ZAKHARIA 10:9 - Susula Malalaok Hehelu Palak Ma Hehelu Beuk

⁹ Leomae Au tao tapasasalas leo leoina-la tala'da leu boe, neukose lafandendelek lahele Au nai naa. Neukose laso'da, leondiak boe, anan-nala ma neukose, ala fali sama-sama leo nusan-na mai.

ZAKHARIA 10:9 Iomraidhean Croise

NEHEMIA 1:9

Tehu metema ami fali seluk leo O mai, ma ami tunga O paletam-ma soona ami fo manatapasasalak ia-la, neukose O tao makabubua seluk ami, leomae ami nai daebafak-ka pe'dan-nala boe. Boema neukose O moo falik ami leo mamanak fo O hele basan soaneu da'di mamana huhule-haladoik neu O.

ESTER 8:17

Boeo, nai basa kota ma propensi-la, su'di nai bee boe, fo ala lees manek-ka susula paletan-na soona, hataholi Yahudi-la lamahoko, dalen-nala loa-loak mesan, ma ala tao feta-dote. Nakalenak bai, laun ba'uk-ka masok leo leoina Yahudi dale leu, nanahu ala bii-lamata'u neu leoina ndia.

YESAYA 44:21

Manetualain nafa'da nae, “Hai Israel, mafandendelek basa ia-la, nana, o nde Au atang-nga. Au tao-ala o, manu lupak, de Au atang o, Israel, neukose Au ta afandele heni o fa!

YESAYA 64:4

Beita hapu, hataholi namanene hai, ma beita hapu, hataholi nita hai, nae fe'ek neme O mai, hapu manetualain fe'ek fo, ana tao-no'i ba'eneu hataholi fo, namahena neun.

YESAYA 65:23

Basa hata fo ala tao-no'in, neukose neni buna-boak, ma sila anan-nala, neukose ta mate no kaiboik fa. Sila ma sila tititi-nonosin, neukose Au fes baba'e-papalak losa dodoon-na.

YESAYA 65:9

Hataholi Israel de'ubee, leme leo Yehuda mai, neukose Au fes baba'e-papalak, ma neukose Au fe sila tititi-nonosin, lanuu Au dae letelepang-nga. Au hataholi heheleng-ngala, neukose ala leo lai naa.

YEREMIA 31:27

A, Manetualain, afa'da ae, neukose losa fain-na te, Au tao ahenu nusak Israel no Yehuda nenik hataholi daebafak ma bana-manu.

YEREMIA 51:50

Manetualain kokolak neu hataholi Israel fo manai Babel nae, “Emi kalua neme kanisak-ka mai so! Besak ia meu leo! Boso mahani! Leomae emi dook-ka neme uma, mafandele neu Au, emi Manetualain, ma neu Yerusalem.

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

HOSEA 2:23

Neukose Au tao-a Au anang-ngala, laso'da no tetu-temak ma ala leo lahele leme sila nusan-na. Neu sila fo loken lae, ‘Fo Ta Nanasue-laik-ka fa’ neukose Au atu'du ae, Au sue-lais, ma ba'eneu sila, fo lokes lae ‘Au anang ta sila fa’ neukose Au afa'da ae, ‘Au anang emi’. Neukose, lataa lae leo ia, ‘O nde ami Manetualaim-ma.’ ”

AMOS 9:9

Neukose Au fe paleta, ma Au da'i-lelee leoina Israel-la, sama leo hataholi-a da'i-lelee gandum-ma nai ooko dale, fo soaneu tipa heok hataholi sosoa-ndandaa taak-kala nai sila dalek. Neukose Au dopok-kasa nai leoina-la tala'da.

MIKHA 5:7

Hataholi Israel fo ala bei leo lai leoina-la tala'da, neukose sama leo meoasu nai bana manai nula-la tala'da, do nai bi'ilopo bubuak manai moo mana'uk-ka. Meoasu ndia neu leo bi'ilopo bubuak ndia tala'da heon neu, fo ana heheta-aa'i ma ana sisii-lulu'i. Ta hapu manasoi-po'i fo soi-po'i bi'ilopo sila-la fa.

HATAHOLI 8:1

Ma Saulus sipok kanisak ndia no namahokok boe. Faik ndia dale na boe, ala usi salanik manai Yerusalem-mala, de nalosa hataholi kamahehele kala lalai tapasasala leo basa nusa Yudea no Samaria lala'ena leu, ta'da fe'e Lamatua ka hataholi nadedenu nala soona, ta lalai fa.

HATAHOLI 8:4

Hataholi kamahehelek fo mana tapasasalak sila la tui-benga Manetualain Hala Malole na leo basa mamanak lala'ena.

ROMA 11:24

Emi ta da'di meme hataholi ta Yahudi la fo sila sama na leo ai zetun fui ka ndana na. Naa, metema emi tu'u tapaheni emi ha'da paliim soona, emi nana nakadidita falik neu ai zetun matetu ka, muda hata no hataholi Yahudi sila la fo Manetualain nakasasama kasa sama leo ai zetun matetuk ndia ndana nala. Tao leo beeo, mudak la'iesa kana ba'eneu Manetualain nakadiditak fali kasa leo sila ai zetun matetu na huu na neu.