YESKIAL 5:6 - Susula Malalaok Hehelu Palak Ma Hehelu Beuk

⁶ Tehu, Yerusalem ta sipok Au paletang-nga fa, te se'kona ndia mangalaun-na lenaheni leoina fe'ek-kala, lena-lenak langabatun-na lenaheni basa nusaina manai boboa-kaisun-na. Yerusalem la'olena Au paletang-ngala, ma ana ta nau tunga Au hoholo-lalaneng fa.”

YESKIAL 5:6 Iomraidhean Croise

2RAJA-RAJA 21:11

“Manek Manasye-a mangalauk nanseli. Tatao-nono'in mangalauk nanseli, lena heni hataholi Kanaan-nala tatao-nono'in. Hu kande, ana taon-na sosongo-tatangok-kala, de ana taon-na hataholi Yehuda-la, lasala-lasingo.

2RAJA-RAJA 21:9

Tehu, hataholi Yehuda-la ta tunga Manetualain fa, ma nakalenak, hu kande Manasye, de ala tao sala-singok, fo mangalaun-na lena heni sala-singok fo nanatao-no'ik neme leoina fo, Manetualain usi henis leme Kanaan mai, nai lelek hataholi Israel-la masok kota ndia.

NEHEMIA 9:34

Ami bei-ba'i kaim, manek, imam, ma basa lasi-lasik-kala, la'o lena O hoholo-lalanem boema ami heheta-aa'in. O fe basa paleta ma hala kaka'ik lala'en-na ma ta nanataoafik, boeo ta nananamanenek fa.

NEHEMIA 9:35

O fe basa manek fo manapaleta O anam-mala, nai lelek ala leo nai dae maloaina ma maoe-maisi. Tehu ala ta nau la'o ela so'da mangalaun-nala fa, ala ta nau fe so'dan-nala neu O, boema ala ta nau sene-do'ok fa.

MAZMUR 106:20

Ala tuka Manetualain fo, matua-madema nenik sapi mana'a na'u-a, dodoki-dudulan.

MAZMUR 78:10

Ala la'olena Manetualain hehelu-balataan no sila, ma ala ta nau tunga hoholo-lalanen fa.

KELUARAN 16:28

Boema, Manetualain, nafa'da Musa nae, “Emi ta nau tunga Au paletang-ngala losa faihi'da?

YEREMIA 11:10

Sila tao sala-singok fo nanatao basak neme sila bei ba'i-kain-nala fo ala ta nau lamahele neu Au fa, de sila lamahele neu lamatua daebafak fe'ek, ma ala ta nau tunga Au paletang-nga fa. Leomae Israel ma Yehuda la'olena hehelu-balatak, o Au tao basan neu sila bei ba'i-kain-nala.

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YEREMIA 8:5

Tehu tao le'e de emi, fo Au anang-ngala, la'ok sala makandondoo henin, ma la'oela Au? Emi ho'u mahehele neu emi sosongo-tatangom, de emi ta nau fali ma'im-ma leo Au mai fa!

YESKIAL 11:12

Soona besak-ka emi bubuluk, mae Au nde Manetualain-na, ma Au huku emi, nanahu emi la'olena Au nakaneneteng-ngala, ma emi ta taoafik neu Au paletang-ngala fa, nenik emi tunga leoina manai emi titia-tataim-mala, hoholo-lalanen.”

YESKIAL 16:51

Memak, Samaria mangalauk-ka, tehu sala-singon, ta ba'e duak o sala-singom boen. O ha'da-tataom, mangalaun-na lena seluk bai. O tolanoo inam-mala, nono'kabai, ta lasala fa, metema nakasasamak-kasa loo o. O muse mame'da bibii-mamaek ma matasi'da-matasaek-ka!”

DANIAL 9:15

Ou Manetualain, fo ami Manetualaim, O matu'du basa O koasam-ma nenik O moo O anam-mala kalua leme Masir mai, ma O koasam ndia bei nananafandendele nahelek. Ami masala-masingo ma tao salak so.

DANIAL 9:5

Ami masala-masingo basa so, ami tao tatao-nono'i mangalauk ma tao salak so. Ami la'ban ma la'olena O paletam-ma so, boema ami la'ok sala neme O nakanenetem-mala.

DANIAL 9:8

Ami manem-mala, mauli-malangam-mala, ma ami bei-ba'i kaim-mala, ala tao-no'i dede'ak fo neni mamaek, de lasala-lasingo basa neu O so, ou Manetualain.

ZAKHARIA 7:11

Tehu, Au anang-ngala langa batu, de ta nau lamanene makandondook fa, ma ala suleketu di'idoon-nala, fo ela boso lamanene.

1 KORINTUS 5:1

Tunga ndo na, au sipo basa halak lae, nai emi dalek sosoa-piao ka su'diselin, de nalosa emi nggelok hohonge seluk inapala na. Hataholi fo ta nalelak Lamatua ka fa boeo, ana ta tao leondiak fa!

YUDAS 1:4

Nana, ita ta tame'da fa te, hapu hataholi kikisa kala, ala masok talipeo leo ita hataholi kamahehele kala nakabuan dale mai so. Hataholi sila la, hataholi mangalau kala. Ala tui puta-pai halak la'eneu ita Manetualain susue-lalain, fo ala hapu loak, tao latetu sila ha'da-tatao ta kandaa nala fa. Ma ala ta sipok Yesus Kristus, fo Mana Koasa kisak, ma ita Lamatua na fa. Hataholi sila, huhuku na nana nafa'da elak nai Susula Malalaok dale, neme makahulun eli mai so.