ZAKHARIA 1:16 - Susula Malalaok Hehelu Palak Ma Hehelu Beuk

¹⁶ Besak ia, Au fali leo Yerusalem u, fo Au fe do'o do ampon neu kota ndia. Neukose Au Umang-nga nananafofo'a falik, ma neukose kota Yerusalem-ma, nanatao nahiik seluk.”

ZAKHARIA 1:16 Iomraidhean Croise

AYUB 38:5

See kande, naketu daebafak-ka loloan-na? See kande, hela tali uukuk-ka, fo ukun-nana? O malelak natataan-na do ta?

YESAYA 12:1

Neukose fain-na losa, emi makamee mae: “Manetualain, au oke makasi neu O, nanahu O kokoe-nanasi au. Makahulun-na O mamanasa au, tehu besak ia, O nasam-ma tenak so.

YESAYA 34:11

Neukose manupui nggonggolo suluk-ka ma bana bulu tii nggouk-ka, ala leon, ma ko'donaok-ka ma manupui kaa, neukose ala leo lai naa. Manetualain tao dae ndia da'di nanasese'do-babalik ma louk, sama leo beita nakadada'dik-kana fa.

YEREMIA 30:18

Manetualain nafa'da seluk bai nae: “Neukose Au sue-lai emi fo Au anang-ngala ma Au tao matalolole emi heheo-hihilum-mala nai emi dae oem-mala. Yerusalem neukose nananafofo'a seluk, ma uma manen-na nanaao mahiik.

YESKIAL 40:3

Boema noo au leo ndia neu, de au ita touk esa mangadilak, sama leo liti-a, napadeik deka lelesuina. Ana ho'u tali uukuk esa, nanatatalik neme aba lutu-a mai, boema ana ho'u ai uukuk.

YESKIAL 47:3

Touk ndia, ana uku nenik ai uukun-na, basa boema noo au tunga lee ndia faa-faan-na leo dulu neu, dodoon-na metel natun lima, boema nadenu au lena leo selik u. Nai mamanak fo lena tunga ndia, oen-na ka'da losa au ei bu'ung-nga.

YESKIAL 48:35

Basa papala nanadamak ndia lala'en-na, nanalun-na kilo sio. De mulai hatematak ia, hataholi-la foi kota ndia na'de: “Manetualain NAI NDIA!”

HAGAI 1:14

Boema, Manetualain nakababale Gobelnol Zerubabel-la, Imam Matuaina Yosua, boema basa hataholi manafali ma'is leme mamana tu'u-tapak mai-a, dalen-nala, fo ela basa-basas lafofo'a Manetualain fo sila Manetualain, Uman-na.

ZAKHARIA 10:6

“Neukose, Au tao-a laun Yehuda-la balakaik, neukose Au soi-tefa hataholi Israel-la. Fo Au o falik-kasa leo nusan-na neu nanahu Au sue-lais. Neukose Au taos sama leo leoina, fo Au beita alelesi ita fas. Au nde Manetualain fo sila Manetualain-na, Neukose, Au taoafik seluk neu basa sila huhule-haladoin lala'en-na.

ZAKHARIA 2:4

Ata nusa so'da makasososak-ka, nafa'da ata nusa so'dak-ka dua nae, “Muu lai-lai leo touanak ndia muu, fo mafa'dan mae, neukose Yerusalem henuk no hataholi daebafak ma bana manu, nalosa ta bisa nafofo'a papala nanadamak nai boboa-kaisun fa.

ZAKHARIA 2:5

Manetualain naheluk basa nae, neukose Ndia nde da'di papala nanadamak ha'i okofefeo kota ndia, fo nasulu-nahapan, ma neukose Ana leo nai naa, nai koasa ma matua-mademan lala'en-na dalek.”

ZAKHARIA 2:6

Manetualain nafa'da anan-nala nae, “Au tao tapasasala basa emi, leo bu'u-bu'uk lala'en-na neu so. Tehu besak ia, hai hataholi nanafook-kala lemin, malai meme Babel mai leona, fo fali me'um-ma leo Yerusalem meu.

ZAKHARIA 4:9

nae, “Zerubabel pe'da basa Au Umang-nga batu makasososan-na so, de neukose ana tao nakababasak uma ndia lala'en-na. Metema, dede'ak ndia ana da'di soona, neukose Au anang-ngala bubuluk, lae Au nde adenu o, fo Zakharia neu leo sila neu.

ZAKHARIA 8:3

Neukose Au fali leo Yerusalem, fo Au kota malalao-malalafung ndia u, fo Au leo nai ndia. Neukose lalelak Yerusalem, da'di leo kota manalilinekak, ma neukose loke Manetualain Fo Manakoasa pupukun-na soona, lae Pupuku Malalao-malalauk.