1 Yoona 1:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ A̱lyiat na nang zi̱ fa̱k da̱ a̱vwuo Nggwon nggu ka a̱ni, ni̱nia nang zi̱ shei nyin: A̱gwaza yet sai hwa. A̱wot da̱ a̱vwuo nggu lyin nshya̱ bah, ku ma̱ chunchwiit!

1 Yoona 1:5 Iomraidhean Croise

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 1:4

Swang A̱lyiat ji ku yet a̱tyin nswuan. A̱wot swuan jini si̱ bai ma̱ng á̱nietbishyi sai.

Yoona 1:9

Sai huni hwa ku yet a̱tsatsak wu. Ku na bai mi̱ swanta hu, ku sai tazwa a̱mgba̱m á̱nietbishyi ba.

Yoona 8:12

Yesu si̱ bu nyia̱ ma̱ng a̱mba a̱ni, “Nung gwa ngyet sai hu mi̱ swanta hu. Konyan wa khwi nung a̱ni, a̱ na chong mi̱ ndyin bah. A̱ na shya̱ swuan, a̱wot a̱ si̱ mi̱n mak chong mi̱ ndyin bah.”

Yoona 9:5

Jen nang n shya̱ mi̱ swanta hu a̱ni, nung gwa ngyet sai hu mi̱ swanta hu.”

1 A̱korontiyawa 11:23

Mat n tak nyin tyiet nang A̱tyoli Yesu ma̱ a̱pyia̱ nggu nwuak nung a̱ni. Da̱ a̱tyetuk ka nang á̱ ku ndyap gu a̱ni, a̱ si̱ kyiak burodi sang yit wu,

1 Timoti 6:16

Nggu wa ma̱nyin gu na nwai khwu. A̱ swan da̱ a̱vwuo ka̱ sai ma̱ mya̱myat, nang a̱tyubishyi si̱ mi̱n tat a̱ni bah. Á̱ mbyia̱ a̱tyu a̱ ka̱n di nggu a̱ni bah. Da̱ mba á̱ mbyia̱ a̱tyu a̱ si̱ mi̱n di nggu a̱ni bah. Yok shi ma̱ng chet ku nwai tyiai a̱ni, shya̱ dundung ma̱ng a̱nggu, si̱ nat sang sangba̱p, Samba̱rka!

Yakubu 1:17

Kuzang a̱tan ma̱ng a̱tsatsak za̱nang chorop a̱ neet da̱ a̱vwuo A̱gwaza a̱ yet A̱tyia̱ nzi̱t, a̱tyu a̱ mat a̱mgba̱m nkyang na̱ sai mi̱ kyai tswazwa a̱ni. Da̱ nggu, a̱ shai za̱kwa nggu ji nang nghwughwu mam, ku zwat ma̱ng a̱ta̱ngwat ni̱ nshai tityan yong mba ji a̱ni bah.

1 Yoona 3:11

A̱lyiat nang nyi ku fa̱k neet di̱n tsa hu a̱ni ni̱nia yet: Ku yet ta hwa zi̱ chat á̱ghyang nzi̱t.

Tyai Á̱zanson 21:23

A̱keang ka chat sai mam ku zwat bah. Mat a̱kyenkyai shi A̱gwaza wu wa yet sai a̱keang hu, a̱wot Fi̱ng A̱nfwuk hu hwa yet long fi̱tila ku sai a̱keang ka a̱ni!

Tyai Á̱zanson 22:5

Á̱ na mbyia̱ a̱tyetuk a̱ja bah. Da̱ mba, á̱ na mbyia̱ long fi̱tila ku mam bah. Mat A̱gwaza a̱ yet A̱tyoli a̱ni, nggu wa na sai a̱vwuo ka! Ba̱ na nyia̱ tyok ndung ma̱ng A̱gwaza si̱ nat sang sangba̱p.