ZAKHARIA 1:6 - Susula Malalaok Hehelu Palak Ma Hehelu Beuk

⁶ Au anduku-alosak Au paletang-ngala, ma Au hala nasanene'dang-ngala neu emi bei-ba'i kaim, tunga basa nabi-nabi fo Au atang sila-la. Tehu ala ta taoafik-kana fa, nalosa ala muse lu'a-lepa buna-boan. Boema lasasale dale, ma ala manaku lae Au, Manetualain Fo Manakoasa, huku basa sila, nandaa no sala-singon-nala, ma nandaa no Au nakeketung-nga.”

ZAKHARIA 1:6 Iomraidhean Croise

AYUB 6:29

Boso ho'i nakeketuk fo, ta ndoos ma matetuk fa, mame'dak leona! Boso makamuu-makadau au, te tete'ek-ka, au salang ta.

YESAYA 21:17

Kedar hataholi manakoun-nala nde been-na, hataholi fo balakaik ma makadelek. Tehu neukose, ka'da sila lumanak laso'da. Au, fo Israel Manetualain, nde manakokolak-ka.”

YESAYA 44:26

Au nde atetea-ahehele Au atang-nga, dede'a-kokolan, ma Au tao-no'i dale tutu'uk fo, Au atang-nga nafa'dan. Au afa'da, ae neukose Yerusalem-ma, nanaleok seluk, ma kota-kota manai Yehuda-la, neukose Au afofo'a falik-kasa; ai-batu manatapasasalan-nala, neukose nanatao matalololek.

YESAYA 55:1

Manetualain nafa'da nae, “Mai leon, basa emi fo, manamaa ma'dak-kala, fo minu oe nanasadiak-ka leona. Mai leon, emi fo doi tak-kala, sipo gandum, te ta bae fa, fo mi'a leona! Angol ma kapaoe-a, nanasadiak, sipon no ta bae fa.

YESAYA 55:11

Leondiak boe, dede'a-kokolak fo, Au kokolak-ka, ana ta fali ma'in leo Au mai, no palsuma fa, tehu ana hapu tao hata fo, Au ahiik-kana, ma ana hapu basa hata lalaen fo, Au dudu'ak-ka.

YEREMIA 23:20

Nasa-melun neukose ta naloe fa, metema Ana dudu'a-aafi nakala basa-basas beita da'di fa. Nai fai makabuin-na neukose Manetualain anan-nala bubuluk dede'ak ndia no mangale'dok.”

YEREMIA 26:15

Tehu mafandendelek te, metema emi tao misa au soona,, emi ma kota ia laun-nala neukose lu'a-lepa sala singok neme hataholi sala taak ndia nakanisan-na mai. Nana, Manetualain nde nadenu au soaneu fe nasanene'dak ndia neu emi.”

YEREMIA 28:17

Boema teuk nda dalen-na boe, nai bula kahitu-a boema mate Hananya.

YEREMIA 32:24

Hataholi Babel-la ala tao papala nanadamak musu feo kota soaneu latona-la, de besak ia latee-latati so. Natee-natatik-ka, la'a-ndoes-sa, ma he'di laus matuaina, neukose taon-na kota ia tu'da lo sila neu. O mita matan boe, basa hata fo O mafa'dak-kala ala da'di mata nitak.

YEREMIA 36:28

ho'i susulak nanalunuk fe'ek, fo ela au sulak basa hata fo nanasulak nai susulak fo nanalunuk makasososak ndia.

YEREMIA 39:16

afa'da neu Ebed-Melekh fo hataholi Sudan-ndia ae, Manetualain Fo Manakoasa, fo Israel Manetualain-na, nafa'da nae leoia, “Sama leo makahulun-na fo Au afa'dak-ka, neukose Au uni fe kota ia susa-soe te ta tetu-temak fa. Neukose o mita dede'ak ndia ana da'di.

YEREMIA 4:4

Hei laun Yehuda ma laun Yerusalem-mala lemin! Ho'u mahele emi hehelu-balataam moo Au, fo emi Manetualaim-ma, ma fe hehelik o aoinam-ma neu Au. Metema ta, soona neukose Au nasa-melung ana lua ponu-ponu fo nana'a, sama leo ha'i-a, fo su'di see boe, ana ta hapu taonisa fan. Neukose basa sila-la, tuni-la emi, nanahu emi tatao-nono'i mangalaum-mala.”

YEREMIA 44:2

Manetualain Fo Manakoasa, fo Israel Manetualain-na hala-haituan-na nde ia neu sila, “Emi sakasii matam susa-soe fo Au tuni-ndeni neu Yerusalem ma basa kota fe'ek manai Yehuda. De losa besak ia boe kota-kota sila bei nai nakalulutuk-ka dalek de ta hapu hataholi leo fan.

YEREMIA 44:28

Kada hataholi de'ubee neukose laso'da, de ala fali leme Masir lo Yehuda leu. Boema basa hataholi Yehuda fo bei manai Masir-ra lita ade sila kokolan-na do Au kokolang-nga nde da'di mata nitak-ka.

YEREMIA 44:29

Neukose Au uni susa-soe neu emi nai mamanak ia, soaneu ana da'di ta'du neu emi nae, huhukuk fo A dudu'a-dodoak soaneu emi-a te'e-te'e neukose ana da'di.

YEREMIA 44:6

Hundia de, Au po'a Au nasa-melung neu Yehuda kotan-nala, ma eno-enok manai Yerusalem. Au hotuheni la'iesak-kasa de nalosa da'di ai-batu madodouk, ma tokotik sama leo hata fo mana mitak besak ia.

YEREMIA 5:14

Boema Manetualain Fo Manakoasa, nafa'da au nae, “Yeremia, hu kande hataholi sila-la kokolak lae leondia, de neukose soe-a la'es, fo tunga sila hahapun-na soona, neukose soe ndia ta da'di fa. Neukose Au akadada'dik au hala-kokolang sama leo ha'i nai o bafam dale. Fo leoina ia, neukose ana da'di ai ha'i, fo ha'i ndia na'a henis.”

RATAPAN 1:18

Tehu Manetualain nde la'en, nana au la'olena paletan-na so. Hai leoina-la lemin, mamanene au leona, mitak au nai doidosok dale. Basa au ta'eanang-anafe'oanang-ngala nanafook, de loos leo mamana tu'u-tapak neu.

RATAPAN 2:17

Manetualain nakalala'ok basa Ana fe nasanene'dak fo makahulun-na Ana tutu'un ma Ana fe nasanene'dak neu ita so. Ana tao nakalulutuk ita ta no dale kasian fa, Ana fe musu-a sesengik. Ana tao-nalas lamahoko-setelee, lita ita tutu'dan-na.

RATAPAN 3:42

“Ou Manetualain, ami masala-masingo ma lena-la'ban O so, de O ta fe do'o do ampon fa.

YESKIAL 20:43

Nai naa, neukose emi mafandele-ma, basa emi tatao-nono'i nanamaluam fo, manatao nanggenggeo emi aoinam-ma so. Soona neukose, emi malua seluk emi aoinam-ma, nai lelek emi mafandele-ma basa emi tatao-nono'im sila-la.

YESKIAL 37:11

Manetualain nafa'da au nae, “Hai hataholi daebafak fo, manasapu-manalalok-konei, duik ia-la, ala da'di ta'du-tana neu leoina Israel-la. Ala haladoi lae sila duin-nala lamatuu, de mopo sila namahehenan-na, ma mopo sila maso'dan nai fai manamaik-kala.

DANIAL 4:28

Basa sila-la ala da'di neu Mane Nebukadnezar-ra.

HOSEA 5:9

Neukose, mopo-mate Israel, nana fai huhukun-na, losa so. Hai laun Israel-la lemin, mamanene leona, te tao leo bee o, neukose dede'ak ndia, ana da'di.

HOSEA 9:15

Manetualain nafa'da nae, “Basa sila tatao-nono'i mangalaun-na, ana mulai neme Gilgal mai. Nai ndia nde, Au mulai ta ahiik anseli o fas. Hu ka nde sila tatao-nono'i mangalaun-na, de neukose Au usi henis leme Au nusang ia mai. Neukose, Au ta sue-lai seluk-kasa so'on. Basa sila mauli-malangan-nala, ala lena-la'ban Au so.

AMOS 9:10

Hataholi masala-masingok manai Au anang-ngala dalek, lafa'da lae, ‘Neukose Manetualain ta po'ilotak susa-soe tuni-ndeni ita fa.’ Tehu tete'ek-ka, neukose ala taolisas lai natee-natatik dale.”

ZAKHARIA 1:7

Nai hataholi Yahudi-la bula Syebat-ta, fain 14, fo nde bula ka 11, nai Mane Darius-sa, ana paleta neu teu ka dua-na, Manetualain nanduku-nalosak hala hehelun-na neu au. Nai ninitak esa dalek, fo nai fai le'odaek,

MALEAKHI 3:18

Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

BILANGAN 32:23

Tehu mafandendelek, te metema emi ta tao matetu, emi hehelu-balataam fa soona, emi masala-masingo neu Manetualain, de neukose emi nanahukuk, nanahu emi sala-singom ndia.

BILANGAN 33:56

Metema emi ta usi heni fas soona, neukose Au tao amopo-amate emi, sama leo Au tutu'un soaneu sila.”

MATEOS 24:35

Lalai a no daebafa ka neukose mopos, tehu Au dede'a-kokolang lahele losa dodoo na.”

ULANGAN 28:15

“Tehu metema, emi ta tunga emi Manetualaim-ma, ma emi ta tunga no emi dalek katematuam-ma, neu basa paletan ma hoholo-lalanen fo faik ia, au fen neu emi fa, soona basa soo-supak ia-la, neukose ala tuni-ndeni-la emi:

ULANGAN 28:2

Tunga emi Manetualaim-ma, soona neukose Ana fe emi basa baba'e-papalak-kala nde ia:

ULANGAN 28:20

Metema, emi tao tatao-nono'i mangalauk, ma emi ta sipok Manetualain fa soona, neukose Ana fe soe, napokak, ma toto'a-tataak-ka, nai basa hata lala'en fo, emi tao-no'ik-ka dalek, nalosa ka'da nai fai nggenggeloanak esa mesak-kana, Ana tao namate-namopo la'iesak emi.

ULANGAN 28:45

Basa soe sila-la lala'en-na, neukose ala mai lakandoo fo, ala tuni-ndeni-la emi, losa mate-mopo emi; nanahu emi ta tunga emi Manetualaim-ma, ma emi ta tao tunga hoholo-lalanek fo, Ana fen neu emi-a fa.

1 TESALONIKA 5:4

Tehu emi ta nde hataholi fo, naso'da nai makahatu ka dalek, fo faik ndia tao nanggenge kana, sama leo nakodaa fai mamai na.