1 Yoona 1:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Zi̱ shei nyin nkhang tazwa A̱tyu a̱ yet A̱lyiat Nswuan a̱ nshya̱ neet gbangbang a̱ni. Nggu wa nang zi̱ fa̱k, zi̱ si̱ bu li nggu ma̱ng a̱ghyi nzi̱t ba. Zi̱ si̱ bu byiam nggu ma̱ng mbwak nzi̱t na a̱ni.

1 Yoona 1:1 Iomraidhean Croise

Luka 1:2

Ba̱ ku nyia̱ ta̱m ma̱ng nkhang nang á̱khwo shei a̱lyiat A̱gwaza ba ba̱ ku tsa fa̱k, ba̱ si̱ li ma̱ng á̱ghyi mba ba, a̱wot ba̱ si̱ tak ma̱ng a̱nzi̱t a̱ni.

Luka 24:39

Nyi nwuan mbwak nung na, ma̱ng tazwa kpai a̱ti̱tak nung ji, nyi lii. Nung gwa ma̱ a̱pyia̱ nung za̱m! Nyi byiam nung nyi fa̱a̱k; nyi ka lyen nang n gyet a̱tyu nshyit wa bah. Mat á̱niet shyit byia̱ nvam ma̱ng nkunkup nang nyi ndi n byia̱ a̱ni bah!”

Yoona 19:35

(Nggu, a̱tyu a̱ li kyang nang á̱ nyia̱ ma̱ng á̱ghyi nggu ba a̱ni, nggu wa hyia̱ a̱lyiat nani. A̱wot a̱mgba̱m kyang hu gu hyia̱ a̱ni, a̱tsatsak a̱lyiat wa. A̱wot nggu ma̱ a̱pyia̱ nggu a̱ lyen nang a̱tsatsak a̱lyiat wa nang nggu ndyiat. A̱wot a̱ lyiat wa da̱nian nyin nyi ka nwuak a̱chuchuk.)

Yoona 20:27

A̱jawa Yesu si̱ nyia̱ ma̱ng Toma, “Tyia̱ ga̱swuong ang ji, a̱wot a nwuan mbwak nung na. Neap bwak ang hu a tyia̱ mi̱ tsi̱ntsa̱u nung ji. Yok, but mi̱ fwuo bah; nwuak a̱chuchuk!”

Yoona 5:26

Ma̱nang A̱tyia̱ wu ma̱ a̱pyia̱ nggu ngyet a̱tyin swuan a̱ni; ma a̱nia wa nang nggu nwuak Nggwon nggu ka, ka̱ nwuat swuan ji ma̱ cha̱chaat.

Yoona 8:58

Yesu mameang si̱ nwuak ba shim nyia̱, “N na ntak ma̱ng a̱nyin a̱tsatsak a̱lyiat; kyiak neet nang á̱ ka̱n byin Ibrahim bah, nung gwa ngyet A̱gwaza wu!”

Nta̱m A̱yaata̱m 1:3

Nang Yesu ku nghwut mi̱ swuo a̱bung da̱ a̱team a̱khwu wu a̱ni, a̱ si̱ tyai a̱pyia̱ nggu kpa̱sai mami mam swak naai di̱n jen di̱n jen, da̱ a̱vwuo a̱yaata̱m nggu ba! A̱wot a̱ si̱ tyai a̱pyia̱ nggu kpa̱sai di̱ nvak na̱ tak chi̱k nang nggu wa ndoot ma̱ng swuan ma̱ á̱niet ba̱ ka̱n kwi a̱ni. A̱ si̱ wa̱i mba a̱lyiat tazwa Tyok A̱gwaza hu.

Nta̱m A̱yaata̱m 4:20

Zi̱ si̱ mi̱n tyia̱ nywang tazwa kyang nang zi̱ fa̱k, zi̱ si̱ bu li a̱ni bah.”

Ibriniyawa 2:3

Mat a̱nia, zi̱ na nyia̱ ni, zi̱ nshot swuo a̱bung hu, ka̱nang zi̱ lak khwi nkhang a̱gba̱ndang san sang sangba̱p wu nang A̱tyoli Yesu ma̱ a̱pyia̱ nggu ku tsa shei hu a̱ni, a̱wot á̱niet ba̱ ku fa̱k a̱lyiat Yesu na a̱ni, ba̱ si̱ bu ta̱m ma̱ng a̱nzi̱t a̱tsatsak nta̱m a̱wa.

1 Yoona 4:14

Mbeang a̱nia, nzi̱t a̱yaata̱m nggu ba, zi̱ ka̱n di ma̱ng á̱ghyi nzi̱t. A̱wot zi̱ si̱ shei ma̱ng á̱niet ba nang A̱gwaza a̱ yet A̱tyia̱ nzi̱t wu a̱ni, nta̱m ma̱ng Nggwon nggu ka, ka̱ ka yet A̱tyusan á̱niet mi̱ swanta ba.

1 Yoona 5:7

Huhwa nang zi̱ ndi a̱lama a̱tat a̱ tak nang Yesu ngyet Nggwon A̱gwaza kya a̱ni:

Tyai Á̱zanson 1:11

A̱nwuat ka si̱ nyia̱, “Lyuut a̱mgba̱m kyang nang a na li a̱ni mami ta̱ka̱da, a ta̱m ndyo ma̱ susot á̱niet khwi a̱natat ba̱ shya̱ ma̱ a̱ka̱keang A̱fisut, Sa̱mi̱runa, Bi̱rgamum, Tiyata̱ra, Sa̱disu, Fila̱defiya, ma̱ng La̱wudikiya!”

Tyai Á̱zanson 1:8

A̱gwaza a̱ yet A̱tyoli a̱ni nyia̱, “Nung gwa gyet A̱lfa ma̱ng Omega, A̱son ka ma̱ng A̱ngaan ka. N shya̱ ma̱ninika, n ku nshya̱ gbangbang, a̱wot n bu nchobai. Nung gwa ngyet A̱tyu a̱ byia̱ a̱mgba̱m Tyok a̱ni!”

Tyai Á̱zanson 19:13

A̱ si̱ kup a̱junjung a̱toot nang á̱ zwup ma̱ a̱sok a̱ni! A̱lyoot tyok nggu ka yet, “Swang A̱lyiat A̱gwaza.”

Tyai Á̱zanson 2:8

“Lyuut a̱ta̱m tswa A̱gwaza wusika jini, gu nwuak sot á̱niet khwi ba̱ shya̱ Sa̱mi̱runa a̱ni. Ta̱m jini neet da̱ a̱vwuo a̱tyu a̱ yet A̱son ka, a̱ si̱ bu yet A̱ngaan ka a̱ni; a̱tyu a̱ ku khwu, a̱wot ma̱nini a̱ shyip, a̱ si̱ doot ma̱ng swuan ma̱ á̱niet ba̱ ka̱n kwi a̱ni!