YESKIAL 10:3 - Susula Malalaok Hehelu Palak Ma Hehelu Beuk

³ Lelek ana leo dalek neu te, mahahaek sila-la bei lapadeik lai Manetualain Uman-na boboan kona. Uma so'dan manai dalek-ka, ma Manetualain Uman-na lala'en-na, henuk no ko'as bubuak esa.

YESKIAL 10:3 Iomraidhean Croise

KEJADIAN 3:24

Basa boema, nai osi ndia boboan dulu, fo nai lelesu leo dalek neu-a, Manetualain pe'da kerub-kerub, lai ndia, ma tafaina esa, isin-na pila lo'a-lo'a, ana puta leo basa mamanak lala'en-na neu, fo nanea enok leo ai manafe maso'dak ndia neu. No enok ndia, ta hapu hataholi esa boen, bisa neu leo dalek neu, fo ana deka no ai ndia.

KELUARAN 25:18

Taom-ma kerub dua neme lilopilas nanatutuk-ka mai,

YESKIAL 43:4

Mangale'dok ndia, nakababale tunga lelesuina dulu, boema neu leo Manetualain Uman dale neu.

YESKIAL 46:1

Manetualain Fo Mademaina, nafa'da nae, “Lelesuina dulu, fo nasale leo uma so'dan manai dalek-ka neu, muse nanakena nahelek, nai faik nee dalek. Lelesuina ndia, bole nanasoik ka'da nai fai Sabat-ta, ma Feta Bula Beuk-ka.

YESKIAL 8:16

Boema, noo au leo Manetualain Uman-na, so'dan manai dalek-ka. Nai deka no lelesu masok leo kama malalao-malalafuk-ka neu, fo nai mei tunu-hotuk-ka no mangalolok-ka tala'da, hapu hataholi duahulu lima lai ndia. Langatuuk lasadea kama malalao-malalafuk-ka, de lasale leo dulu leu, fo ala sene-do'ok neu le'do-a.

YESKIAL 8:3

Ana look hatak esa mai, lupan-na sama leo limak-ka, boema Ana lu'i au langadoong-nga. Basa boema, nai ninitak ndia dalek, Manetualain Duladalen-na, ana so'u namadema au leo lalai neu, de noo au leo Manetualain Uman-na nai Yerusalem, fo leo lelesu masok leo uma so'dan manai dalek-ka neu; lelesu ndia, nasale leo kii neu. Nai ndia, hapu dodoki-dudula sosongo-tatangok fo manatao nafo'a Manetualain nasa melun-na.

YESKIAL 9:3

Boema mandela-masa'ak fo, manada'di ta'du-tana neu Israel Manetualain mamain-na, nasalaa neme mahahaek sila-la mai, boema ana lali neme mamana makasososan ndia mai, de neu leo lelesu masok leo Manetualain Uman dale neu. Boema Manetualain naloo hataholi manapake tema abalutu ndia nae,