YESKIAL 13:5 - Susula Malalaok Hehelu Palak Ma Hehelu Beuk

⁵ Ala ta lanea mamanak fo, nai bee sila papala nanadaman-nala lakalulutuk, ma ala ta tao lahii papala nanadamak sila-la boen. Da'di, Israel ta bisa napadeik nahele fa, metema natee-natatik-ka, ana da'di nai Au fo, Manetualain fai mamaing-nga.

YESKIAL 13:5 Iomraidhean Croise

AYUB 40:9

Ade, o balakaim-ma, sama leo Au do? Ade, o halam-ma, bisa nadodolo sama leo Au do?

MAZMUR 106:23

Boema, Manetualain tutu'u, sanga tao namopo-namate anan-nala, tehu Musa fo, hataholi hehelen-na, ana ka'in. Musa da'di hataholi tala'dak soaneu sila, de nalosa Manetualain nasan-na tenak.

MAZMUR 76:7

Basa ndala-la loo hataholi manasa'en-nala, tu'da de mates hu kande, O nasapalam-ma, ou Yakob Manetualain-na!

YESAYA 13:6

Kii-makaleleu leona, nana Manetualain fain-na deka so, fo nde Manetualain fe fai momopo-mamatek-ka.

YESAYA 13:9

Neukose, Manetualain fain-na losa, fo nai faik ndia, Manetualain nasa-melun lua ponu-ponu. Neukose, daebafak-ka da'di moo na'u tak, ma basa hataholi masala-masingok-kala, neukose mopo-mate.

YESAYA 2:12

Nai faik ndia, Manetualain Fo Manakoasa, neukose nakadadaek basa hataholi fo namatutua-namadedema aoinan-na, ma Ana huku basa hataholi manakoao-ndaeaok-ka, ma mananamatutua-namadedema aok-ka.

YESAYA 27:4

Au ta amanasa so'on. Metema, hapu na'u do makatema dila-nggauk soona, neukose Au taoisan, ma Au hotuheni la'iesak-kasa.

YESAYA 34:8

Fain-na nde ndia, fo Manetualain nasala'e Sion, ma Ana balas nape'da dalen-na neu musun-nala.

YESAYA 58:12

Kota fo, ndefahenin dook-ka so, neukose emi mafofo'a falik-kana, nai batu nete palaan lain. Neukose loke emi soona lae, ‘Leoina fo, manamafofo'a falik papala nanadamak-kala, ma manatao lahii uma makalulutuk-kala.’ ”

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

YEREMIA 23:22

Leounik-ka ala bubuluk hata fo nanape'da-fuak a Au dudu'a-aafing dale soona, tao leo beo ala tui bengan neu Au anang-ngala basa hata fo Au afa'dak-ka. Soona neukose Au anang-ngala Tuka Tei-sale dale neme sala-singok ma ha'da palik fo mangalauk-ka.

YEREMIA 27:18

Metema memak tete'ek-ka sila nabi, de ala sipo hala-haituak neme Au mai soona, tao leo beo be ia ala loke neu Au, Manetualain Fo Manakoasa, fo ela hata-heto bei manai Au Uma manek-ka manai Yerusalem ta nanaso'u nenik lo Babel-la neu fa.

YESKIAL 13:4

Hai Israel, o nabim-mala, sosoa-ndandaan ta, sama leo busa fuik-kala laso'da nai ai-batu malefu-le'ak-kala tala'da heon, nai kota dale.

YESKIAL 22:30

Nai hataholi Israel-la dalek, Au sanga hataholi fo, ana bisa napadedeik papala nanadamak, do napadeik neu mamanak fo, papala nanadaman-na tu'u neu, fo nakataka nahele nusak ndia, metema Au sanga tao akalulutuk-kana, nai Au nasa-melung fo manalua ponu-ponung-nga dalek; tehu Au ta hapu hataholi esa boen.

YESKIAL 7:19

Neukose, ala tapaheni lilopila-lilofulan-nala leo enok lain neu, sama leo kadafuk-ka, nana nai faik fo, Manetualain kalua nasa-melun te, lilopilas-lilofulak, ta hapu soi-nala sila fa, te ka'da nenis leo sala-singok-ka dalek neu. Ala ta mete lilopilas lilofulak sila-la, fo lakabete, do ala ko'dos leo tein-nala dalek leu fa.

YOEL 1:15

Manetualain fain-na deka so, faik fo neni bibii-namata'uk; faik Fo Manakoasa fe nakalulutuk-ka mai.

YOEL 2:1

Puu pupuuk-ka, ma fepa malii besi ta'du-tana soe-a nai pupuku Sion fo malalao-malalafuk fo Manetualain mamana leleon-na. Dele bengge'be leon, hai laun Yehuda-la lemin! Nana Manetualain, Fain-na deka, de ana losa lai-lai.

YOEL 2:31

Neukose le'do makahatuk ma bulak-ka da'di pilas sama leo daak-ka. Basa sila-la, neukose ala da'di te Manetualain fain fo neni bibii-namata'u matuaina ndia, beita losa fa!

YOEL 3:14

Hataholi lifu-lifun nai Bafak Naketu-nala'dik-ka. Nana nai naa, Manetualain Fain-na, neukose ta dooanak so'on te ana losa.

MALEAKHI 1:9

Besak ia, hai imam-imam-mala lemin, so'ba dokodoe neu Manetualain, fo ela Ana sue-lai ita. Neukose ta nataa emi huhule-haladoim fa, soona emi sala mesam ndia.

MALEAKHI 4:5

Tehu fai matuaina ma neni bibii-namata'uk fo Au aketuk ndia, beita losa fa, te neukose Au adenu Nabi Elia mai neu emi.

1 TESALONIKA 5:2

Nana emi bubuluk basan no mangale'dok, Lamatua ka fai mamain ndia, sama na leo nakodaa ana mai nai fai le'odae na.

2 PETRUS 3:10

Tehu Lamatua ka Fai mamai na, neukose ana losa, sama leo nako ka. Nai faik ndia te, neukose lalai a mopo kana, no manggulu matua ina, ana da'di nai lalai, ma basa hata manai lalai a, neukose putu la'i esa kasa, boema daebafa ka no basa oe isin lala'e na, neukose mopo la'i esa kasa.

NINITAK 16:14

Sila nde bee na dula dale mangalauk, fo manatao manda'di beu kala. Dula dale mangalauk kateluk sila la leu leo basa manek manai daebafa ka lala'ena, de ala tao lakabubuas fo latee-latati nai Faik matuaina, fo nde Manetualain fo Mana Koasa Fai na.

NINITAK 6:17

Fai Huhukuk fo manini bibii-namatau ka ana mai so! Manetualain ma Bi'ilopo Ana po'a nasa-melun mai, de hataholi esa boen ta nakatatakak nabe'i nai hataholi sila matan fa!”

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.