1 Yoona 1:3 - A̠lyiat A̠gwaza na di̠n Tyap: A̠li̠ka̠uli A̠fai

³ A̱lyiat Nswuan a̱nia, nang zi̱ ka̱n di zi̱ si̱ bu fa̱k a̱ni, ni̱nia nang zi̱ shei nyin, da̱nian nyi ka mun á̱pyia̱ ma̱ng a̱nzi̱t. A̱wot zi̱ mun á̱pyia̱ dundung ma̱ng A̱tyia̱ nzi̱t wu a̱ yet A̱gwaza a̱ni, mbeang Nggwon nggu ka, Yesu Kristi.

1 Yoona 1:3 Iomraidhean Croise

Yoona 17:11

“A̱wot ma̱ninika, n bwuot chobai da̱ a̱vwuo ang. N bu na swan mi̱ swanta huni bah. Bibya ni̱ ya nswan mi̱ swanta hu. Nwan A̱za̱za̱rak A̱tyia̱ nung! Chok ba ma̱ng tyok a̱lyoot ang nhu; a̱lyoot ka nang a ku tyia̱ nung da̱nian ba̱ ka mun á̱pyia̱ ma̱ng á̱ghyang; ma̱ cha̱chaat nang nwan ma̱ng a̱nung, zi̱ mmun á̱pyia̱ ma̱ng á̱ghyang a̱ni.

Yoona 17:21

A̱tyia̱ nung, n naai da̱nian a̱mgba̱m á̱niet khwi ba ba̱ mun á̱pyia̱ ma̱ng á̱ghyang, ma̱nang nwan ma̱ng a̱nung zi̱ mun á̱pyia̱ ma̱ng á̱ghyang a̱ni. N naai da̱nian mba mameang; ba̱ na mun á̱pyia̱ ma̱ng a̱nzi̱t da̱nian á̱niet mi̱ swanta ba na nwuak a̱chuchuk nang nwan wa nta̱m nung mi̱ swanta hu.

Yoona 17:25

“A̱tsotswat A̱tyia̱ nung, á̱niet mi̱ swanta ba lyen ang bah. A̱wot nung, n dyen ang. Á̱niet bani mameang, ba̱ si̱ lyen nang nwan wa nta̱m nung.

Yoona 17:3

“Swuan sang sangba̱p jini ja yet; á̱niet ba ba̱ lyen ang, nang nwan wa ma̱nyin ang ngyet a̱tsatsak A̱gwaza wu, ma̱ng Yesu Kristi, a̱tyo nang a ku nta̱m ndyo mi̱ swanta hu a̱ni.

Yoona 19:35

(Nggu, a̱tyu a̱ li kyang nang á̱ nyia̱ ma̱ng á̱ghyi nggu ba a̱ni, nggu wa hyia̱ a̱lyiat nani. A̱wot a̱mgba̱m kyang hu gu hyia̱ a̱ni, a̱tsatsak a̱lyiat wa. A̱wot nggu ma̱ a̱pyia̱ nggu a̱ lyen nang a̱tsatsak a̱lyiat wa nang nggu ndyiat. A̱wot a̱ lyiat wa da̱nian nyin nyi ka nwuak a̱chuchuk.)

Nta̱m A̱yaata̱m 13:32

“A̱wot nzi̱t mameang, zi̱ bai a̱ji ma̱ninika zi̱ shei ma̱ng a̱nyin A̱sham Nkhang kani ka̱ yet a̱li̱ka̱uli wu nang A̱gwaza ku nyia̱ a̱yaatyia̱ khwop nzi̱t ba ndyo a̱ni.

Nta̱m A̱yaata̱m 13:41

‘Di, nyin á̱niet ba̱ lyiat lihyat a̱ni! Nyi fa̱k a̱ga̱de, nyi kwi! Mat n nyia̱ kyang mi̱ jen nyin, kyang nang nyi si̱ mi̱n nwuak a̱chuchuk a̱ni bah! Ku nang a̱yin wa tak ma̱ng a̱nyin huu!’ ”

Nta̱m A̱yaata̱m 2:42

A̱mgba̱m á̱niet khwi ba si̱ ntyia̱ a̱lyia̱ di̱ khwi tyiet nang a̱yaata̱m Yesu ba tyiet mba a̱ni. Ba̱ si̱ mun á̱pyia̱ ma̱ng ya nkyayak dundung ma̱ng á̱ghyang mba, (mbeang ya nkyayak a̱di̱dam a̱khwu Yesu hu,) ba̱ si̱ bu naai A̱gwaza á̱ nchi̱ri̱ng.

Nta̱m A̱yaata̱m 20:27

Mat n ku mbut mi̱ fwuo di̱ tak ma̱ng a̱nyin a̱mgba̱m a̱lyiat, nang A̱gwaza chat nyi lyen a̱ni bah.

Nta̱m A̱yaata̱m 4:20

Zi̱ si̱ mi̱n tyia̱ nywang tazwa kyang nang zi̱ fa̱k, zi̱ si̱ bu li a̱ni bah.”

A̱romawa 15:27

Á̱niet khwi ba̱ nwai yet A̱yahudawa a̱ni, ku fa̱k nyinyang ba̱t nang ba̱ ku mbeang á̱niet khwi A̱yahudawa ba mi̱ Urusha̱lima ba̱ yet á̱kunak na a̱ni. Ba̱ si̱ kyiak beang hu. Ku si̱ li mba nang ta hwa á̱ khwi mba a̱ni. Ba̱ dam ki̱ mba á̱niet khwi ba̱ shya̱ Urusha̱lima a̱ni beang Nnwap na̱ nwai yet A̱yahudawa ma̱ng a̱li̱ba̱rka A̱za̱za̱rak Ntswa, a̱ yet A̱sham Nkhang ka a̱ni; ma a̱nia wa, ku ma ngyet mba ta hwa ba̱ beang á̱niet khwi A̱yahudawa ba̱ shya̱ Urusha̱lima hu a̱ni ma̱ng kurum.

1 A̱korontiyawa 1:30

A̱gwaza wa tyia̱ nyi si̱ mun á̱pyia̱ ndung ma̱ng Kristi Yesu. A̱gwaza si̱ bwuak Kristi a̱ ntyia̱ mumwang nggu nang a̱tyubishyi a̱ni, da̱nian zi̱ ka shya̱ kpangti̱n. Kristi si̱ tyia̱ zi̱ yet á̱tsotswat ma̱ng A̱gwaza. A̱ si̱ jaat zi̱t zi̱ yet a̱za̱za̱rak. A̱wot a̱ si̱ ti̱n zi̱t ma̱ a̱ka̱tuk nyia̱.

1 A̱korontiyawa 1:9

A̱gwaza na nyia̱ si̱ huni, mat a̱ yet a̱tsotswat wa. A̱ na nyia̱ kyang nang gu hyia̱ a̱ni. A̱wot a̱ ka̱n gyorong nyin nyi mun á̱pyia̱ ma̱ng Nggwon nggu ka, Yesu Kristi A̱tyoli nzi̱t wu.

1 A̱korontiyawa 15:1

Ma̱ninika, nyin á̱niet khwi Yesu ba nang n chat a̱ni, nyi jhyung A̱sham Nkhang ka nang n ku nshei ma̱ng a̱nyin di̱n jen jhyang a̱ni. Nyi ku san ka mbwak nfeang di̱n jen a̱ja. A̱wot nyi ni̱ yong di̱ kuntyin a̱hwa mi̱ chet.

2 A̱korontiyawa 13:14

Yok shok A̱tyoli Yesu Kristi ji, ma̱ng chat A̱gwaza hu, ma̱ng mun á̱pyia̱ A̱za̱za̱rak Ntswa hu, ba̱ shya̱ dundung ma̱ng a̱nyin a̱mgba̱m.

A̱fisawa 3:6

La̱p sak ku shya̱ di̱ niat hu a̱ni, huhwa yet; Nnwap na̱ nwai yet A̱yahudawa a̱ni ma̱ng A̱yahudawa ba̱ nwuak a̱chuchuk da̱ A̱sham Nkhang Yesu Kristi ka a̱ni; ba̱ na ya zwá ji yet gado mman A̱gwaza a̱ni dundung. A̱mgba̱m mba, ba̱ yet nkap nia mi̱ vam Kristi Yesu hu. A̱wot a̱mgba̱m ba na shya̱ a̱li̱ba̱rka nang A̱gwaza ku nyia̱ a̱li̱ka̱uli a̱ na nang mba a̱ni, mat ba̱ mun á̱pyia̱ ma̱ng Kristi Yesu.

A̱filibiyawa 1:7

Mat a̱nia, da̱ a̱vwuo nung, ku myim ba̱t nang n nyia̱ a̱di̱dam a̱nia tazwa nyin a̱ni, mat a̱mgba̱m nyin nyi shya̱ nung mi̱ fwuo. Nyi yet á̱kpa̱ndang nung bya di̱ shya̱ shok A̱gwaza, di̱n jen nang á̱ nda̱p nung ma̱ng a̱nyanyang á̱ si̱ tyia̱ nung mi̱ jaru; a̱wot di̱n jen nang n tyiet á̱niet ba a̱chuchuk tazwa A̱sham Nkhang Yesu ka, n bu ntak nang ka̱ ngyet a̱tsatsak wa a̱ni.

A̱filibiyawa 2:1

Mun á̱pyia̱ nyin hu ma̱ng Kristi tyia̱ nyin gba̱gbak. A̱wot nyi byia̱ shyim fwuo nang Kristi nchat nyin a̱ni. Nyi byia̱ mun á̱pyia̱ ndung mami A̱za̱za̱rak Ntswa. A̱wot nyi chat á̱ghyang bu tsa fwuong kunak á̱ghyang.

A̱filibiyawa 3:10

Kyang nang n chat n dyen swak a̱ni, huhwa yet; n dyen Kristi ma̱ a̱pyia̱ nggu ma̱ng chet nang gu ndoot ma̱ng swuan ma̱ á̱niet ba̱ ka̱n kwi a̱ni. N chat n dyen nggu; n bu mun a̱pyia̱ ma̱ng a̱nggu mami swuo a̱bung nggu hu; n bu ntai nggu di̱ si̱sak ji nang gu nkhwu a̱ni.

A̱kolosiyawa 1:13

Mat nggu wa san nzi̱t mbwak tyok A̱ta̱nyeang ku yet lyin a̱ni. A̱wot a̱ si̱ shyak nzi̱t a̱ tyia̱ mi̱ Tyok ku yet si̱ Nggwon nggu, nang gu chat a̱ni.

1 A̱ta̱solonikawa 1:10

A̱wot ba̱ bu hyia̱ ma̱ng a̱nzi̱t si̱sak ji nyi bu nfwuong bwuok bai Yesu hu, a̱ yet Nggwon A̱gwaza ka, ka̱ neet Ma A̱gwaza tswazwa ka a̱ni. Nggu wa yet Yesu, a̱tyu nang A̱gwaza ku ta̱ngam ma̱ng swuan ma̱ á̱niet ba̱ ka̱n kwi a̱ni. Nggu wa na san nzi̱t mi̱ mwai lyen A̱gwaza hu ku chobai a̱ni.

1 Timoti 6:2

Á̱khwo ba̱ byia̱ a̱yaatyoli a̱ka̱sa ba̱ yet á̱niet khwi A̱gwaza a̱ni, á̱khwo ba̱ yok shya̱ ta̱fwat ba̱ jhyuai mba bah. Mat a̱yaatyoli ba yet á̱na̱nyiuk mba bya mami Yesu. Da̱ a̱kwonu a̱kya, yok á̱khwo ba ba̱ nyia̱ mba ta̱m hu ku swak kyang ku myim a̱ni. Mat ya a̱son a̱yaatyoli mba hu na mun a̱ yet si̱ mba hwa nang á̱niet khwi ba chat a̱ni. Nkyang nani nia nang a na tyiet baa, a bu tyia̱ mba gba̱gbak.

Ibriniyawa 2:12

Mat a̱nia, Yesu si̱ nyia̱ ma̱ng A̱gwaza a̱ni, “N na shei a̱lyoot ang ka da̱ a̱vwuo á̱na̱nyiuk nung ba. N na dyep ang mami á̱kpa á̱niet ang ba ba̱ tung a̱ni.”

Ibriniyawa 3:1

Mat a̱nia, nyin á̱na̱nyiuk nung ba nyi yet á̱za̱za̱rak á̱niet khwi Yesu, a̱wot nyi si̱ bu yet á̱kpa̱ndang ta̱m nang A̱gwaza yorong nyi nwuo tyok tswazwa hu a̱ni; nyi nyia̱ a̱di̱dam shansham tazwa Yesu, a̱tyu nang zi̱ shei a̱ yet a̱ta̱m A̱gwaza. A̱ si̱ bu yet A̱gba̱ndang Pris a̱ni.

Ibriniyawa 3:14

Mat ki̱ zi̱ nyia̱ tsotswat si̱ nat sangba̱p swuan nzi̱t ji, zi̱ si̱ yong mi̱ chet di̱ nwuak fwuo da̱ A̱gwaza, ma̱nang zi̱ ku ntsa nwuak fwuo hu a̱ni; a̱mgba̱m nzi̱t, zi̱ na yet á̱kpa̱ndang ta̱m zi̱ ya gado dundung ma̱ng Kristi.

1 Bitut 5:1

Mat a̱nia, n gba nyin, nyin nyi yet á̱niet khwop á̱niet ma̱ á̱niet khwi ba a̱ni. Nung meang n gyet a̱niet khwop a̱niet wa, a̱ ku li swuo a̱bung Kristi hu a̱ni. A̱wot n na mun shya̱ a̱kyenkyai shi nggu wu di̱n jen nang gu na mbai a̱ tyai a̱pyia̱ nggu kpa̱sai mi̱ swanta hu a̱ni.

2 Bitut 1:16

Di̱n jen nang zi̱ ku nshei nyin nkhang nang Yesu Kristi A̱tyoli nzi̱t wu na mbai ma̱ng chet a̱ni, zi̱ ku tsaai nyin tashikum mumwang ja bah. Da̱ a̱kwonu a̱kya, zi̱ ku li a̱kyenkyai shi tyok nggu wu ma̱ng á̱ghyi nzi̱t bya,

1 Yoona 1:1

Zi̱ shei nyin nkhang tazwa A̱tyu a̱ yet A̱lyiat Nswuan a̱ nshya̱ neet gbangbang a̱ni. Nggu wa nang zi̱ fa̱k, zi̱ si̱ bu li nggu ma̱ng a̱ghyi nzi̱t ba. Zi̱ si̱ bu byiam nggu ma̱ng mbwak nzi̱t na a̱ni.

1 Yoona 1:5

A̱lyiat na nang zi̱ fa̱k da̱ a̱vwuo Nggwon nggu ka a̱ni, ni̱nia nang zi̱ shei nyin: A̱gwaza yet sai hwa. A̱wot da̱ a̱vwuo nggu lyin nshya̱ bah, ku ma̱ chunchwiit!

1 Yoona 1:7

A̱wot ki̱ zi̱ swan mami sai hu, ma̱nang A̱gwaza ngyet sai hu a̱ni, zi̱ si̱ byia̱ mun á̱pyia̱ ma̱ng á̱ghyang. A̱wot a̱sok Yesu a̱ yet Nggwon nggu ka a̱ni, si̱ kwi na̱ si̱ jaat nzi̱t a̱mgba̱m a̱ka̱tuk nyia̱ nzi̱t wu.