YUNUS 1:1 - Susula Malalaok Hehelu Palak Ma Hehelu Beuk

¹ Faik esa boema, Manetualain kokolak no Yunus fo Amitai anan-na,

YUNUS 1:1 Iomraidhean Croise

2RAJA-RAJA 14:25

Yerobeam 2 ia, nde natona-na falik, Israel nusan-na lala'en-na, mulai neme enok leo Hamat neu, fo nai kii, losa Tasi Mates-sa, fo nai kona. Manada'dik ndia, nandaa no Amak, fo Israel Manetualain-na, hehelu-balatan, tunga atan Nabi Yunus, fo Amitai hataholi Gat-Hafar ndia, anan-na.

AMOS 3:8

Metema singa nangao soona, see kande ta bii fa? Metema Manetualain Fo Mademaina, kokolak soona, see kande bisa denge-denge fo ta tui-benga hala hehelun-na fa?

YUNUS 3:1

Manetualain kokolak no Yunus neu ka la'i dua-na.

MATEOS 16:4

“Hataholi lelek besak ia la mangalau naseli, ma malena langa-masa'ba soo kala. Emi moke Au tao manda'di beuk, tehu neukose, Au ta tao fe emi manda'di beuk esa boen, ta'da fe'e mana da'di beuk Nabi Yunu sa.” Yesus kokolak basa nae leondia boema ana la'oelas leona.

LUKAS 11:32

Neu fai mate'e ka te, laun Niniwe la neukose fo'a sama-sama lo hataholi lelek besak ia la, fo ana naketu-nala'din, nana hataholi Niniwe sila la tukatei-saledale leme sala-singo nala mai, ndek lelek nabi Yunus-sa tui-benga neus. Tehu besak ia nai ia hapu nggelok ba'ulena neme Yunus mai!”