ZAKHARIA 13:3 - Susula Malalaok Hehelu Palak Ma Hehelu Beuk

³ Ma metema, bei hapu hataholi fo nafa'da nae ndia naduku-nalosak hala heheluk soona, aman no inan nde lafa'dan lae, ndia muse nanahukunisak, nana hata fo ana kokolak-kana ndia nde bee-na, pepekok. Metema ana manaku nahele aoinan-na nabi boe, soona neukose aman no inan nde pau lisan-nana.

ZAKHARIA 13:3 Iomraidhean Croise

YEREMIA 23:25

Basa hata fo nananafa'dak neme nabi sila-la Au bubuluk-kasa so. Ala lasapepeko-lasandandali pake Au na'deng-nga lae, Au hala haituang-nga ala sipon tunga me'i-afek.

YEREMIA 23:34

Metema hataholi esa neme Au anang-ngala do nabi do imam fo ala bei kokolak la'eneu ‘Manetualain lelepa mabelan-na’, soona ndia no basa uma isin lala'en-na Au hukus.

YEREMIA 28:15

Au anduku-alosak basa sila-la neu Hananya, boema au afa'da seluk ae, “Hai Hananya, mamanene! Manetualain ta nadenu o fa; O taom-ma leoina ia namahele neu ka'da dede'a-kokolak pepeko-lelekok.

YESKIAL 13:23

Besak ia, emi ninitam fo nanapake taa-mala, ma emi mafa'da ela dede'a masapepekok-kala, nate'e so. Au soi-tefa-ala, Au anang-ngala leme emi fufu'di-oodo mangalaum-ma mai. Soona besak-ka, emi bubuluk mae Au nde, Manetualain-na.”

YESKIAL 14:9

Metema, nabi esa nanake'di-ndiu basak, nalosa ana fe natataa masalak soona, Au nde ke'di-ndiu nana. Au, Manetualain Fo Mademaina, neukose kalua henin neme hataholi Israel-la dalek mai.

YESKIAL 43:7

“Hai hataholi daebafak fo, manasapu-manalalok-konei, Au kandela maneng-nga nde ia. Neukose Au leo nai ia, fo nai hataholi Israel-la tala'da heon, fo Au paletas losa dodoon-na. Nau sila, do sila manen-nala boe, neukose ala ta tao langgenggeo seluk Au na'de malalao-malalafung-nga, nenik sene-do'ok neu sosongo-tatangok, do nenik latoi-latono sila manen-nala popolan-na, nai mamanak ia.

MATEOS 10:37

Hataholi mana sue-lai aman do inan lena heni Au, soona hataholi ndia ta nandaa da'di Au ana mana tungang fa. Leondiak boe, ba'eneu hataholi fo ana sue ana toun do ana inan lena heni Au a.

LUKAS 14:26

“Metema hataholi mai leo Au mai, tehu ana sue-lai inan, aman, saoina na, ana nala, ma tolanoo nala, lena-lenak aoina na lenaheni Au soona, ana ta bisa da'di Au ana manatungang fa.

2 KORINTUS 5:16

Hu ndia de, ami ta uku-dou hataholi ninik hataholi daebafa ka uuku-dodoun fa. Memak ami uku-dou hai Kristus ninik hataholi daebafa ka uuku-dodoun, tehu besak ia soona, ta so.

ULANGAN 18:20

Tehu metema, nabi esa, ana napalani nanduku-nalosak hala-heheluk esa, fo ana pake Au na'deng-nga, te se'kona, Au ta adenun ana tao leondiak fa soona, muse taonisan; leondiak boe, ba'eneu nabi fo, ana kokolak pake lamatua daebafak fe'ek-kala na'den-nala soona, muse hukunisas.’

ULANGAN 33:9

Ala lilineka neu O, lena heni basa hata lala'en-na, lena heni ina-amak, ma tolano ka'a-fa'di-a. Ala tunga O paletam-mala, ma ala tao latetu, O hehelu-balataam.