YESKIAL 2:9 - Susula Malalaok Hehelu Palak Ma Hehelu Beuk

⁹ Basa boema, au ita limak esa, ana look-kana leo au mai. Nai limak ndia dalek, hapu susula nanadikuk,

YESKIAL 2:9 Iomraidhean Croise

YEREMIA 1:9

Basa ndia boema Manetualain look liman-na mai, de nafaloe au bafang-nga, boema nafa'da nae, “Mamanene leona, fo po'a-benga dede'a-kokolak fo, Au afa'dak ia-la.

YEREMIA 36:2

“Ho'im-ma susulak nanalunuk esa, fo sulak-kana nai ndia basa hata fo Au afa'da basan neu o la'eneu Israel ma Yehuda, ma la'eneu basa leoina lala'en-na. Sulak ma laiesak Au hala-kokolang ndek lelek Au kokolak makasososang neu o-a nai manek Yosia paletan-na tepo-lelen-na losa faik ia.

YEREMIA 36:4

Hundia, de au alo Neria anan Barukh fo ana nafa'da sulak fe basa hata fo Manetualain nafa'dan neu au ndia. Boema Barukh sulak na basa-basas neu susulak nanalunuk ndia.

YESKIAL 3:1

Manetualain nafa'da nae, “Hai, hataholi daebafak fo, manasapu-manalalok-konei, mu'a susula nanadikuk ia leona, boema muu leona, fo kokolak-kana neu hataholi Israel-la.”

YESKIAL 8:3

Ana look hatak esa mai, lupan-na sama leo limak-ka, boema Ana lu'i au langadoong-nga. Basa boema, nai ninitak ndia dalek, Manetualain Duladalen-na, ana so'u namadema au leo lalai neu, de noo au leo Manetualain Uman-na nai Yerusalem, fo leo lelesu masok leo uma so'dan manai dalek-ka neu; lelesu ndia, nasale leo kii neu. Nai ndia, hapu dodoki-dudula sosongo-tatangok fo manatao nafo'a Manetualain nasa melun-na.

DANIAL 10:10

Basa boema, hapu limak esa koila'e au, de nafofo'a au no au asaka neu au limang-nga ma au lungulangang-nga.

DANIAL 5:5

No kaiboik, lita hataholi liman-na ana sulak hata esa nai uma manek-ka solosiun-na nai mamanak fo banuk-ka nasalaa la'en, nalosa manek-ka hapu nitan no mangale'dok.

ZAKHARIA 5:1

Au mete seluk, de oek ia soona, au ita susula dok nanalunuk esa, ana laa nai lalai.

ZAKHARIA 5:3

Boema nafa'da au nae, “Nai susula dook nanalunuk ndia dalek, nanasulak soo-supak soaneu nusak ia lala'en-na. Nai dook esa dalek, nanasulak nae basa nakodaa lala'en-na, neukose kalua henis leme nusak ia mai. Ma nai doo fe'ek esa dalek, nanasulak nae, basa hataholi manasoo-supa pepekok-kala boeo, neukose kalua henis.

IBRANI 10:7

Soona Au afa'da ae ‘Au nde ia, ou Manetualain! Au mai soaneu Au tao-no'i O hihii-nanaum, sama leo nanasulak basak la'eneu Au, nai Susula Malalaok dale so.’ ”