YOSUA 17:4 - Susula Malalaok Hehelu Palak Ma Hehelu Beuk

⁴ Leu leo Imam Eleazar, Yosua, fo Nun anan-na, boema mauli-malangan-nala, de lafa'da lae, “Manetualain nafa'da Musa, nae ami boeo, muse sama-sama hapu dae, sama leo ami tolanoo toum-mala.” Hu ndia de, nandaa no Manetualain paletan-na, de ala fe Zelafehad ana inan sila-la dae, sama-sama loo sila tolanoo toun-nala.

YOSUA 17:4 Iomraidhean Croise

BILANGAN 27:1

Zelafehad anainan lima, fo nde: Mahla, Noa, Hogla, Milka ma Tirza. Zelafehad aman nde Hefer, ma Hefer aman nde Gilead. Gilead aman nde, Makhir, ma Makhir aman nde Manasye, ma Manasye aman nde Yusuf.

BILANGAN 27:4

Tehu tao le'e de, na'den-na muse mopon neme leoina Israel-la mai, ka'da hu kande, ana ta bongi anatouk fa do? Fe ami dae pusaka, sama-sama moo ami amam tolano ka'a-fa'din-nala.”

BILANGAN 36:10

Da'di, nandaa no Manetualain paletan neu Musa, de Zelafehad anainak-ka liman sila fo nde: Mahla, Tirza, Hogla Milka ma Noa, ala sao hataholi fo bei neme sila aman tolanon-na mai.

GALATIA 3:28

Nai dede'ak ia dalek, hataholi Yahudi no hataholi ta Yahudi, ata no malanga na, ma tou ka no ina ka, sama so. Emi basa-basa mala da'di esa, hu ka nde Kristus Yesus.

YOSUA 14:1

Tutuik manamaik ia la'eneu nusa Kanaan-na, nai Lee Yarden-na boboan muli, baba'en leo beek neu hataholi Israel-la. Manababa'e dae ndia neu hataholi Israel-la, nde Imam Eleazar, Yosua fo Nun anan-na, ma leoina Israel-la, mane leon-nala.

YOSUA 17:5

Da'di, ta ka'da Manasye tititi-nonosi toun-nala hapu dae baba'ek fa, te tititi-nonosi inan-nala boe hapu. Hu ndia de, tao le'e de, fe seluk leo Manasye-a, baba'ek sanahulu bai, te se'kona, ana hapu dae Gilead ma Basan nai Lee Yarden-na boboan dulu so. Ala fe dae Gilead-ta neu Manasye tititi-nonosi fe'en-nala.

YOSUA 21:1

Faik esa boema, basa malanga uma loo manai leo Lewi dalek, leu leo Silo, nai nusa Kanaan-na, fo leu lataa Imam Eleazar, Yosua, fo Nun anan-na, ma basa leoina Israel-la, leo-leon-nala, malanga uma loon-nala lala'en-na. Lafa'da lae, “Manetualain Ana paleta basa tunga Musa so, fo ela fe ami, fo hataholi Lewi-la kota-kota, soaneu mamana leleok, ma moo mana'uk-kala nai kota sila-la boboa-kaisun, soaneu ami bana-manum-mala.”