1 Yoona 1:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Zi̱ lyuut nyin a̱lyiat nani, da̱nian zi̱ ka fa̱k a̱tsatsak a̱lyia̱ sai gba̱mgbam dundung ma̱ng a̱nyin.

1 Yoona 1:4 Iomraidhean Croise

Yoona 15:11

“N tak ma̱ nyin á̱lyiat nani, da̱nian nyi ka shya̱ ma̱ng a̱gwai nang n byia̱ a̱ni. A̱wot a̱gwai nyin na, na̱ bu yet a̱jhyem a̱gwai wa.

Yoona 16:24

Ba̱ tat nang yong huni a̱ni, nyi ka̱n dyip kyang da̱ a̱lyoot nung bah. Nyi lyip, nyi na san, da̱nian a̱gwai nyin na na̱ ka yet a̱jhyem.

Yoona 3:29

“A̱tyu a̱ nyia̱ nyeang fai hu a̱ni; nggu wa byia̱ a̱byii̱k wu. A̱kpa̱ndang a̱tyu byia̱ nyeang wu yong kpa̱mkpaan a̱ myiai a̱fufwuo, a̱wot a̱ ni̱ fa̱k a̱lyia̱ sai, ka̱ a̱ fa̱k a̱nwuat a̱tyu byia̱ nyeang ka. Ma a̱nia wa, nung n byia̱ a̱jhyem a̱lyia̱ sai ba̱t.

2 A̱korontiyawa 1:24

A̱wot si̱ a̱hwa fa zi̱ chat zi̱ nyia̱ nyin tyok di̱ tak ma̱ng a̱nyin si̱sak nyi na nnyia̱ nta̱m ma̱ng nwuak a̱chuchuk nyin hu a̱ni bah. Kaai, zi̱ chat zi̱ nyia̱ nta̱m na dundung ma̱ng a̱nyin, da̱nian nyi ka shya̱ nfwuo sai. Mat nwuak a̱chuchuk nyin hu hwa mbyia̱ nang nyi ngyong mi̱ chet.

A̱fisawa 3:19

N naai nyi lyen si̱sak nang Kristi nchat zi̱t a̱ni, ku nang chat nggu hu nswuo chet a̱tyubishyi gu fi̱k hu shansham a̱ni. A̱jawa nyi na nshya̱ a̱jhyem za̱kwa A̱gwaza gba̱mgbam, ma̱ng chet ku neet da̱ a̱vwuo nggu a̱ni.

1 Yoona 2:1

Mman nung na na̱ yet á̱niet khwi Yesu nang n chat a̱ni, n dyuut nyin a̱lyiat nani da̱nian nyi ka nyia̱ a̱ka̱tuk bah. A̱wot ka̱ a̱yin nyia̱ a̱ka̱tuk nyia̱, zi̱ byia̱ a̱tsotswat a̱tyu beang a̱ yong da̱ a̱kwonu nzi̱t da̱ a̱vwuo A̱tyia̱ a̱ni. Nggu wa yet Yesu Kristi.

2 Yoona 1:12

N byia̱ nkyang ma̱ a̱di̱di̱t n na ntak ma̱ng a̱nyin a̱ni. A̱wot n na ndyuut nyin dyo mami wusika bah. Da̱ a̱kwonu a̱kya, n tyia̱ fwuo n na mbai n byiat nyin, n bu ndyiat ma̱ng a̱nyin a̱ghyi ma̱ng a̱ghyi, da̱nian a̱gwai nzi̱t na na̱ ka tyia̱ a̱jhyem.