YESKIAL 5:12 - Susula Malalaok Hehelu Palak Ma Hehelu Beuk

¹² Metema, ba'e o laum-ma neu baba'ek telu soona, Au taoisa baba'ek esa, nanahu he'di-laus ma la'a-ndoes-sa da'di nai kota dale. Baba'ek esa, nanado'do nisak nai kota deak, ma neukose Au nggenggela-ngganggali baba'ek esa seluk, leo basa daebafak-ka bu'un-nala leu, ma neukose Au usis tataas esa nenik tafaina.

YESKIAL 5:12 Iomraidhean Croise

YESAYA 1:24

Hu ndia de Manetualain Fo Manakoasa, fo Israel Manetualain-na, nafa'da nae, “Hai, Au musung-ngala lemin, neukose Au balas emi nenik nape'da dalek, fo emi ta tao susa Au so'on.

YEREMIA 13:24

Neukose Au tao tapasasala emi, sama leo anin-na fu dae sopuk-ka neme moo solokaek-kamai.

YEREMIA 14:12

Leomae ala oka aon-nala boeo, Au ta nau taoafik neu sila nalolou fo loke tutulu-fafalik fa; ma leomae ala fe Au tunu-hotu nanatunuk ma tunu-hotu gandum, boeo neukose Au ta amahoko neu hataholi sila-la fa. Nasafalin-na neukose Au tao amate-amopos nenik natee-natatik, la'a-ndoes ma he'di-laus.”

YEREMIA 15:2

Metema ala latane neu o lae, sila muse leu leo bee leu, soona matas mae leoia, ‘Manetualain nafa'da nae, fo nananaketu basak soaneu maten nanahunamahe'di soona nemena fo maten nanahu he'di-laus. Fo nananaketu basak soaneu mate nai netee-natatik-ka dalek soona, nemena fo maten nai natee-natatik dalek. Fo nananaketu basak soaneu maten nanahu la'a-ndoes-sa soona, nemena fo maten nai la'a-ndoes-sa dalek! Fo nananaketu basak soaneu nanafook, nemena fo nanafua nenik da'di leo nanafook-ka!’

YEREMIA 15:9

Ina bongik fo mopo ana kahitun-nala ana sapala'o nanahu haha'ena nakase'e. Nai fai maso'dan-na dalek ana da'di nanamama'uk, ma ana name'da nananakadadaek ma nananakamumulu-nakamamaek. Au adenu emi musum-mala tao lisa bei mamamaso'dak fo nai emi tala'da. Au, Manetualain, nde manakokolak.”

YEREMIA 21:9

Basa hataholi fo mana leo nai kota dalek-ka neukose mates nanahu natee-natatik-ka, la'a-ndoes-sa, do he'-laus matuaina. Tehu sila fo manakaluak soaneu lata neu hataholi Babel-la fo ala bei sapu-la kota ia, soona neukose ala laladeak ma nana tao nisa tak fa.

YEREMIA 24:10

Neukose Au uni fe sila natee-natatik, la'a-ndoes, ma he'di laus matuaina, de nalosa sila basas mate, de ta hapu ela esa boen nai nusak ia, fo Au fen neu sila ma sila bei-ba'i kai manamaten-nala.”

YEREMIA 42:22

Hundia de, mafandendelek leona te: nai nusak fo emi mahiik leo mahele ndia, neukose emi mate nai natee-natatik-ka dalek, ado hukande la'a-ndoes-sa do he'di-laus matuaina.”

YEREMIA 44:27

Nekose Au ulepo'de fo ela emi tu'da-monu ma so'dam-mala ta neulauk fa, losa mate la'iesak emi nai natee-natatik-ka dalek do nau hukande hedi-laus matua ina.

YEREMIA 9:15

Hu ndia de, mamanene hata fo Au, Manetualain Fo Manakoasa, fo Israel Manetualain-na, neukose taon nde: Neukose Au fe anang-ngala la'a bubu'u-palusa makahe'duk, ma linu laso.

YEREMIA 9:16

Neukose, Au tao tapasasalas leo leoina fo ta lelak-kasa, tala'da leu, do sila bei-ba'i kain nala leu. Neukose Au adenu solda'du-la leu latee-latati loos nakandoo, losa Au tao amopo-amate la'iesak-kasa.”

YESKIAL 12:14

Basa hataholi fo, manaleo nai uma manek-ka, ma basa manek ndia hataholi manamanoli-mafa'dan-nala, ma basa hataholi manamanean-nala, neukose Au tao tapasasalas leo basa daebafak-ka bu'u-bu'un lala'en-na leu. Neukose, Au usis, fo Au taoisas.

YESKIAL 14:17

Bole da'di, Au fe natee-natatik-ka leo nusak ndia neu, ma Au haitua fes tafa-sisilo, soaneu tao lamate-lamopo, nau hataholi do bana-manu boe.

YESKIAL 14:19

Bole da'di, Au fe he'di-laus leo nusak ndia neu, ma Au nasa-melung lua ponu-ponu soaneus, nalosa nau hataholi do bana-manu boe, neukose mate-mopos.

YESKIAL 14:21

Manetualain Fo Mademaina nafa'da nae, “Neukose, Au huku Yerusalem nenik Au huhukung haa, belan-na seli, fo Au tao amate-amopo, nau hataholi do bana-manu boe. Huhuku ka haak sila-la nde: natee-natatik-ka, la'a-ndoes-sa, bana makaa-makisuk-ka, ma he'di-laus-sa.

YESKIAL 16:42

Basa ndia soona, besak-ka Au nasa-melung, ana tenak, fo Au daleng-nga tesa-tama falik. Neukose, Au ta amanasa do ape'da dalek so'on.

YESKIAL 21:22

Metema, kokouisik-ka tu'da leo lima konan dale neu soona, la'e Yerusalem! Fo ndia sosoa-ndandaan nae manek-ka, muse sapu-na kota Yerusalem-ma, soona ana eki eeki natee-natatik-ka, fo ela solda'dun-nala lakaduduluk taka-besi, soaneu ala hona lakalulutuk Yerusalem lelesuinan-nala, ma ala tao ladodou dae fo ana da'di papala nanadamak manata'da musu, ma ala kali oelolok.

YESKIAL 24:13

Hai Yerusalem, o tatao-nono'i ha'da hataholi taa-ma, tao nanggenggeo o aoinam-ma. Au so'ba, tao balisi o, tehu sosoa-ndandaan ta, nana o manggenggeok mahele. Neukose, o ta balisi seluk so'on, losa Au kalua Au nasa-melung neu o.

YESKIAL 33:27

No Au, Manetualain fo maso'dak-ka, Manetualain Fo Mademaina na'den-na, hataholi manaleo manai kota ndia manandefan-na, neukose nanataonisak. Sila manaleo manai mook-kala, neukose bana fuik-kala la'ahenis. Sila fo manake'ke lai letek-kala, ma lai leak-kala, neukose he'di-laus lepa nenis.

YESKIAL 36:19

Au hukus nandaa no sila ha'da-tataon, boema Au tao tapasasalas leo nusa dea-la leu.

YESKIAL 43:8

Makahulun-na, sila manen-nala tao lelesu dook, ma sila uma manen-na diin-nala, lai Au Umang-nga lelesu doon, ma diin-nala boboan-na, nalosa hapu ka'da papala esa nai tala'da. Ala tao langgenggeo basa Au na'de malalao-malalafung-nga, nenik sila tatao-nono'in fo, nanamaluak-ka. Hu ndia de, Au tao amate-amopos, nai Au nasa-melung dale.

YESKIAL 5:10

Nekose hataholi lasik-kala, la'a seluk ana bongin-nala, ma anan-nala la'a seluk ina-aman. Neukose, Au hukus leondiak, ma Au tao tapasasala laun fo, bei maso'dak-kala, leo basa daebafak-ka bu'un-nala leu.

YESKIAL 5:17

Fe'ek neme susa-soe la'a-ndoes-sa mai, neukose Au fe la'a-ndoes, tatao-nono'ik fo ta nalelak susue-lalaik-ka, natee-natatik soaneu taonisa o laum-mala, ma bana makaa-makisuk soaneu taonisa anan-nala. Au, fo Manetualain, nde manakokolak-ka.”

YESKIAL 5:2

Metema, musu-a hahae nakahapi-na kota ndia soona, o muse hotuheni langadook ndia, baba'ek esa nai kota ndia tala'daheon. Ho'i-ma o tafainam-ma, fo muse tete'te baba'ek esa okofefeok kota ndia. Ma o muse nggali baba'e mate'ek-ka leo lalai neu, fo Au usin nenik Au tafainang-nga.

YESKIAL 6:8

Neukose, Au fe sila lumanak, lala kanisak ndia deak, tehu neukose sila nanatao tapasasalak nai leoina-la tala'da;

YESKIAL 7:15

Natee-natatik-ka, nai enok-kala lain nai kota dale, ma he'di-laus-sa nai uma-la. Su'di see fo nai kota deak, neukose maten nai natee-natatik dale, ma manaleo nai kota dale-la, neukose maten, nanahu he'di-laus ma la'a-ndoes-sa.

YESKIAL 7:3

Manetualain nafa'da nae, “Hai Israel, besak ia, o fai mate'em-ma, ana losa so. Au aketu-ala'di o, nandaa no o tatao-nono'i ta kandaam-ma fa.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

AMOS 9:4

Metema musu-a ho'u nalas soona, neukose Au fe paleta fo taolisas. Au daleng-nga natea basa soaneu tao amopo-amates, de ta hapu manatulu-fali, tulu-fali fas.”

AMOS 9:9

Neukose Au fe paleta, ma Au da'i-lelee leoina Israel-la, sama leo hataholi-a da'i-lelee gandum-ma nai ooko dale, fo soaneu tipa heok hataholi sosoa-ndandaa taak-kala nai sila dalek. Neukose Au dopok-kasa nai leoina-la tala'da.

ZAKHARIA 7:14

Au sapu balisis, sama leo ani-sangu-a, nalosa no nakasetik, leu leo nai nusa dea-la. Dae maisi-mamina ia, ana da'di nee-nee lino-linok, hataholin ta, ma na'u-aianan ta.”

ULANGAN 28:65

Nai leoina sila-la tala'da, neukose emi ta hapu tetu-temak-ka, ma emi ta hapu mamanak esa boen, fo emi mafa'da mae, emi dae pusakam ndia fa; neukose Manetualain taon-na emi dalem-ma ta tesa-tama fa, ma ketu emi namahehenam-ma.

NINITAK 6:8

Au mete boema, au ita ndala bulu mama'uk esa. Manasa'e nana na'de Mamates. Faka Mamate sa tunga deka-deka non neme dea mai. Koasa soaneu daebafak ia baba'ek esa neme baba'ek ha mai nanafek neu sila, fo ela ala hapu lanisa tunga nata'ti ka, tunga le'dofai la'a-ndoe sa, tunga he'di-lau sa, ma tunga bana makaa kala.