ZAKHARIA 10:5 - Susula Malalaok Hehelu Palak Ma Hehelu Beuk

⁵ Neukose laun Yehuda-la, ala sengi, sama leo palani ta'tibatu-la, ala heheta-aa'i musu-a, sama leo tane-a nai enok lain. Neukose, lata'ti lakandoo, hu kande Au, Manetualain tulu-falis, ma solda'du musu manasa'e ndala-la, neukose ala sengi la'iesak-kasa.

ZAKHARIA 10:5 Iomraidhean Croise

2 SEMUEL 22:43

Au tao alas beesopu, sama leo dae sopu manalapuk-ka, au sasapus, sama leo tane nai enok lain.

2 SEMUEL 22:8

Boema, daebafak-ka nanggengo ma ana dele, letek-kala huun-na, ala ke'ko, ma ala dele nanahu, Manetualain nasa-melun!

2RAJA-RAJA 9:33

Yehu nafa'das nae, “Tapa inak ndia leo dae neu!” Boema, ala tapa Izebel leo dae neu, de kaleta loli-nan, nalosa daan-na pisok leo papala nanadamak-ka neu, ma leo kaleta ndia ndalan-nala neu.

MAZMUR 18:42

Ala nggasi, tehu ta hapu manatulu-fali fa, ala laloo bou-bou neu Manetualain tehu Ana ta nataa fa.

MAZMUR 20:7

Besak ia, au bubuluk, ae Manetualain fe sesengik neu manek fo, Ana helek-ka. Manetualain nataan neme nusa so'dan fo malalao-malalafun-na mai; no Manetualain koasan-na, de ana hapu sesengik matuaina.

MAZMUR 33:16

Manek-ka ta sengi, hu kande solda'du makadoton-nala fa, solda'du ta naso'da, hu kande be'i-balakain fa.

MAZMUR 44:5

O nde au Maneng ma au Manetualaing-nga, fo manafe sesengik neu O anam-mala.

MAZMUR 45:3

O nde ao makadelek nanseli, nai hataholi daebafak-ka tala'da, o hala-kokola henuk no malole, hu ndia de, Manetualain ba'e-pala o losa dodoon-na.

YESAYA 10:6

Au haitua Asyur ne'i fo ana sapu-na Au leoinang fo manafali deak-kala, ma manatao-na Au amanasa. Au adenu Asyur ne'i fo, ana bonga uma boema namanako, ma ana heheta-aa'i Au leoinang-nga sama leo afu manai enok lain-na.”

YESAYA 25:10

Neukose Manetualain nasulu-nahapa Pupuku Sion-na, tehu Moab, neukose nanaheheta-aa'ik, sama leo ha'deaik-ka nai mamana kadafuk-ka.

YESAYA 31:1

Soe ba'eneu hataholi fo, neu noke tutulu-fafalik neme Masir mai. Dalen-nala lamatua neu Masir solda'dun-nala be'i-balakain, no solda'du manasa'e ndalan-nala, ma ndalan-nala balakaik mesa-mesan, boema kaleta makadoton-nala. Tehu ala ta lamahele Amak, fo Israel Manetualain malalao-malalafun-na fa, de ta loke tutulu-fafalin fa.

YESAYA 41:12

Neukose, o sanga hataholi manala'ban o-a, tehu o ta hapu fas. Hataholi fo latee-latati lo o-a, besak ia, mate-mopos, ma mopos so.

YESAYA 41:25

Au adenu basa hataholi esa neme dulu mai so: Au aloon, fo ana sapu neme kii mai. Neukose, ana heheta-aa'i basa manakoasa-la, sama leo tane-a, sama leo manatao ulek-ka, heheta-aa'i dae ulek-ka.

YESAYA 8:9

Hai basa leoina-la lemin, Makabubua no nggenggengek leona! Mamanene leon, hai daebafak-ka pe'dan-nala lemin! Maheheleaom leona, fo matee-mata'ti, tehu no dalek fo manadele ngge'be-ngge'bek! Hei, maheheleaom leona, tehu no dalek fo, manadele ngge'be-ngge'bek!

YESKIAL 38:15

O la'o meme o mamana leleom-ma nai kii, fo doon-na seli, ma solda'du palani makadotok ala tunga o. Solda'du sila-la, solda'du manasa'e ndala mesa-mesan leme leoina mata-matak-kala mai.

AMOS 2:15

Manakou malelak-kala, neukose ta lakatatakak fa, manamalai makamiuk-kala, neukose ta hapu lalai fa, ma manasa'e ndala-la, neukose ta lala deak fa.

MIKHA 5:8

Neukose Israel sengi musun-nala, boema ana tao nakalulutuk la'iesak-kasa.

MIKHA 7:10

Makahulun-na musu-a nakadadaek ita nenik nafa'da nae, “Manetualain, fo emi Manetualaim ndia nai bee?” Tehu besak ia, neukose lita hata fo Manetualain taon ba'eneu ita, fo neukose ala mae. Neukose ita tita matan, ita musun sila-la kala, ma nanaheheta-aa'ik sama leo tane nai enok lain.

HAGAI 2:22

Au tao akalulutuk nusa-nusak-kala, ma Au tao akalulutuk koasan-nala. Neukose Au fae alenga kaleta natee-nata'tin-nala loo hataholi manaho'un-nala; neukose mate basa ndalan-nala, ma hataholi manasa'ek-kala, esa taonisa esa.

ZAKHARIA 12:4

Nai faik ndia, neukose Au tao-a basa ndala-la lapangamak ma manasa'en-nala lamulu, neukose Au anea laun Yehuda, tehu Au tao apoke basa ndala musun lala'en-na.

ZAKHARIA 12:8

Nai faik ndia, neukose Au asulu-ahapa laun Yerusalem-mala; ma manandole-dakuk nanseli, nai sila dalek boeo, neukose ala da'di mabe'i-balakaik, sama leo Dauk be'i-balakain. Neukose Dauk tititi-nonosin hela-noles, sama leo Au ata nusa so'dang-nga hela-noles nakalenak, sama leo Au nde hela-noles-sala.

ZAKHARIA 14:13

Nai faik ndia, neukose Manetualain tao-na leoina sila-la lapangamak, ma ala bii-lamata'u lanseli, nalosa neukose hataholi esan-na, ana ho'u-na nonoon manai boboan-na, fo ana fepa-li'un.

ZAKHARIA 14:3

Boema neukose Manetualain tutulumatak, fo natee-nata'ti la'ban leoina sila-la, sama leo Ana taon nai tepo-lelek makahulun-na.

ZAKHARIA 9:13

Neukose Au pake Yehuda da'di leo palani ta'tibatu-la kokoun-na, ma Israel da'di leo kokou isik, fo nahani ka'da po'in neu. Au pake laun Sion-na da'di leo tafaina; fo no tafaina ndia, neukose Au sapu-a hataholi Yunani-la.”

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

MATEOS 4:3

Boema nitu mai de nafa'dan nae, “Manetualain Anan O hetu? Naa, madenu batu ia la da'di loti leona.”

LUKAS 24:19

Boema Yesus natanes nae, “Manda'di beek ndia?” Boema lataa lae, “Manda'dik fo ana da'di neu Yesus fo hataholi Nazaret ndia. Hataholi ndia Nabi esa. Hala-kokolan ma tatao-nono'in nanuu koasa matuaina, nau tunga Manetualain mata memete na, do tunga basa hataholi daebafa ka mata memete na boe.

HATAHOLI 18:24

Ndia te hataholi Yahudi esa bongin neme Aleksandria, na'de Apolos neu leo Efesus neu. Hataholi ia malela dede'ak, ma nalelak Susula Malalao ka isi liin no malole na,

HATAHOLI 7:22

Basa leoina Masi ra malela nala lanoli la'iesa kasa neu Musa, de nalosa Musa da'di hataholi mana koasa matuaina nai hala-kokolan ma tatao-nono'i na dalek.

2 KORINTUS 10:4

Tee-tafa fo o ami paken nai ami ulepo'de ma dalek, ta tee-tafa fo neme daebafak ia mai fa, tehu Manetualain koasa na. No tee-tafa ndia de, ami tao makalulutuk kota musu la. Ami siliheni manamatui kala,

ULANGAN 20:1

“Metema emi meu matee-matati fo, la'ban emi musum-mala, fo emi mita musu-a kaleta musun-nala, ndalan-nala boema solda'dun-nala de'ulena emi soona, boso bii. Te emi Manetualaim-ma, fo manasoi-po'i emi meme Masir mai-a, neukose Ana tulu-fali emi boe.

2 TIMOTIUS 4:17

Tehu Lamatua ka no nahele au, nai au boboa nga. Ana fe au be'i balakaik, de nalosa au apalani tui-benga la'i esak Hala Malole ndia, fo ela basa hataholi ta Yahudi la, lamanene beno'u. Ma au ala soe mamate sa deak.

2 TIMOTIUS 4:7

Au tunga nakasusu'dik lala'ena no malole de, au losa dae dudui mate'e ka so. Ma au lilineka ahele Kristus losa mate'e na.

YOSUA 10:14

Manada'di ndia, beita da'di nita fa, ma neukose nai faik esa, ana ta da'di sama leo faik ndia, fo nae Manetualain tunga hataholi daebafak-ka dale hihiin-na. Manetualain natee-nata'ti nok Israel!

YOSUA 10:42

Ka'da nai natee-natatik la'iesa mesak-kana, de Yosua sengi basa manek sila-la, ma nangatuun-na, sila nusa paletan-nala, nanahu Manetualain fo Israel Manetualain na, natee-nata'ti soaneu Israel.

NINITAK 19:17

Boema au ita ata nusa so'dak esa napadeik nai le'do lain. Nalo bou-bou napane'e neu basa manupui manalaa nai lalai la nae, “Mai makabubua leona, soaneu tunga feta matua fo Manetualain tao ka!

SEMUEL SUSULAK-KA ESAN-NA 16:18

Lamanene dede'ak ndia boema, atan esa nafa'da nae, “Kota Betlehem-ma laun esa, na'de Isai, anatouanan esa nakaminak nalelak sasanu. Hataholi ndia palani, ma solda'du malole esa. Bai te, aon-na makadelek ma malela dede'ak, ma Manetualain tulu-falin tataas esa.”