YUNUS 1:2 - Susula Malalaok Hehelu Palak Ma Hehelu Beuk

² nae, “Muu leo Niniwe fo kota matua ndia muu, fo fen balataak, nanahu Au bubuluk basa laun-nala mangalauk lanseli.”

YUNUS 1:2 Iomraidhean Croise

KEJADIAN 10:11

Neme naa mai, de neu leo Asyur neu, boema napadedeik kota Niniwe, Rehobot-Ir, Kalah,

2RAJA-RAJA 19:36

Boema Sanherib, fo manek Asyur-ra nakadedeak, de ana fali ne'un leo Niniwe neu.

2TAWARIKH 28:9

Manetualain nabin esa na'de Oded, ana leo nai kota Samaria. Nai lelek solda'du Israel-la fali no leni hataholi nanafook neme Yehuda mai boema, Oded neu natongon-nos nai lelek ala sanga masok lala kota dale. Nafa'da nae, “Emi sengi hataholi Yehuda-la so, nanahu emi bei-ba'i kaim-mala Manetualain namanasas. Tehu Manetualain namanene tao leo beek emi taomisa solda'du Yehuda sila-la no dale susue-lalai taak.

EZRA 9:6

Au afa'da ae, “Ou au Manetualaing, au mae botik au langang-nga nai O matam-ma. Ami sala-singom nadodou nai ami langam lain, losa ana koila'e lalai-a.

YESAYA 37:37

Boema, Sanherib, fo manek Asyur-ra, nakadedeak, de ana fali leo Niniwe neu.

YESAYA 58:1

Manetualain nafa'da nae, “Maloo mapane'e leona! Fo mafa'da sila sala-singon, neu Au anang-ngala.

YEREMIA 20:9

Tehu au afa'da nai au daleng dale ae, “Nemena fo ka'da au asanggango heni Manetualain, au ta nau kokolak unik ndia na'den-na fa,” boema O hala-hehelum-ma nono'kabai ha'i-a pila lo'a-lo'a nai au dale bobongon anang-nga. Au akatatakak so'bak-kana, te sekona au ta akatatakak ala fa.

YESKIAL 2:7

Manduku-malosak Au hala hehelung lala'en-na neus, su'di ala nau lamanene do ta. Mafandendelek te, hataholi sila-la, malenalanga-masabasook-kala.

HOSEA 7:2

Ala ta hapu dudu'a-lan nai dudu'a-aafin-nala dalek, lae neukose Au afandele-a basa sila tatao-nono'i mangalaun sila-la fa. Tehu sala-singon-nala lakahapi-lalas, nalosa Au itas no mangale'dok.”

YUNUS 3:2

Nae, “Muu leo Niniwe, fo kota matua ndia, fo manduku-malosak neu laun-nala, hala heheluk fo Au fen neu o.”

YUNUS 3:3

Boema Yunus tunga Manetualain de neu leo Niniwe, fo kota esa matuaina nanseli; nalosa paluu ana la'ok faik telu dalen-na.

YUNUS 4:11

Hapu nai bee, Au daleng-nga ta he'dis-sa, no dudu'a-dodoo Niniwe, kota matuaina ndia fa. Nana fe'ek neme bana fo ta hapu leke-na dede'un-nala ndia fa, nai ndia boeo hapu ni'iana lena neme 120.000 ala beita hapu mete lalelak, beek kande malole, do beek kande mangalauk fa.”

MIKHA 3:8

Tehu la'eneu au aoinang ia soona, Manetualain tao duladalen ma koasan-na nai dalek. Ana fe au malelak la'eneu ndoos ma matetuk, ma napalanik boe, fo au afa'da hataholi Israel-la tao basa sala-singok-kala so.

NAHUM 1:1

Manetualain hala hehelun-na nde ia la'eneu Niniwe. Nafa'da hala heheluk ndia tunga ninitak, de Ana fen neu Nahum, fo nabi esa neme Elkos mai.

NAHUM 3:19

O makahinam-ma, ta hapu puli-namo'do fan, ma o bisum-mala ta hapu hai fa. Basa hataholi fo lamanene halak la'eneu o nakalulutum-ma, ala totoko liman-nala nana lamahoko. Nana basa hataholi-la doi-doso, hu kande o tatao-nono'i mangalaum fo ta hapu mate'e-mahanin ndia fa.

MATEOS 10:18

Neukose lo emi meu mataa mana koasa la, mane-mane kala, nana Au ana mana tungang emi. Soona nai ndia nde emi hapu loak soaneu emi fe sakasii la'eneu Au soaneu hataholi manai sila la, ma hataholi fo ta lalelak Manetualai na fa.

MATEOS 12:41

Neu Fai Mate'e ka te, neukose hataholi Niniwe la, ala fo'a sama-sama lo hataholi besak ia la, fo ala kalaa kasa. Nanahu hataholi Niniwe sila la tuka tei-sale dale leme sala-singo nala mai, nai lelek fo Yunus tui-benga fes ala. Tehu besak ia, hapu hataholi nai ia, ba'u lena Yunus!

YAKOBIS 5:4

Emi ta bae hataholi mana so'ubelak manai emi tina-osi mala, ngga'di nala fa. Besak ia, mamanene hataholi sila dale haladoi na! Basa hataholi mana ketu-kolu emi tina-osim buna boa na, Manetualain fo Mana Koasa, namanene dale haladoi nala so.

NINITAK 18:5

Nana sala-singon nadodou losa lalai, ma Manetualain nafandele neu tatao-nono'i mangalau nala.