ZAKHARIA 12:2 - Susula Malalaok Hehelu Palak Ma Hehelu Beuk

² “Neukose Au tao-a, Yerusalem sama leo nggalas fo isin-na angol; nusa-nusak manai titia-tatain-nala, neukose linun, fo laleulilok, sama leo hataholi manamafuk-ka. Ma metema, lakahapi-la Yerusalem soona, neukose lakahapi-la, bei ela kota-kota manai nusa Yehuda boe.

ZAKHARIA 12:2 Iomraidhean Croise

MAZMUR 75:8

Tehu Manetualain mesak-kana nde naketu-nala'di-a Ana nakadadaek esa ma Ana so'ulaik fe'ek-kala.

YESAYA 51:17

Fo'a leon, hai Yerusalem, fo'a leona! Huhukuk fo Manetualain naketun, nanahu nasa-melun-na, au akalala'ok-kana, losa basan so.

YEREMIA 25:15

Manetualain, Israel Manetualain-na, nafa'da neu au nae, “Ho'im-ma nggala angol ia fo Au isi basan nenik Au angol nasa-melung-nga. Menin lo basa leoina fo nai bee Au adenu o-a, fo madenus ala linu angol ia.

YEREMIA 25:17

Boema au sipo-a nggala angol ndia neme Manetualain liman-na mai, de au u lo basa leoina fo nai bee Manetualain nadenu au-a, boema au taos ala linu angol ndia.

YEREMIA 49:12

Hataholi fo ta nandaa huhukuk fa neukose ana hapu huhukuk boe, tao le'e de o ta? neukose o hapu huhukuk!

YEREMIA 51:57

Neukose Au tao amafuk manaho'u paleta Babel – basa hataholi malelak-kala, mauli-malanga ma soloda'du. Sila ta fo'a soon, sungu losa dodoon-na. Au nde makokolak so; Manek-ka nde Au, Au Manetualain Fo Manakoasa.

YEREMIA 51:7

Makahulun-na Babel sama leo ngala lilo-a fo Au ho'un ma ana tao nan basa daebafak-ka mafuk. Leoina-la linu angol neme ngala ndia fo ala da'di lamulu.

YEREMIA 8:14

Manetualain anan-nala bekola lae, “Tao le'e de, ita ta tao hata-hata fa? Mai fo, basa-basa tala, talai leo nusa fe'ek, fo kotan-nala makota musuk, nemen-na ata mate nai naa. Ita Amam Manetualain naketu basa, nae muse mopo-mate ita. Ana fe basa ita laso, fo ita tinu, nana ita tasala-tasingo neun.

HABAKUK 2:16

Besak ia, o baba'em-ma losa, soaneu nananakamamaek, te ta soaneu nanafe ha'da-holomata fa. Neukose O ha'da-holomatam, nasafali da'di nananakadadaek. Neukose Manetualain laka o minu neme nggalas fo isin-na huhukuk. Neukose o minun fo maleu-lilok.

ZAKHARIA 14:14

Touk manai Yehuda-la, neukose latee-lata'ti soaneu lasala'e Yerusalem. Neukose ala ho'i-la, basa leoina manai boboa-kaisun-nala hata-heton, da'di leo bua-lo'a kakalok, fo nalupa lilopilas, lilofulak ma bua-lo'a papakek-kala ladodou.

ZAKHARIA 14:2

Neukose Manetualain naloo nakabubua basa leoina-la, fo leu sapu-la Yerusalem. Neukose ala loso-la kota ndia, ala bonga uman-nala ma ala sungu loo inan-nala. Neukose, ala foo leni laun-na seli, leo mamana tu'u-tapak neu, tehu bei ela hataholi-la, ala leo lahele nai kota ndia.

NINITAK 14:10

hataholi ndia neukose ninu Manetualain ango la, fo nde angol nasa melun, fo nanadi'a basak leo nggalan dale no ta kulang faa anak boen! Basa hataholi sila la neukose ala doidoso nai ha'ipilak ma belerang manai ata nusa so'da malalao kala ma Bi'ilopo Ana ndia matan.

NINITAK 16:19

Kota matuaina ndia heaba'en neu baba'ek telu, ma basa nusaina manai daebafa ka, kota nala boeo lakalulutuk. Boema Manetualain nafandele na Babel fo kota matuaina ndia. Manetualain fen ninu angol neme Ndia nggalaa na mai – fo nde angol nasa-melun manalua ponu-ponu na.

NINITAK 18:6

Taon sama na leo ana tao basan neu emi a; balas ana la'i dua soaneu basa hata fo ana tao-no'i basa ka. Isi mango na ninik nininuk fo nanala lenaheni neme nininuk fo nanasadiak soaneu emi.