YOSUA 3:5 - Susula Malalaok Hehelu Palak Ma Hehelu Beuk

⁵ Yosua nafa'da hataholi Israel-la nae, “Ela leo been-na, emi tao malalao-malalafu emi aoinam-ma, nana balahaa te, neukose Manetualain tao manada'di beuk nai emi tala'da heom.”

YOSUA 3:5 Iomraidhean Croise

AYUB 1:5

Metema basa feta esa soona, Ayub fo'a fafaianak tatas esa, fo ana tunu-hotu tutunu-hohotuk soaneu anan-nala esa-esak, fo ela Manetualain fes do'o do ampon. Nana Ayub dodoo nae, bole da'di anan sila-la tao basa sala-singok, ma ta lame'da fa te, lakamumulu-lakamamaek Manetualain so.

MAZMUR 77:15

O nde Manetualain, fo manatao manada'di beuk-kala, O mafa'da basa O koasam-ma, nai leoina-la, tala'da so.

MAZMUR 86:10

Nana O makadelek, ma O tao manada'di beuk-kala, ka'da O nde Manetualain-na.

YOEL 2:16

Tao makabubua basa laun-nala lala'en-na, paleta hataholi-la fo lakabubua Madenu lasik-kala, ni'iana-la ma ni'iana manasu'uk-kala, fo ala mai boe. Lena-lenak manaka'bing beuk-kala, muse ala mai boe. Madenus fo ala kalua leme kaman-nala dalek mai.

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

IMAMAT 20:7

Manea, fo ela emi malalao-malalafuk mahele, nanahu Au nde emi Amam Manetualaim.

BILANGAN 11:8

Nai fai le'odaen-na soona, loti manna ndia tu'da sama-sama no dinis-sa mai leo mamana ofu-a neu. Fafain-na, hataholi-la la'ok leu-mai fo ala hele lakabubuan, fo ala kekenok-kana, do ala paun da'di ha'desopuk, fo ala taon da'di koki bobongo ni'is. La'dan-na sama leo kokis fo nanatunuk nenik mina setun.

YOHANIS 17:19

Au fe Au ao ina nga da'dileo Ama ka nuu hehelin, soaneu sila paluu na, fo ela sila boeo, ala da'di Ama ka nuu hehelin, tunga eno ndo sa.

YOSUA 3:13

Mahani te, metema basa imam-mala fo manandolo Manetualain Peti Hehelu-balataan-na heta ein-nala lala Lee Yarden ndia oen dale soona, oe fo manafaa neme lee langan lain mai-a, neukose nanabakate'te nisak nai mamanak esa.”

YOSUA 3:4

tehu boso la'ok deka Peti ndia; tungan neme dea mai, nai dae dodoon-na kilo esa. No enok ndia, neukose emi bubuluk enok fo muse emi la'ok tungan, nana emi beita meu hai leo nusak ia meu fa.”

YOSUA 3:6

Boema Yosua paleta basa imam-mala, fo ela ala ndolo Peti Hehelu-balataak ndia, fo ala la'ok lakahuluk leme hataholi Israel-la mai. Ala tao tunga Yosua paletan-na.

YOSUA 7:13

Besak ia, fo'a leon Yosua! Tao malalao-malalafu hataholi Israel-la, ma madenus laheheleaon-nala, fo ala mai lataa Au. Paletas, fo balahaa soona, laheheleaon-nala, nana Au, Manetualain fo Israel Manetualain-na, neukose afa'das dede'ak-ka nde ia nae, ‘Hai hataholi Israel-la lemin! Au paleta basa emi, fo tao nakalulutuk bua-lo'as-sala, emi bei mafuni seli. Emi beita tapa heni bua-lo'as sila-la fa soona, emi ta makatatakak la'ban musu-a fa!’

SEMUEL SUSULAK-KA ESAN-NA 16:5

Semuel nataa nae, “Hei, tete'ek-ka. Au mai soaneu tunu-hotu fe Manetualain tutunu-hohotuk. Hu ndia de, tao malalao-malalafu o aoinam-ma, fo ela o hapu tunga feta tutunu-hohotuk ndia.” Nadenu Isai no anan-nala boe, fo esa-esak tao nalalao-nalalafu aoinan-na, ma ana ka'is fo leu leo feta ndia leu.