ZAKHARIA 2:6 - Susula Malalaok Hehelu Palak Ma Hehelu Beuk

^6-7 Manetualain nafa'da anan-nala nae, “Au tao tapasasala basa emi, leo bu'u-bu'uk lala'en-na neu so. Tehu besak ia, hai hataholi nanafook-kala lemin, malai meme Babel mai leona, fo fali me'um-ma leo Yerusalem meu.

ZAKHARIA 2:6 Iomraidhean Croise

KEJADIAN 19:17

Basa ndia boema, ata nusa so'dak ka duak sila-la, esa nae, “Malai leona, fo daenga o maso'da! Boso lipa leo dea neu, ma boso mate'e nai bafak dale. Malai leo letelepak-ka meu, fo ela boso mate emi!”

MAZMUR 44:2

Ou Manetualain, ami mamanene matam, tutuik fo ami bei-ba'i kaim-mala tuin la'eneu tatao-nono'i matuaina fo O taon nai tepo lelek makahulun-na so.

YESAYA 48:20

La'o leona, fo malai meme Babel mai, tui-benga halak ia, leo basa mamanak lala'en-na neu. Tui-benga no namahoko-seteleek mae: “Manetualain soi-tefa basa Israel, fo atan-na so!

YESAYA 55:1

Manetualain nafa'da nae, “Mai leon, basa emi fo, manamaa ma'dak-kala, fo minu oe nanasadiak-ka leona. Mai leon, emi fo doi tak-kala, sipo gandum, te ta bae fa, fo mi'a leona! Angol ma kapaoe-a, nanasadiak, sipon no ta bae fa.

YEREMIA 1:14

Manetualain nafa'da nae, “Soe matuaina, neukose ana mai neme kii mai, fo ana tunin-na basa nusak ia laun-nala.

YEREMIA 15:4

Neukose Au tao basa leoina manai dabafak ia, ala mete seoona, langgenggengo ao. Au tao basa sila-la nanahu Manasye fo Hizkia ana manen-na tatao-nono'in nai Yerusalem, fo nai lelek ana da'di Yehuda manen-na.”

YEREMIA 3:18

Neukose, Israel nakabubua no Yehuda, fo ala mai sama-sama leme nusak fo, mamana ookak-ka nai boboak kii Neukose, ala fali ma'is leo nusak fo, Au fe basan neu o bei-ba'i kaim-ma, da'di leo dae pusaka.”

YEREMIA 31:10

Manetualain nafa'da n, “Mamanene leona hai leoina-la lemin! Manduku-malosak Au hala-haituang-nga lo tasi selik neu: neu Au anang-ngala fo Au tao tapasalak-kala neukose Au tao akabubuas ma Au akaboboi matalololes sama leo manafoo-a nanea bi'ilopon.

YEREMIA 31:38

Manetualain nafa'da nae, “Neukose losa fain-na te, basa Yerusalem lala'en-na nanafofo'a falik da'di leo Au kotang-nga, fo neme Dedeo Madema Hananeel losa lo Lelesu Ina Bu'uk-ka.

YEREMIA 31:8

Au o falik-kasa neme kii mai; Au tao akabubuas neme daebafak-ka pe'dak leo pe'dak neu. Hataholi pokek-kala ma hataholi lu'uk-kala neukose ala tunga los, boema inak fo manabongi beuk-kala, ma inak kaiulis fo deka bobongik-kala boe. Sila basa-basas neukose ala fali ma'is te dede'un-nala mafandiknan lo nusak ia mai.

YEREMIA 50:8

Hei Au anang Israel, malai meme Babel leo! O mu makahuluk fo besak-ka nggelok tunga.

YEREMIA 51:45

Hu ndia de malai neme ndia leo, hei Au anang Israel! Soi-ma o sala-singong neme Au nasa-melung-nga mai.

YEREMIA 51:50

Manetualain kokolak neu hataholi Israel fo manai Babel nae, “Emi kalua neme kanisak-ka mai so! Besak ia meu leo! Boso mahani! Leomae emi dook-ka neme uma, mafandele neu Au, emi Manetualain, ma neu Yerusalem.

YEREMIA 51:6

Tulu fali ma aopaam-ma! Hu ka nde losa fain-na so fo balas Babel mangalaun-na, ma hukus tunga sila tatao-nono'in-na.

YESKIAL 11:16

Hu ndia de, manduku-malosak Au hala hehelung-nga nde ia, neu o nanoom fo manai mamana tu'u-tapak, mae Au nde o sila leo leoina manai dook eli-la. Tehu nai lelek fo sila bei leo lai naa, neukose Au sama-sama o sila.

YESKIAL 17:21

Neukose, mate solda'du neulaun-nala nai natee-natatik dale, tehu maso'dak-kala, neukose nanatao tapasasalak leo basa bu'u-bu'uk lala'en-na neu. Soona besak-ka Au anang-ngala bubuluk lae Au, nde Manetualain, nde manakokolak-ka.”

YESKIAL 5:10

Nekose hataholi lasik-kala, la'a seluk ana bongin-nala, ma anan-nala la'a seluk ina-aman. Neukose, Au hukus leondiak, ma Au tao tapasasala laun fo, bei maso'dak-kala, leo basa daebafak-ka bu'un-nala leu.

YESKIAL 5:12

Metema, ba'e o laum-ma neu baba'ek telu soona, Au taoisa baba'ek esa, nanahu he'di-laus ma la'a-ndoes-sa da'di nai kota dale. Baba'ek esa, nanado'do nisak nai kota deak, ma neukose Au nggenggela-ngganggali baba'ek esa seluk, leo basa daebafak-ka bu'un-nala leu, ma neukose Au usis tataas esa nenik tafaina.

DANIAL 11:4

Tehu losa fai matua-mademan mate'en-na soona, neukose nusan-na heaba'en fo nanababa'ek da'di baba'ek 4. Mane-manek fo ndia tititi-nonosin ta sila fa, neukose ala paleta nggatin, tehu be'i-balakain-nala ta sama no fan.

AMOS 9:9

Neukose Au fe paleta, ma Au da'i-lelee leoina Israel-la, sama leo hataholi-a da'i-lelee gandum-ma nai ooko dale, fo soaneu tipa heok hataholi sosoa-ndandaa taak-kala nai sila dalek. Neukose Au dopok-kasa nai leoina-la tala'da.

ZAKHARIA 1:16

Besak ia, Au fali leo Yerusalem u, fo Au fe do'o do ampon neu kota ndia. Neukose Au Umang-nga nananafofo'a falik, ma neukose kota Yerusalem-ma, nanatao nahiik seluk.”

MATEOS 24:31

Pupuu matua ina nanapuuk soona neukose Ana Hataholi ka nadenu ata nusa so'da nala tao lakabubua hataholi kamahehele nala leme daebafa ka bu'un has mai, ma leme lalai pe'dan esa losa pe'dan esa.”

MARKUS 13:27

Neukose nadenu ata nusa so'da kala fo ala tao lakabubua hataholi kamahehele nala leme daebafa ka bu'un has mai, ma leme daebafa ka pe'da na leo lalai pe'da na.”

ULANGAN 28:64

Neukose, Manetualain tao tapasasala emi, leo basa leoina manai daebafak-ka lala'en-na neu. Nai naa, neukose emi sene-do'ok neu lamatua daebafak fo nanataok neme ai-batu mai, lamatua daebafak fo, emi ta malelak-kana, ma emi bei-ba'i kaim-mala boeo, ta lalelak-kana fa.

NINITAK 18:4

Boema au amanene hala fe'ek esa neme nusa so'da ka mai nae, “Kalua leona, Au hataholi kamahehele ngala lemin! Kalua meme dalek mai leona! Emi boso tunga sala-singo nala, ma boso tunga lu'a-lepa huhuku na!

RUT SUSULAN-NA 4:1

Boas neu leo mamana natotongok-ka, nai kota lelesuinan-na. Nangatuuk boema, touk esa tunga ndia, fo tunga Boas soona, hataholi ndia nde been-na, Elimelekh teidale mata dalen. Boema Boas naloon de nafa'dan nae, “Tolanoong-nganei, mai fo mangatuuk mai ia!” Hataholi ndia mai boema, nangatuuk.