zi̱ ni̱ swan mi̱ ndyin, zi̱ bwoi la hwa. Zi̱ si̱ bu khwi a̱chuchuk wu bah.

1 Yoona 2:4

Ka̱ a̱yin tak nyia̱, “N dyen A̱gwaza,” a̱wot a̱ si̱ lak khwi doka A̱gwaza ji, a̱tyu a̱wa yet a̱tyu bwoi a̱ka̱laa wa. A̱wot a̱ swan swat lyen a̱chuchuk A̱gwaza wu bah.

1 Yoona 4:20

Konyan wa tak nyia̱, “N chat A̱gwaza,” a̱wot a̱ si̱ lak li á̱niet khwi á̱ghyang, a̱tyu a̱wa bwoi a̱ka̱laa nia. Mat ka̱ zi̱ lak chat á̱niet nang zi̱ nwuan a̱ni, zi̱ na nyia̱ ni zi̱ nchat A̱gwaza da̱nang zi̱ ka̱n di a̱ni bah?

2 Yoona 1:2

N chat nyin mat a̱chuchuk wu nang a̱mgba̱m zi̱t lyen a̱ni. A̱wot zi̱ na lyen a̱chuchuk wuni si̱ nat sang sangba̱p.

3 Yoona 1:3

N shya̱ ma̱ng a̱gwai za̱m, mat nang n fa̱k á̱niet tyiet á̱ghyang mbai, ba̱ si̱ tak ma̱ng a̱nung si̱sak ji a nnyia̱ tsotswat di̱ khwi a̱chuchuk tyiet Kristi hu, a̱wot a si̱ ya a̱son di̱ khwi a̱chuchuk a̱wa a̱ni.