YESKIAL 9:8 - Susula Malalaok Hehelu Palak Ma Hehelu Beuk

⁸ Ala do'do-pau hataholi sila-la te, au mesang-nga nai ndia. Au senek, de au aloo bou-bou ae, “Manetualain Fo Mademaina, ade O nasa-melum leondiak ba'eneu Yerusalem, nalosa O sanga taomisa la'iesak hataholi bei maso'dak manai Israel ia do?”

YESKIAL 9:8 Iomraidhean Croise

KEJADIAN 18:23

Abraham neu deka no Manetualain, de natane nae, “Tete'ek-ka, Manetualain sanga tao namopo-namate hataholi sala taak-ka, sama-sama no hataholi masalak-ka do?

1 TAWARIKH 21:16

Dauk nita ata nusa so'dak ndia laa nai lalai n daebafak ka tala'da. No tafaina manai liman-na ndia, ata nusa so'dak ndia naheheleaon soaneu tao namate-namopo Yerusalem. Boema Dauk ma mauli-malangan laun nala, fo nai lelek ndia ala bei pake bua papake lafa lapik fo da'di ta'du-tana sale dalek ka, ala senek leu dae lain.

EZRA 9:5

Lelek, mulai tunu-hotu tutunu-hohotu le'donosok-ka boema, au fo'a eme mamanak fo, au angatuuk no dale nakalulutuk ndia mai, no bua papake si'da-saek, de au akaluku-akatele, ma au look au lima nga, leo au Manetualain neu.

YEREMIA 14:13

Boema au afa'da ae, “Ou Manetualain Fo Madema ina, O bubuluk te nabi-nabi-la lafa'da basa neu laun-nala lae, neukose ta hapu natee-natatik do la'a-ndoes, nanahu O helu basa mae, nai nusak ia hapu ka'da mole-dame.”

YEREMIA 14:19

Manetualain, ade O tipa-dede'a heni Yehuda makandondook, ma o ta hii makanae Sion laun-nala fa do? Tao le'e de O fepa-li'u mapane'e ami tao leondiak, de nalosa ami ta hai so'on? Ka'da palsuma la'iesak-kana ami sanga mole-dame-a, te ami mamahena lelea-hahaik-ka sosoa-ndandaan taa, nana hapu ka'da naset-nalakak-ka.

YEREMIA 4:10

Boema au afa'da ae, “Manetualain Fo Mademaina, O ke'di-ndiu basa hataholi Yehuda-la, ma laun Yerusalem-mala so! O mafa'da, mae neukose hapu mole-dame, te se'kona besak ia, ami so'dam-ma, nai tafaina pe'dan-na.”

YESKIAL 11:13

Au bei kokolak dede'ak sila-la te, no kaiboik, Pelaca tu'u neu, de maten. Boema au senek, de au aloo bou-bou ae, “Awi, Manetualain Fo Mademaina! Ade, O sanga taomisa la'iesak hataholi Israel fo, bei elak ia-la lala'en-na do?”

YESKIAL 4:14

Tehu au ataa ae, “Awi, Manetualain Fo Mademaina! Neme au bei anang-nga mai, losa besak ia, au beita tao anggenggeo au aoinang-nga, nenik au u'a bana mates popolan-na, do bana fuik-kala la'a ela paa-la fa. Au beita u'a ita nana'ak fo, nanakena-ka'ik-ka.”

YESKIAL 7:8

Ta dook-ka so'on te, neukose emi mame'da mita, Au nasa-melung fo manalua ponu-ponung-nga. Au aketu-ala'di emi, nandaa no emi tatao-nono'im. Neukose, Au balas emi tatao-nono'im fo, ta kandaak lala'en-na.

BILANGAN 14:5

Boema musa no Harun, senek leu basa laun-na matan-na.

BILANGAN 16:4

Musa namanene dede'ak ndia boema, ana senek neu dae lain, de ana hule-haladoi neu Manetualain.

BILANGAN 16:45

“Makadedeak meme hataholi sila-la mai. Te neukose Au tao amopo-amates lai mamanak ndia boe!” Duas senek

ULANGAN 9:18

Boema, au sene-do'ok la'iesa seluk, neu Manetualain neme letek-ka poin-na, nai lele'dok haahulu ma le'odaek haahulu dalen-na, ma au ta u'a-inu fa. Au tao leondiak, nanahu emi masala-masingo basa neu Manetualain, nenik emi tao hata fo mangalauk, nalosa Manetualain namanasa.

YOSUA 7:6

Yosua ma basa hataholi Israel-la, mauli-malangan-nala, dalen-nala he'dis nanseli, nalosa ala sisii-lulu'i bua-lo'an, de lele'dok esa dalen-na, losa le'odae, ala sene-do'ok nai Manetualain Peti Hehelu-balataan matan-na, ma ala tao afu neu langan-nala lain, fo da'di leo ta'du-tana dale he'dik.