ZAKHARIA 3:4 - Susula Malalaok Hehelu Palak Ma Hehelu Beuk

⁴ Boema, ata nusa so'dak ndia, nafa'da malalau-maoonon manai nusa so'dak-kala nae, “O'du heni bua-lo'a manggenggeok fo hataholi ia paken.” Boema nafa'da Yosua nae, “Au tu'u-tapa heni o sala-singom so, de neukose au fe o bua-lo'a beuk.”

ZAKHARIA 3:4 Iomraidhean Croise

2 SEMUEL 12:13

Boema, Dauk nafa'da Natan nae, “Au asala-asingo basa neu Manetualain so.” Boema Natan nataa nae, “Manetualain fe do'o do ampon neu Ama Manek so; da'di neukose ta mate Ama Manek fa.

1RAJA-RAJA 22:19

Mikha nafa'da seluk nae, “Besak ia, mamanene hata fo Manetualain nafa'dan! Au ita Manetualain nangatuuk nai kandela Mandela-masa'an lain nai nusa so'dak-ka, ma basa ata nusa so'da nala lapadeik deka loon.

MAZMUR 51:9

Malalao-malalafu au, soona neukose au balisi; Safe-saa au, soona neukose au fulak lena heni a'bas-sa.

YESAYA 43:25

Tehu Au, Manetualain, fo manalose heni o sala-singom, manafe do'o do ampon neu o, nanahu Au ha'da-paliing leondiak; Au ta afandele o sala-singom fa.

YESAYA 44:22

Au usiheni o salam-ma, sama leo ko'as-sa, Au usi heni o sala-singom, sama leo ko'dendenuk-ka. Fali ma'im-ma, leo Au mai leona, nana Au soi-po'i o so!”

YESAYA 52:1

Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

YESAYA 61:3

soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

YEREMIA 52:33

Ala fen loak fo ana nggati bua-lo'a nanapake neme bui dale mai, ma losa dodoon-na neme fai naso'dan ndia ana hapu na'a nai uma manek, ma ala fen doik tunga faik fo ana asa neu ndia palun-nala nai fai sa'dan-na.

YESKIAL 36:25

Basa ndia soona, neukose Au pisi oe neuk neu emi, fo ela emi malalaok neme basa emi sosongo-tatangom lala'en-na mai, ma neme basa hata lala'en fo, manatao nanggenggeo emi.

YESKIAL 42:14

Metema, imam-mala lalalau-laoono basa nai, Manetualain Uman, fo ala sanga leu leo uma so'dan manai deak-ka, soona muse ala la'oela sila bua papaken fo, ala paken nai lelek ala tao makaluku-makatele-a, nai kama sila-la dalek. Muse ala pake, bua papake fe'ek, basa ndia soona, besak-ka leu leo mamanak fo, laun-nala lakabubua.”

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

MIKHA 7:19

Neukose O sue-lai seluk ami, ma fe do'o do ampon neu ami. Neukose O lulumu-eese ami sala-singom-mala, fo O tapas leo tasi buin-na neu!

ZAKHARIA 3:1

Nai ninita fe'ek esa seluk dalek, Manetualain natu'du au, Imam Matuaina Yosua, bei napadeik nai Manetualain ata nusa so'dan-na matan-na. Nitu fo naheheleaon basa, soaneu ana kalaak-kana, napadeik nai Yosua boboan-na.

ZAKHARIA 3:7

“Metema o tao tunga Au hoholo-lalaneng, ma o makalala'ok Au fe o bela-ba'uk-ka, soona o bole da'di mauli-malangan nakandondoo henin, nai Au Umang dale, ma o ito-ato uma so'dan-na. Neukose Ao amanene o hule-haladoim-mala, sama leo Au amanene basa ata nusa so'dak manadeka loo Au-a, huhule-haladoin-nala.

ZAKHARIA 3:9

Au pe'da batu bu'u ka hituk esa neu Yosua matan-na, fo neukose Au doki-dulak-kana nenik susula de'ek. Neukose Au tu'u-tapa heni nusak ia sala-singon-nala, ka'da nai faik esa dalen-na.

MATEOS 22:11

Basa boema manek ndia neu memete hataholi nanaka'i kala. Boema nita hataholi esa nai feta ndia, ana ta pake bua-lo'a feta fa.

LUKAS 1:19

Ata nusa so'dak ndia nataa nae, “Au ia Gabrial. Au alalau-aoono Manetualain, ma Ndia nde nadenu au anduku-alosak hala malole ia neu o.

LUKAS 15:22

Tehu aman nalo malalau-maoono nala de nafa'das nae, ‘Lai-lai meu ho'i bua papake neulauk fo fen pake. Boema o'du ndeli neu lima ku'u na, ma fen pake sapatu neu ei na.

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

ROMA 3:22

metema hataholi daebafa ka nau malole falik lo Manetualain soona, muse lamahele Yesus Kristus. Manetualain tao leondiak fo hataholi daebafa ka lamahele Yesus Kristus, nana basa-basas matak esa:

ROMA 6:23

Nana sala-singo ka ngga'di na nde mamate sa; tehu Manetualain baba'e-babatin nde so'da manaketu basa ta ka nai Yesus Kristus dalek.

1 KORINTUS 6:11

Makahulu na, hapu hataholi de'ubee nai emi dalek, bei lanuu ha'da-palii leo sila kala. Tehu besak ia soona emi malalaok neme sala-singo ka mai so. Emi dadi Manetualain nuu hehelin so. Emi malole falik mo Manetualain, nana emi mamahele neu Lamatuak Yesus Kristus, ma hu ka nde ita Aman Manetualain Dula Dale na koasa na.

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

KOLOSE 3:10

Besak ia, emi hapu so'da beu ka de, emi da'di hataholi beuk so. Mana makadada'dik emi a, fo Manetualain, Ana tao nabebeu emi nakandoo, tunga Ndia mata aon. Dede'ak ia tetee-tutu'dan nae, fo ela emi malelak Manetualain no matetu-mandaak.

IBRANI 8:12

Neukose Au fe do'o do ampon neu sala-singo nala, ma Au ta afandele sala-singo nala so'on.”

NINITAK 5:11

Basa boema au ita seluk. Au amanene ata nusa so'da lifu-lifuk ma juta-juta hala nala. Lapadeik okofefeo la kandela mane ka, ma mahahae kaha kala, boema lasi-lasik sila la.

NINITAK 7:14

Au ataa ae, “Au ta bubuluk fa Tuan, Tuan mesa kana nde bubulu ka.” Boema nafa'da au nae, “Hataholi sila la nde hataholi fo no so'da-molek ala la'ok seli le'dofai fefepa lili'u matuaina so. Ala safe basa ba'du manalu nala ma ala tao las da'di fulak ninik Bi'ilopo Ana ndia daa na.