YAKOBIS 4:4 - Susula Malalaok Hehelu Palak Ma Hehelu Beuk

⁴ Emi nde bee na, hataholi ta mana lilinekak fa! Ade emi ta bubuluk fa te, metema emi tao tia-laik mo daebafak ia soona, emi da'di Manetualain musu noon fa do? Hu ndia de, metema see tao tia-laik noo daebafak ia soona, hataholi ndia tao ao ina na da'di, Manetualain musu noon.

YAKOBIS 4:4 Iomraidhean Croise

KEJADIAN 3:15

O ma inak ndia, neukose esa musu no esa, ma tititi-nonosin ma o tititi-nonosim, neukose esa musu no esa. Neukose tititi-nonosin, tutu lakabebelak o langam-ma, ma neukose, o kaan neu sila eitingan-nala.”

MAZMUR 21:8

Manek-ka namahena neu Manetualain Fo Mademaina, so'dan-na nee-nee lino-lino, tataas esa nana Manetualain sue-lai nahelen.

MAZMUR 50:18

Metema o mita hataholi nakodaa esa soona, o tunga moon, ma o leo-mapalasa moo hataholi manahohongek-kala.

MAZMUR 73:27

Hataholi fo, ana la'oela O-a, neukose ana hapu soe, O tao mamopo-mamate hataholi fo, ana ta lilineka neu O fa.

YESAYA 57:3

Tehu emi fo, manatao sala-singok-kala, mai leona, fo nananaketu-nala'dik! Emi ta malole lena neme, hataholi manapake mo'do-akidook-ka, hataholi fo, ana nau hohonge, ma manasosoa-piaok-ka mai fa!

YEREMIA 2:2

po'a-benga halak ia neu basa hataholi manai Yerusalem-mala nae, “Hai Israel, Au afandele, o lilineka manseli, nai lelek o bei muli-solum-ma; o susue-lalaim ba'un-na seli nai lelek ita da'di manaka'bing beuk-ka. Au u leo moo solokaek-ka u, boeo o tunga o la'ok tunga dae fo, nanasele-nggali taak-ka.

YEREMIA 9:2

Ela leo been-na, au hapu mamana susunguk, nai moo solokaek-ka, ba'eneu hataholi fo, nai leleo-lala'on-na dalek! Soona neukose, au la'oela au leoinang, fo au alai leo naa u, fo au dook-ka eme sila mai. Sila basa-basas manatipu-daik-kala, hataholi manalilineka tak, bubuak esa,

YESKIAL 16:32

O sama leo saoinak fo, nalelesi saotun-na, fo ana po'de no tou fe'ek.

HOSEA 3:1

Manetualain nafa'da au nae, “Muu seluk leona, fo mahiik moo ina manasosoa-piaok esa. Mahiik moon, sama leo Au boeo ahiik hataholi Israel-la, leomae ala la'oela Au, de ala sene-do'ok neu lamatua fe'ek, boema ala nau tunu-hotu koki kismis fe sosongo-tatangok.”

MATEOS 12:39

Boema Yesus nataa nae, “Hataholi besak ia la, mangalau na seli Emi moke Au tao manda'di beuk do? Neukose Au ta fe emi manda'di beuk esa boen, ta'da fe'e mana da'di beuk fo Nabi Yunus a, la'o la'di nana.

MATEOS 16:4

“Hataholi lelek besak ia la mangalau naseli, ma malena langa-masa'ba soo kala. Emi moke Au tao manda'di beuk, tehu neukose, Au ta tao fe emi manda'di beuk esa boen, ta'da fe'e mana da'di beuk Nabi Yunu sa.” Yesus kokolak basa nae leondia boema ana la'oelas leona.

MATEOS 6:24

“Ta hapu hataholi esa tao-no'i fe tuan dua la'iesa fa. Nanahu neukose ana sue-lai esa lenaheni esa ka. Boema neukose ana lilineka nahele tuan esa, tehu esa ka soona ta. Leondiak boe, ba'eneu emi. Emi ta hapu tao-no'i soaneu Manetualain, ma soaneu hata-heto daebafa ka fa.

LUKAS 19:27

Ma besak ia mo au musu noong fo ala ta nau au da'di sila mane na, leo ia mai. Taomisa la'iesa kasa nai au matang!’ ”

YOHANIS 15:19

Leo uni ka, daebafa ka nuun emi soona, neukose daebafa ka sue-lai emi, da'dileo ndia nuun. Tehu Au hele basa emi neme daebafak ia mai so, da'di daebafa ka nuun ta emi so'on. Hu ndia de, daebafa ka nakamu-nakadau emi.

YOHANIS 17:14

Au tui-benga Ama ka dede'a-kokolan neus so, de daebafa ka nakamu-nakadaus hu ka nde daebafa ka hataholin ta sila so'ok, sama na leo Au boeo, daebafa ka hataholin ta Au fa.

YOHANIS 7:7

Tao leo bee o, daebafak ia ta nakamu-nakadau emi fa. Tehu Au soona, memak daebafa ka, nakamu-nakadau Au, nana Au afa'da daebafa ka tatao-nono'i mangalau na tataas esa.

ROMA 5:10

Nai lelek fo ita musu to Manetualai na, Kristus mamate na nini mole-dame fe ita to Manetualain, nakalenak bai, besak ia ita to Manetualain da'di esa so, de tao leo beeo Ana fe ita so'dak tunga Kristus so'da na boe.

ROMA 8:7

Hataholi fo hataholi daebafa ka ha'da paliin koasa na dudu'a-aafi na, hataholi ndia musu no Manetualain; nana hataholi ndia ta tunga Manetualain hoholo-lalanen fa.

1 KORINTUS 1:20

Naa, sosoak hata hataholi malelak manatee tenok sila la? Sosoak hata hataholi malelaina la? Sosoak hata, hataholi dodole maneu manai daebafak ia la? Manetualain natu'du basa nae, manatee teno daebafak ia, nde bee na manakokola bafa lou kala!

1 KORINTUS 1:21

Nana leomae hataholi daebafa ka malela na leo beek boeo, ana ta hapu nalelak Manetualain ninik ndia malelan ndia fa. Te lena-lenak, hu ka nde Manetualain manatee teno na de, Ana nau soi tefa na hataholi fo lamahele neun, tunga halak fo ami tui-bengan fo daebafa ka nafa'da nae, kokola bafa louk basa sila la.

GALATIA 1:10

Ade no enok ndia fo meten soona, nonoo ka bai de, au amahena hataholi daebafa ka, manaku au do? Ta leondiak fa! Au amahena ka'da Manetualain nde manaku au a. Ade au bei sanga enok fo, au ho'i hataholi daebafa ka dale na, fo ela ala manaku au do? Metema au bei tao leondiak soona, Kristu satan ta au fa.

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.