ZAKHARIA 7:3 - Susula Malalaok Hehelu Palak Ma Hehelu Beuk

³ Boeo ladenus, fo latane imam-mala ma basa nabi-la, lae leo ia, “Bei paluu ami kii-makaleleu Manetualain, Uman-na nakalulutun-na nenik okaaok-ka nai tunga-tunga bula ka 5, sama leo ami taon dodoo basa ia do?”

ZAKHARIA 7:3 Iomraidhean Croise

EZRA 3:10

Lelek tuka uma-la mulai lafofo'a Manetualain Uman-na laten-na, boema basa imam-mala pake ba'du manalu no ala ho'u pupuuk, fo langatuuk leu esa-esak mamanan. Hataholi Lewi-la leme teidale-bobongi Asaf-fa mai boeo, lapadeik lai ndia no ala ho'u meko anak-kala. Ala koa-kio Manetualain nandaa no nakanenetek fo nananaketu basak, ndek Mane Dauk-ka tepo-lelen-na.

PENGKHOTBAH 3:4

Manetualain naketu faik soaneu kii ma faik soaneu hika, faik soaneu makaleleu ma faik soaneu foti-longe,

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

YOEL 2:17

Madenu basa imam fo lalalau-laoono Manetualain, fo ala kii nai mei tunu-hotuk ma uma so'dan manai muka, tala'da, boema lafa'da lae, “Sue-lai O anam-mala, ou Manetualain; boso po'ilotak, lakamuu-lakadau O hata-hetom.” Nalosa leoina fe'ek-kala kokolak holo ma lafa'da lae, “Sila Manetualain nai bee?”

HAGAI 2:11

nae, “Moke imam-mala, fo ala fe nakeketuk la'eneu dede'ak ia.

ZAKHARIA 7:4

Manetualain hala-hehelun neu au-a nde ia,

ZAKHARIA 7:5

nae, “Mafa'da basa laun manai nusak ia lala'en-na, ma basa imam mala, mae okaok ma kii-makaleleuk fo sila taon nai hataholi Yahudi-la bula ka 5 ma bula ka hitun-na, nai teuk hituhulu dalen-na ia, ta neni ha'da-holomata ba'eneu Au fa.

ZAKHARIA 8:19

“Ala tao okaaok manai hataholi Yahudi-la bulak ka 4, ka 5, ka 7, ma ka 10-na dalek, neukose ana da'di feta fo henuk no namahokok-ka, ma hika-setelek ba'eneu laun Yehuda-la. Sue-lai ndoos ma mole-dame-a!”

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

MATEOS 9:15

Yesus nataa nae, “Ade emi hahapu ma leo beek? Ade fui manai feta ka'bi nga dale nala he'di sa, metema mana ka'bing tou ka bei sama-sama nos do? Tao leo bee o ta! Tehu neukose losa fai na, te mana ka'bing touk ndia la'oelas. Fo neu lelek ndia soona, besa ka ala oka ao nala.

1 KORINTUS 7:5

Da'dileo saotou saoinak, ela leo bee na esa boso doo ka neme esa mai. Bole, soaneu faik de'ubee dale na, sa'di duas lakaheik no'u-no'u so. No enok ndia, esa-esak hapu hule-haladoi no nee-nee-lino-linok. Tehu basa soona, duas muse lakabubua falik, da'dileo saoina saotouk. Metema ta leondiak fa soona, neukose emi bisa tunga dudungu-papau dula dale mangalau ka, nana emi ta makatatakak ma emi dale ma fa.

ULANGAN 33:10

Ala lanoli O anam-mala, fo ala tunga basa O paletam-mala, ma ala tunu-hotu tutunu-hohotuk nai O mei tunu-hotum lain.