ZAKHARIA 5:3 - Susula Malalaok Hehelu Palak Ma Hehelu Beuk

³ Boema nafa'da au nae, “Nai susula dook nanalunuk ndia dalek, nanasulak soo-supak soaneu nusak ia lala'en-na. Nai dook esa dalek, nanasulak nae basa nakodaa lala'en-na, neukose kalua henis leme nusak ia mai. Ma nai doo fe'ek esa dalek, nanasulak nae, basa hataholi manasoo-supa pepekok-kala boeo, neukose kalua henis.

ZAKHARIA 5:3 Iomraidhean Croise

KELUARAN 20:15

Boso mamanako.

AMSAL 29:24

Hataholi fo, ana tao-no'i sama-sama no nakodaa, sosoan-na nae, nakamuu-nakadau seluk aoinan-na. Metema, ana tui no mangale'dok nai uma manakee-manafula soona, neukose hukun. Tehu metema, ka'da denge-denge soona, neukose Manetualain soo-supan la'en.

AMSAL 3:33

Manetualain supa-soo hataholi mangalauk-ka uman-na, tehu Ana ba'e-pala hataholi manatungan-nana, uman-na.

AMSAL 30:9

Nana, metema au amasu'i soona, fafa'kama au afa'da, ae au ta paluu O so'on. Ma metema, au nuu-taa hata-taak soona, fafa'kama au amanako, nalosa au tao anggenggeo O na'dem-ma.”

YESAYA 24:6

Hu ndia de, Manetualain supa-soo basa daebafak-ka so, ma Ana huku laun-na, nanahu sila tatao-nono'in. Sila nanatao naputuk, de ka'da sila lumanak laso'da.

YESAYA 43:28

o imam-mala, ala tao langgenggeo Au Umang-nga. Hu ndia de, Au fe heni Israel, fo nananakadadaek, Au po'ilotak Yakob tititi-nonosin, nanatao namate-namopok.”

YESAYA 48:1

Mamanene leon, hai Yakob tititi-nonosin, Yehuda tititi-nonosin fo, manapake Israel na'den-na, o mafa'da mae, o manaku Israel Manetualain-na, ma o soo menik Manetualain na'den-na. Tehu, o hala-kokolam sila-la, ta neme o dale ndoom-ma mai fa.

YEREMIA 23:10

Ita nusa-namon-na henuk no hataholi fo ta manalilineka neu Manetualain fa. Sila so'dan-na mangalauk, ma ala tao sala sila ha'da palin-na. Nanahu Manetualain supa-soo de, na'u manai mook-ka ana da'di tuk, ma basa nusak lala'en-na kii-lamatani.

YEREMIA 26:6

Metema emi malanga batu mahele soona, uma mamasok ia neukose Au taon sama leo Silo, de nalosa basa leoina manai daebafak-ka pake kota Yerusalem ia na'den-na da'di leo soo-supak.”

YEREMIA 5:2

Emi mafa'da mae emi sene-do'ok neu Manetualain, te se'kona emi dale dodoom-ma, ta leondiak fa.

YEREMIA 7:9

Emi mamanako, manisa, hohonge, fe sakasii pepekok, fe tutunu-hohotuk neu Baal, ma sene-do'ok neu lamatua daebafak fo, emi ta malelak-kana fa.

YESKIAL 2:9

Basa boema, au ita limak esa, ana look-kana leo au mai. Nai limak ndia dalek, hapu susula nanadikuk,

DANIAL 9:11

Israel lala'en-na, la'olena O hoholo-lalanem, ma ta nau lamanene O halam-ma fa. Ami masala-masingo soaneu O, hu ndia de, O fe soo-supak fo nanasulak nai O atam Musa Susulan dale, tuni la'e ami.

HOSEA 4:2

Ala soo-supa tehu ala ta tao tunga fan; ala lasapepeko-lasandandali, lanisa, lamanako, ma ala hohonge. Tatao-nono'i mangalauk-ka boetai nakadele, ma kanisak-ka ana da'di, latutungao.

IMAMAT 19:11

Boso mamanako, boso tipu-dai, ma boso masapepeko-masandandali.

IMAMAT 19:12

Metema emi dodoon-nana, emi ta tao matetu hala heheluk ndia fa soona, boso maheluk pake Au na'deng-nga, nana no enok ndia, emi makadadaek Au na'deng-nga. Au nde emi Manetualain.

AMOS 3:10

Manetualain nafa'da nae, “Hataholi-la tao lahenu sila uma manen-nala nenik bua-lo'as fo ala hapus neme lumu-esek ma tatao-nono'i susue-lalai taak-ka mai. Lena-lenak ala ta tao tunga ndoon-na makandondook fa.

ZAKHARIA 5:4

Manetualain Fo Manakoasa, nafa'da nae, soo-supak ndia, neukose Ana fen sa'e-na basa nakodaa-la, ma hataholi manasoo-supa pepekok-kala uman-na. Soo-supak ndia, neukose la'e nakandoo uma sila-la, losa ala da'di ai-batu madodouk.”

ZAKHARIA 8:17

Boso tutu'u eno mangalauk neu emi nonoo hataholim-ma. Boso soo-supa pepekok. Au ta hii masapepeko-masandandalik ma ta manatao tunga ndoos ma matetun-na ma naseti-nalakak-ka fa.”

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

MALEAKHI 4:6

Neukose ana tao-na amak-kala ma anak-kala dalek esa, fo ela Au boso mai tao amopo-amate emi nusam-ma.”

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

LUKAS 21:35

Nana Faik ndia neukose ana mai sama leo hihi'ik esa neu basa hataholi manai daebafak ia poi na.

EFESUS 4:28

Hataholi fo ana biasa namanako, muse ana hahae namanako leona. Dede'a nasafali na, ana muse naue-nale'di, fo ana hapu tei-buin no matetu na, fo daenga ana hapu tulu-fali hataholi mana to'a-taa kala.

1 TIMOTIUS 1:9

Ita muse tafandendelek te, ala ta tao hoholo-lalanek sila la, soaneu hataholi mana tunga hoholo-lalane kala fa, tehu soaneu hataholi mana la'olena hoholo-lalane kala, basa hataholi mana tao tatao-nono'i mangalau kala, hataholi fo ana ta lili neka neu Lamatua ka fa, hataholi masala-masingo kala, hataholi agama ta kala, hataholi mana tunga daebafa ka hihii-nanaun, hataholi mana taonisa inan do aman, ma basa hataholi kanisak lala'ena,

YAKOBIS 5:12

Paluu makasososa ka nde: boso soo-supa minik lalai a, do daebafa ka, do su'di bee ka. Ka'da mafa'da mae, “Hei” metema emi dale dodoo ma nae, hei, ma mafa'da mae, “Ta” metema emi dale dodoo ma nae, ta; fo ela Manetualain boso naketu huhukuk neu emi.

YAKOBIS 5:4

Emi ta bae hataholi mana so'ubelak manai emi tina-osi mala, ngga'di nala fa. Besak ia, mamanene hataholi sila dale haladoi na! Basa hataholi mana ketu-kolu emi tina-osim buna boa na, Manetualain fo Mana Koasa, namanene dale haladoi nala so.

YOSUA 9:20

Ita ta bole taotisa fas, nana ita helu basa so; de metema ita talelesi hehelu-balataak ndia soona, neukose Manetualain huku ita.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.