ZAKHARIA 8:15 - Susula Malalaok Hehelu Palak Ma Hehelu Beuk

¹⁵ Tehu besak ia, Au sanga ba'e-pala laun Yerusalem-mala ma laun Yehuda-la. Da'di boso bii-mamata'u.

ZAKHARIA 8:15 Iomraidhean Croise

YEREMIA 31:28

Sama leo makahulun-na Au aneas fo ela neu makabuin-na soona, Au fe'a henis Au tao atu'us ma Au tao akalulutuk-kasa, leoniak boe neukose Au aneas fo ela Au tao atetea-aheles ma au afofo'a falik-kasa.

YEREMIA 32:42

Sama leo Au uni susa-soe ba'eneu leoina ia, leondiak boe neukose Au fes basa malole-malole la'eneu fo Au helu basan ba'eneu sila so.

HAGAI 2:5

Lelek emi kalua meme Masir mai-a, Au aheluk basa ae neukose, Au asulu-ahapa ahele emi. Ma besak ia boeo, Au bei asulu-ahapa emi. Da'di ta palu emi bii-mamata'u fa.

ZAKHARIA 8:13

Hai laun Yehuda ma Israel-la lemin! Nai fai maneuk-ka, metema hataholi nusa dea-la, esa soo-supa esa soona, lafa'da lae, ‘Sa'di leo been-na, susa-soe manala'e Yehuda ma Israel-la, la'e o boe!’ Tehu neukose Au soi-tefa-ala emi, nalosa hataholi nusa dea sila-la, neukose lakokolaok lae, ‘Sa'di leo been-na, baba'e-papalak fo ana kona neu Yehuda ma Israel-la, ana kona neu o lain boe!’ Hu ndia de, matetea emi dalem-ma, ma boso bii-mamata'u!”

LUKAS 12:32

“Emi dede'u ma ka'da lumanak mesa kana de boso bii! Nana emi Amam boeo no namahokok hapu paleta nai emi maso'da ma dalek.