YOSUA 4:3 - Susula Malalaok Hehelu Palak Ma Hehelu Beuk

³ Paletas, fo leu ho'i-la batu sanahuludua, neme Lee Yarden-na tala'da heon mai, nai mamanak fo imam-mala lapadeik-ka. Madenus fo ala lu'a leni batu sila-la leo emi mamana ofum-ma, le'odaek ia dalen-na boe.”

YOSUA 4:3 Iomraidhean Croise

KEJADIAN 28:22

Ma neukose, au fe Amak-ka baba'ek esa neme baba'ek sanahulu mai, neme basa hata lala'en fo Amak-ka fen neu au. Batu nasanene'dak fo au apadedeik-kana ia, neukose ana da'di mamana sene-do'ok ba'eneu Amak-ka.”

MAZMUR 103:2

Koa-kio Manetualain, hai au samaneng-nga, boso mafandele heni dale malolen lala'ena!

MAZMUR 11:4

Manetualain nai Uma malalao-malalafun dale, kandela manen-na, nai nusa so'dak-ka. Ana taoafik neu hataholi daebafak-ka ma Ana bubuluk basa tatao-nono'in lala'en-na.

LUKAS 19:40

Yesus nataa nae, “Mamahele leona! Te metema hataholi sila la bedenge soona, batu ia la neukose ala eki.”

YOSUA 24:27

Basa ndia boema, Yosua nafa'da basa hataholi sila-la nae, “Batu ia, ana da'di ita sakasiin-na. Basa hala-kokolak fo Manetualain kokolak-kana neu ita, Ana kokolak basan nai batu ia matan-na so. Da'di, neukose batu ia, nde da'di sakasii ba'eneu emi, fo ana fe nafandendelek neu emi, fo ela emi ta la'ban emi Manetualaim-ma fa.”

YOSUA 3:13

Mahani te, metema basa imam-mala fo manandolo Manetualain Peti Hehelu-balataan-na heta ein-nala lala Lee Yarden ndia oen dale soona, oe fo manafaa neme lee langan lain mai-a, neukose nanabakate'te nisak nai mamanak esa.”

YOSUA 4:4

Boema Yosua naloo-na, hataholi nanahelek ka sanahuluduak sila-la,

YOSUA 4:8

Hataholi ka sanahuluduak sila-la, tunga Yosua paletan-na. Nandaa no Manetualain natutu'dun neu Yosua, de ala ho'i-la batu sanahuludua neme Lee Yarden-na tala'da heon mai – dede'un-na, nandaa no leo-leo manai leoina Israel-la dalek – boema lenis leo sila mamana ofun-na neu.

SEMUEL SUSULAK-KA ESAN-NA 7:12

Basa ndia boema, Semuel napadedeik batu esa nai Mizpa no Sen dae toon-na. Nafa'da nae, “Tete'ek-ka Manetualain tulu-fali ita so.” – boema ana foi batu ndia na'de, “Batu Manatulu-manafali.”