1 Yoona 1:2 - A̠lyiat A̠gwaza na di̠n Tyap: A̠li̠ka̠uli A̠fai

² A̱tyu wuni a̱ yet a̱tsak Nswuan a̱ni, á̱ ku tyai nzi̱t nggu kpa̱sai. Zi̱ si̱ li ngguu, zi̱ si̱ lyiat tazwa nggu. Zi̱ si̱ shei ma̱ng a̱nyin nang nggu wa ngyet swuan sang sangba̱p ji, a̱ ni̱ shya̱ ma̱ng A̱tyia̱ wu a̱ni. Nggu wa nang á̱ ba̱ tyai nzi̱t ndyo.

1 Yoona 1:2 Iomraidhean Croise

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 1:4

Swang A̱lyiat ji ku yet a̱tyin nswuan. A̱wot swuan jini si̱ bai ma̱ng á̱nietbishyi sai.

Yoona 10:28

N na nwuak mba swuan sang sangba̱p, a̱wot ba̱ na kwi bah. A̱yin si̱ mi̱n ta̱wap mba bwak nung bah.

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 15:27

A̱wot nyin mameang, ku yet ta hwa nyi na shei kpa̱sai a̱chuchuk wu nang nyi lyen tazwa nung a̱ni. Mat nyi shya̱ dundung ma̱ng a̱nung neet di̱ tsa a̱tyin ta̱m nung ka.

Yoona 16:28

N ghwut neet da̱ a̱vwuo A̱tyia̱ kikya, n si̱ mbai mi̱ swanta hu. A̱wot ma̱ninika, n na ghwon swanta hu, n bwuok nat da̱ a̱vwuo A̱tyia̱ nung ka.”

Yoona 17:3

“Swuan sang sangba̱p jini ja yet; á̱niet ba ba̱ lyen ang, nang nwan wa ma̱nyin ang ngyet a̱tsatsak A̱gwaza wu, ma̱ng Yesu Kristi, a̱tyo nang a ku nta̱m ndyo mi̱ swanta hu a̱ni.

Yoona 17:5

A̱wot ma̱ninika, A̱tyia̱ nung, bu nwuak nung a̱kyenkyai shi nang n ku mbyia̱ a̱zaghyi ang, neet nang á̱ ka̱n mat swanta hu a̱ni bah.

Yoona 19:35

(Nggu, a̱tyu a̱ li kyang nang á̱ nyia̱ ma̱ng á̱ghyi nggu ba a̱ni, nggu wa hyia̱ a̱lyiat nani. A̱wot a̱mgba̱m kyang hu gu hyia̱ a̱ni, a̱tsatsak a̱lyiat wa. A̱wot nggu ma̱ a̱pyia̱ nggu a̱ lyen nang a̱tsatsak a̱lyiat wa nang nggu ndyiat. A̱wot a̱ lyiat wa da̱nian nyin nyi ka nwuak a̱chuchuk.)

Yoona 21:14

Si̱ huni hwa ku yet a̱ka̱tat ka nang Yesu ntyai a̱pyia̱ nggu da̱ a̱vwuo mman ta̱m nggu ka, nang gu ku ndoot ma̱ng swuan ma̱ á̱niet ba̱ ka̱n kwi a̱ni.

Yoona 3:13

A̱wot á̱ mbyia̱ a̱tyu a̱ ka̱n nyeak a̱ nat A̱ma A̱gwaza tswazwa a̱ni bah; mi̱ Nggwon A̱tyubishyi kya ma̱nyin ka, ku chyok a̱ neet a̱ja.

Yoona 7:29

A̱wot nung, n dyen gu, mat n neet da̱ a̱vwuo nggu kya. Nggu wa ta̱m nung.”

Yoona 8:38

Nung, n dyiat kyang hu nang n di da̱ a̱vwuo A̱tyia̱ nung ka a̱ni. A̱wot nyin mameang, nyi ni̱ nyia̱ kyang hu nang a̱tyia̱ nyin wu hyia̱ ma̱ng a̱nyin, nyi si̱ fa̱k a̱ni.”

Nta̱m A̱yaata̱m 1:22

“Ku bu yet ta hwa, a̱tyu wuni a̱ shya̱ dundung ma̱ng Yesu neet di̱n jen nang Yoona ku nnyia̱ Yesu ba̱ptisman ji, si̱ nat jen nang á̱ ku nkyiak Yesu da̱ a̱vwuo nzi̱t, á̱ nat ndyo Ma A̱gwaza tswazwa ka a̱ni. Kuzang a̱yin nang á̱ na khai ma̱ á̱niet bani, a̱ na mun a̱pyia̱ dundung ma̱ng a̱nzi̱t, a̱ tak ma̱ng á̱ghyang á̱niet nang gu ndi Yesu ma̱ng á̱ghyi di̱n jen nang Yesu ndoot ma̱ á̱niet ba̱ ka̱n kwi a̱ni.”

Nta̱m A̱yaata̱m 10:41

da̱ a̱vwuo á̱kpa á̱niet kya ma̱nyin mba bah; a̱wot da̱ a̱vwuo nzi̱t kya nang A̱gwaza ku mi̱ nkhai zi̱ yet á̱ghyi nggu ba. Nzi̱t bya ku yet á̱niet ba̱ ku ya á̱ tsa nswuo dundung ma̱ng Yesu di̱n jen nang gu ku ndoot ma̱ á̱niet ba̱ ka̱n kwi a̱ni.

Nta̱m A̱yaata̱m 2:32

“A̱gwaza ta̱ngam Yesu wuni ma̱ng swuan ma̱ á̱niet ba̱ ka̱n kwi a̱ni. A̱wot a̱mgba̱m nzi̱t, zi̱ ku li kyang huni ma̱ng á̱ghyi nzi̱t ba.

Nta̱m A̱yaata̱m 3:15

Nyi si̱ hyat Yesu, a̱tyu a̱ yet a̱tyin nswuan ka a̱ni. A̱wot A̱gwaza si̱ ta̱ngam gu ma̱ng swuan ma̱ á̱niet ba̱ ka̱n kwi a̱ni. A̱wot nzi̱t ma̱ á̱pyia̱ nzi̱t, zi̱ si̱ li nkyang na̱ shya̱ Yesu a̱ni ma̱ng á̱ghyi nzi̱t!

Nta̱m A̱yaata̱m 5:32

Nzi̱t bya ku li ma̱ng á̱ghyi. Zi̱ si̱ bu yet á̱niet ba, ba̱ shei kyang hu nang A̱gwaza nyia̱ a̱ni; a̱wot ma a̱nia wa, A̱za̱za̱rak Ntswa wu nang A̱gwaza nwuak á̱niet ba ba̱ khwi á̱lyiat nggu na a̱ni.”

A̱romawa 8:3

Doka Musa ji ku byia̱ chet nang ji̱ na nsan nzi̱t a̱ni bah, mat lat za̱kwa a̱ka̱tuk nyia̱ nzi̱t ji. Mat a̱nia, A̱gwaza si̱ nyia̱ ta̱m nang doka ji si̱ mi̱n nyia̱ a̱ni bah. A̱ si̱ ta̱m ma̱ng Nggwon nggu ka ka̱ byia̱ tangka̱i vam nang nzi̱t á̱niet a̱ka̱tuk nyia̱ ba byia̱ a̱ni. A̱wot mi̱ vam a̱hwa hwa, nang A̱gwaza ntak kpa̱sai nang tyok a̱ka̱tuk nyia̱ ntyak. A̱gwaza nyia̱ a̱nia, di̱ si̱sak nang gu nnwuak Nggwon nggu ka, ka̱ yet za̱nang da̱nian a̱ka̱tuk nyia̱ nzi̱t wu a̱ni.

A̱ga̱la̱tiyawa 4:4

A̱wot nang a̱tsatsak njen nang A̱gwaza la̱p a̱ sak nnyia̱ a̱ni, A̱gwaza si̱ ta̱m ma̱ng Nggwon nggu ka. Ka̱ ku byia̱ a̱yang byin, ka̱ si̱ swan ma̱ng á̱niet ba̱ khwi doka Musa ji a̱ni.

1 Timoti 3:16

Kyang ku nshya̱ di̱ niat di̱ tyiet nwuak a̱chuchuk nzi̱t hu a̱ni, shi za̱m. Huhwa yet: Yesu ku chyok a̱ bai mi̱ vam A̱tyubishyi. A̱za̱za̱rak Ntswa ku tak nang nggu ngyet a̱tsatsak wa. A̱wot á̱za̱za̱rak a̱yaata̱m tswá A̱gwaza si̱ li ngguu. Á̱ ku shei A̱sham Nkhang nggu ka, á̱ kai a̱mgba̱m nnwap mi̱ bibyin swanta hu. A̱mgba̱m á̱niet mi̱ swanta ba si̱ nwuak a̱chuchuk da̱ nggu. A̱wot á̱ si̱ kyiak gu á̱ nat ndyo Ma A̱gwaza tswazwa mami a̱kyenkyai shi nggu wu.

2 Timoti 1:10

A̱wot ma̱ninika di̱ bai Yesu Kristi A̱tyusan nzi̱t, huhwa nang á̱ si̱ ntyai nzi̱t shok jini kpa̱sai. Nggu wa tyak ma̱ng chet a̱khwu hu. A̱wot di̱n vak A̱sham Nkhang huni hwa nang gu ntyai nzi̱t swuan sang sangba̱p ji kpa̱sai.

Titut 1:2

A̱chuchuk wuni tyia̱ mba ba̱ gbang a̱lyia̱, ba̱ si̱ tyia̱ fwuo nang ba̱ na nshya̱ swuan sang sangba̱p a̱ni. A̱gwaza, a̱ nwai bwoi a̱ka̱laa a̱ni, la̱p a̱ sak ma̱ng a̱nzi̱t tazwa swuan kani neet di̱n jen ntsa.

1 Bitut 5:1

Mat a̱nia, n gba nyin, nyin nyi yet á̱niet khwop á̱niet ma̱ á̱niet khwi ba a̱ni. Nung meang n gyet a̱niet khwop a̱niet wa, a̱ ku li swuo a̱bung Kristi hu a̱ni. A̱wot n na mun shya̱ a̱kyenkyai shi nggu wu di̱n jen nang gu na mbai a̱ tyai a̱pyia̱ nggu kpa̱sai mi̱ swanta hu a̱ni.

1 Yoona 1:1

Zi̱ shei nyin nkhang tazwa A̱tyu a̱ yet A̱lyiat Nswuan a̱ nshya̱ neet gbangbang a̱ni. Nggu wa nang zi̱ fa̱k, zi̱ si̱ bu li nggu ma̱ng a̱ghyi nzi̱t ba. Zi̱ si̱ bu byiam nggu ma̱ng mbwak nzi̱t na a̱ni.

1 Yoona 2:25

Di̱ mun á̱pyia̱ huni hwa nang Kristi nnyia̱ nzi̱t a̱li̱ka̱uli swuan sang sangba̱p ji.

1 Yoona 3:5

A̱wot nyi lyen nang Yesu mbai da̱nian gu ka chi a̱ka̱tuk nyia̱ nzi̱t wu wa. Mat nggu ma̱ a̱pyia̱ nggu, a̱ byia̱ a̱ka̱tuk nyia̱ bah.

1 Yoona 3:8

Ma a̱nia wa, konyan wa ya a̱son ma̱ng nyia̱ a̱ka̱tuk nyia̱ a̱ nchi̱ri̱ng, ku tak nang gu ngyet a̱si̱ A̱ta̱nyeang wa. Mat A̱ta̱nyeang ka mi̱ nnyia̱ a̱ka̱tuk nyia̱ neet gbangbang. Kyang ku mbyia̱ bai Yesu hu a̱ni huhwa hu; da̱nian gu ka bi̱ri̱m nta̱m A̱ta̱nyeang na.

1 Yoona 4:14

Mbeang a̱nia, nzi̱t a̱yaata̱m nggu ba, zi̱ ka̱n di ma̱ng á̱ghyi nzi̱t. A̱wot zi̱ si̱ shei ma̱ng á̱niet ba nang A̱gwaza a̱ yet A̱tyia̱ nzi̱t wu a̱ni, nta̱m ma̱ng Nggwon nggu ka, ka̱ ka yet A̱tyusan á̱niet mi̱ swanta ba.

1 Yoona 4:2

A̱ni wa nang zi̱ na nfi̱k ka̱ ba̱ lyiat da̱ a̱kwonu A̱za̱za̱rak Ntswa A̱gwaza wu wa: Konyan wa kyiak a̱pyia̱ nggu nang a̱ta̱m a̱kwonu A̱gwaza a̱ni, a̱ si̱ shim nang Yesu Kristi mbai ma̱ng vam nang a̱tyubishyi a̱ni mi̱ swanta hu, a̱tyu a̱wa byia̱ A̱za̱za̱rak tswa A̱gwaza wa.

1 Yoona 5:11

A̱wot a̱lyiat na A̱gwaza tak zi̱t a̱ni ni̱nia yet: A̱gwaza nang nzi̱t swuan sang sangba̱p. A̱wot swuan jini nang á̱ shyat di̱ mun á̱pyia̱ ma̱ng Nggwon nggu kikya.

1 Yoona 5:13

N dyuut nyin nkyang nani, nyin á̱niet ba nyi nwuak a̱chuchuk di̱ chet a̱lyoot Nggwon A̱gwaza ka a̱ni, da̱nian nyi ka lyen za̱m nang nyi mbyia̱ swuan sang sangba̱p ji.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.