YAKOBIS 3:2 - Susula Malalaok Hehelu Palak Ma Hehelu Beuk

² Nasi'a ita basa tala tao salak. Tehu hataholi fo ana beita tao nita salak ninik hala-kokola na, hataholi ndia, hataholi matetu-mandaak, nana ana hapu koasa na, ao ina na lala'ena.

YAKOBIS 3:2 Iomraidhean Croise

1RAJA-RAJA 8:46

Memak tete'e ka ta hapu hataholi esa boen ta nasala-nasingo neu O fa – Tehu metema O ana mala lasala-lasingo neu O – boema hu ka nde O nasa-melum de O po'ilotak musu a sengis, de loos da'dileo hataholi nanafook leo nusak esa nai dook-ka do nai mata boeo,

2TAWARIKH 6:36

Metema O anam-mala lasala-lasingo neu O – te'e-te'e ta hapu hataholi esa boen nasala-nasingo fa – boema hu kande O nasa-melum de O po'ilotak musu-a sengis de loos da'di leo hataholi nanahukuk leo nusak esa nai dook-ka do ana deka soona,

AYUB 15:13

o mamanasa Manetualain, de o mase'i mon.

MAZMUR 34:13

Emi nau, emi teum-ma namanalu fo mame'da mita, hata fo malole-a do?

MAZMUR 39:1

Soaneu mauli-malanga nakameek-ka. Dauk kokoa-kikiok. Soaneu Yedutun.

AMSAL 10:19

Boetai kokolak soona, boetai tao sala-singok; hataholi fo nakatatakak-na maan-na nde been-na, hataholi manatee-tenok.

AMSAL 13:3

Hataholi fo nanea hala-kokolan-na, neukose so'dan-na nee-nee lino-linok; hataholi manakokolak tofa-tafi-a, neukose susa-soe tunin-nan.

AMSAL 20:9

Ade, hapu hataholi bisa nafa'da nae, “Au daleng-nga malalaok, nana au atapo'i eme sala-singok-ka mai so do?”

AMSAL 21:23

Soaneu boso hapu toto'a-tataak-ka, ela leo been-na, manea matalolole hala-kokolak-ka.

PENGKHOTBAH 7:20

Nai daebafak ia, ta hapu hataholi matetu-mandaak fa; ta hapu hataholi manatao malole tataas esa fa, ma beita nasala-nasingo nita fa.

YESAYA 64:6

Ami basa-basam-mala nde been-na, hataholi manggenggeok, nakalenak ami tatao-nono'i malolem-ma boeo, ta kandaak ma maggenggeok. Neukose mopok ami, nanahu ami tatao-nono'i mangalaum-ma, sama leo anin-na fuu neni akidook-ka.

IMAMAT 13:39

imam-ma muse palisak hataholi ndia. Metema, mete kokotok sila-la, te fula keluhabuk soona, ana hapu ka'da he'di kosulouk, de imam-ma muse nafa'da nae, hataholi ndia, lea-hai so.

MATEOS 12:34

Emi hataholi mangalauk, na tao leo bee fo emi hapu kokolak dede'a malole, metema emi hataholi mangalauk? Hata fo bafa ka kokola kana, ndia nde kalua neme dale ka mai!

MATEOS 12:37

Nanahu emi hala-kokolam nde nanapakek soaneu nafa'da, ade emi masalak do ta.”

ROMA 3:10

Sama leo nanasulak nai Susula Malalaok dale nae, “Ta hapu hataholi ndoos esa boen,

ROMA 7:21

Da'di, au ho'i ka'da dede'a ka isi na nae, hoholo-lalanek iala nde paleta ita dale na: fo nde, metema au hii tao malole soona, dula dale mangalau ka, ana koasa na au leona.

1 KORINTUS 9:27

Au sanga eno besa-besa soaneu tao balakai au ao paa nga, ma au sanga enok soaneu koasa alan. Au tao leondiak nana au ta nau lelek au fufu'di hataholi fe'e kala tunga nai nakasusu'dik ndia dalek, te au soona nanatipahenik.

GALATIA 3:22

Tehu nai Susula Malalaok dale nanasulak nae, basa hataholi daebafa ka lala'ena, lai sala-singo ka koasa na dae. Hu ndia de, fe feek fo nanaheluk tunga namahehelek neu Yesus Kristu sa, nanafek neu hataholi fo namahele a.

GALATIA 5:17

Nana hataholi daebafa ka, hihii-nanaun naseikosalak no Manetualain Dula Dale na hihii-nanaun, ma Manetualain Dula Dale na hihii-nanaun naseikosalak no hataholi daebafa ka hihii-nanaun. Duas laseikosalak, nalosa emi ta hapu tao hata fo emi mahii kana fa.

KOLOSE 1:28

Kristus ndia nde ami tui-bengan neu basa hataholi lala'e na. Ami manoli-mafa'das ma ami fes nasanene'dak, ninik basa ami dudu'a-aafim lala'e na. Ami hihii ma nde bee soona, ami nau moo basa hataholi lala'ena leo Manetualain mai, fo namahehele nala latea-lahele, nanahu ala da'di esa lo Kristus so.

KOLOSE 4:12

Nate'ak neme Epafras. Emi hataholin ndia boe. Kristus Yesus atan ndia fo ana manggate hule-haladoi tataas esa fe emi. Ana noke te'e-te'e neu Manetualain fo ela emi namahehele ma da'di natea-nahele, ma emi mamahele te'e-te'e, fo daenga emi tunga Manetualain hihii-nanaun lala'ena, no matetu-mandaak.

IBRANI 13:21

Sa'di tao leo bee na Manetualain, fo oe mata mole-dame ndia, tao natetu-nandaa emi, ninik basa hata malole fo emi paluun soaneu tao-no'i hihii-nanaun. Sa'di leo bee na, no Yesus Kristus hehela-nonolen, de Manetualain tao-no'i nai ita dalek, hata fo nahii kana. Ela leo bee na, Kristus nanakoa-kiok losa dodoo na! Amin.

YAKOBIS 1:26

Metema hataholi esa, ana dodoo nana, ndia hataholi mana tunga agama hoholo-lalanen, tehu ta nanea na maa na fa soona, ana ke'dindiu seluk ao ina na nde ndia; soona palsuma la'i esa kana, namahele neu Lamatua ka.

YAKOBIS 1:4

Manea, fo ela emi dale makatatakam ndia, nakapela nakandoo, losa te'e-te'e, emi da'di matetu-mandaak, ma emi ta to'a taa hata esa boen.

YAKOBIS 2:10

Metema hataholi a la'o lena Manetualain hoholo-lalanen esa soona, ana la'o lena la'i esak hoholo-lalanek sila lala'ena.

1 PETRUS 3:10

Nai Susula Malalaok dale nanasulak nae leo ia, “See nau hapu so'dak ma ana nau la'oladi fai-fai malole, soona muse nanea bafa na, fo daenga ana boso kokolak dede'a-kokola mangalauk, ma boso kokolak dede'a masapepeko-masandandalik.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.