Biblia Todo Logo
Bìoball air-loidhne

- Sanasan -




YAKOBIS 3:17 - Susula Malalaok Hehelu Palak Ma Hehelu Beuk

17 Tehu hataholi fo nanuu manatee tenok maneme lai na mai ndia, maka sososa na, hataholi ndia matetu-mandaak, fo basa soona, ana hii ka'da mole-dame, hala-kokolan mangana'uk, ma ana tunga paleta. Dale na henuk no susue-lalaik, fo susue-lalaik ndia, nabuna-naboa tatao-nono'i malole. Hataholi ndia ta mana metematak, ma ta manadea dalek fa.

Faic an caibideil Dèan lethbhreac




YAKOBIS 3:17
63 Iomraidhean Croise  

de o nonokem ndia, neukose Au tao atetun. Neukose Au tao a o da'di manatee-tenok ma manatee-tenok lena neme su'di see mai boe, nau nai fai maneu kala do nai fai manamaik-kala.


Lelek leoina Israel-la lamanene la'eneu Salomo nakeketun nai dede'ak ndia dalek, boema lasamanan ma ala fe ha'da-holomatak neun. Nana, nananitak nae Manetualain fe basan manatee-tenok soaneu tao ndoos ma matetuk.


Hu ndia de, ou Manetualain, ela leo been-na fe au dudu'a-aafi manatee-tenok fo au paluun soaneu paleta O anam ia la no tunga ndoos ma matetuk, ma soaneu au bisa mete kofe'ek bee kande malole ma bee kande mangalauk-ka. Metema ta leondiak fa soona, hapu nai bee au hapu paleta O anam fo matuaina ia la?”


Ma ela leo been-na o Amam Manetualaim fe o manatee-tenok ma dudu'a-aafi maneu soaneu paleta Israel nandaa no hoholo-lalanen.


Leomae leondiak boe, Ana fe basa au hehelu-balataak ka nde ia nae, ‘Neukose o bongi ma anatouk esa fo neukose ana paleta no tetu-temak, nana neukose Au tulu-falin, nalosa ta hapu musu natee-natati no fan. Neukose foin na'de Salomo nana nai lelek ana paleta, neukose Au fen tetu-temak ma nee nee-lino linok nai Israel-lala'en-na.


Tehu, sanga manatee-tenok-ka nai bee? Ita hapu tanoli nai bee, fo ela ita talelak?


Ka'da Manetualain mesak-kana, nde bubuluk manatee-tenok-ka, mamanan-na, ka'da Ndia nde bubuluk, enok leo naa neu-a,


Manetualain nafa'da hataholi daebafak-ka nae, “Soaneu hapu manatee-enok-ka, emi muse fe ha'da-holomata neu Manetualain. Soaneu hapu dudu'a manadaik-ka, emi muse dook-ka meme tatao-nono'i mangalauk-ka mai.”


Musa naloo Bezaleel, Aholiab ma basa hataholi fo manahapu malelaina neme Manetualain mai, ma hataholi fo no dale hihii mesan-na, ana fe tutulu-fafalik, boema nadenus mulai leona.


Manetualain nde manafe manatee-tenok-ka; hataholi daebafak-ka hapu malelak ma dudu'a-aafi manadaik neme Ndia mai.


Neukose naketu-nala'di nai leoina-la tala'da, ma naketu dede'ak nai leo-leo ma leoina-la tala'da. Neukose tafaina nanatutuk da'di tata'tis, ma tee-a taon da'di dope keke'di na'u. Leoina-la, esa ta sapu-na esa so'on, boeo ta laheheleao sanga latee-lata'ti fa.


Hataholi nggoak-ka, ana kokolak dede'a nggoak, ma ana tutu'u eno mangalauk. Ana tao su'di beek-ka, do nafa'da su'di beek-ka, nalupa nakamumulu-nakamamaek neu Manetualain. Ana beita fe nita nana'ak neu hataholi kamala'ak-ka, do neninuk neu hataholi manamaa ma'dak-ka.


Sama leo manafoo esa, Ana nakaboboi bana-manun; Ndia mesak-kana, nde tao nakabubuas-sala. Ana ko'o bi'ilopo ana-la, Ana nakalala'ok inan-nala, no dale mangana'uk.


Manetualain fe touana muli-solu ka haak sila-la manatee-tenok ma malelak matuaina nai nanoli mademaina-la dalek. Fe'ek neme ndia mai, Ana fe Danial malelak boe, fo nafa'da mangalele'do ninitak ma me'is-sala sosoa-ndandaan.


Hu ndia de, Au boeo, neukose fe hataholi Israel-la, heheta-aa'i emi, nanahu emi ta tunga Au hihii-nanaung, ma hu kande emi bibinga-baba'e hataholi, nai lelek emi manoli Au anang-ngala.”


Ana mai fo naketu-nala'di, sama leo hataholi manatao balisi, ma manapoli lilofulak-ka. Sama leo tuka liti esa, ana tao namaneu lilopilas ma lilofulak-ka, leondiak boe, Manetualain hataholi nadedenun-na, neukose ana tao namaneu basa imam-mala, fo ela ala tunu-hotu tutunu-hohotuk nenik enok fo Manetualain nahiik-kana.


Emi leondiak boe. Meten neme deak mai soona, emi malole moo basa hataholi lala'ena; tehu nai emi dalem dale henuk no peko-pakik ma la'olena ka.”


Maua-manalek neu hataholi fo dale na malalaok; nanahu neukose lalelak Manetualain.


Maua-manalek neu hataholi fo nini mole-dame nai hataholi daebafa ka tala'da; nanahu neukose Manetualain sipo kasa da'di Manetualain ana nala!


Au nde neukose fe emi dede'a-kokolak ma manatee tenok ndia, nalosa ta hapu hataholi esa boen neme emi musu noo ma hapu la'ban do lalelesi hata fo emi mafa'da ka.


Ela leo bee na emi manuu dale susuek sama leo emi Amam boeo nanuu dale susuek!”


Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.


Yesus nita Natanael mai boema, nafa'dan nae, “Mete mitak hataholi Israel matetu ka nde ndia. Ta nanasese'do-babalik fa.”


Barnabas ia, hataholi dale malole ma Manetualain Dula Dale na koasa nan, boema namahele nanseli neu Lamatua ka, de nalosa hataholi makadotok tunga Lamatua ka.


Hapu inak esa nai Yope nade Tabita. Inak ia namahele Yesus. (Na'de na nai dede'a Yunani dale soona, Dorkas, fo sosoa na nae, nusa.) Ana tao ka'da tatao-nono'i malole tataas esa, ma ana tulu-fali hataholi nuu ta-hata ta kala.


Sanga enok tao leo bee fo maso'da mole-dame mo basa hataholi lala'ena.


Sue-lai no matetu na. Makamu-makadau tatao-nono'i mangalau ka, ma ho'u mahele tatao-nono'i malole a.


Tolano-tolanoo ngala lemin! Au amahele, emi bei manuu dede'a malole ba'u ka. Emi boeo malelak basa-basan lala'ena, ma emi esa naoli esa boe.


Dula Dalek ndia fe be'ibalakaik neu hataholi esa fo ana kokolak ninik heohak. Neu fe'e kala soona, Dula Dalek fo sama ndia, ana fen be'ibalakaik fo lafa'da mangalele'do see Manetualain ndia.


Besak ia, au fo Paulus nau uni hata esa soaneu emi. Au ia, tunga hataholi a nafafa'da na au mangana'uk metema au asasalematak o emi, tehu au apalani, metema ita komododoon. Naa, hu ka nde Kristus mangana'u na ma Kristus dale malole na,


No dale malalaok, manatee tenok, ta haelai mamanasa, ma dale malole, ami matu'du mae, ami nde bee na Manetualain atan. Boeo no namahena neu Manetualain Dula Dale na tutulu-fafalin, ma no susue-lalaik fo matetu ka.


Soba emi taoafik hata fo hapu nini buna-boak neme dale he'dik fo enok esa no Manetualain hihii-nanaun! Buna-boan nde ia, emi sanga enok te'e-te'e soaneu tao mamaneu kelupua ka! Emi makamu sala-singo ka, emi bii-mamata'u, emi mahiik, emi manggate, emi nau huku mana tao masala kala! Nai basa dede'ak ia la dalek, emi matu'du basa mae emi salam ta.


Manetualain nde sadia bini ngges soaneu manasele-nggali, ma nana'a-nininuk soaneu ita. Ndia boeo, neukose Ana sadia ma tao namaba'u hata fo emi sele nggali ka, fo ela emi dale malole ma buna-boan tama seluk.


Nanahu neme mangale'dok ndia mai de, basa tatao-nono'i malole mata-mata kala, tao tunga ka'da ndo na, ma ndo sa, ala tii mai, fo nandaa no Manetualain mata memete na.


Neukose emi so'da ma henuk no tatao-nono'ik fo te'e-te'e malole, fo hapun neme ka'da Yesus Kristus mesa kana mai; soona neukose Manetualain nandela-nasaa ma nana koa-kiok.


Mate'e na, tolanoo kala tao mahenu dudu'a-aafi mala ninik dede'a kabelik, fo nandaa nanakoa-kiok, fo nde dede'a ndoos, ha'da-holomata, tunga ka'da ndo na, matetuk, manini suse-lalaik ma malole.


No enok leondia ka, de besa ka emi hapu maso'da tunga Manetualain hihii-nanaun, boema tao ma dale na namahoko tataas esa, nalosa nai basa dede'ak lala'e na dalek, emi hapu mabuna-maboa tatao-nono'i malole. Boema emi boe tai malelak Manetualain.


Tehu ami tao manga'uk neu emi nai lelek ami nai emi tala'da, sama leoinak esa nasaluluku ana nala.


Nai Manetualain, Kristus Yesus ma ata nusa so'da nanahele kala matan, au oke fo ela o tunga basa nanoli-nafa'dak ia la no boso neo hataholi esa boen, ma boso metematak.


Hataholi fo ana tao-no'i soaneu Lamatua ka, ta nandaa nale'a-napilik fa; muse ana tao mangana'uk neu basa hataholi lala'ena, ma nanoli hataholi no malole, ma boso haelai mamanasa.


Basa hata lala'ena nde bee na, malalao-malalafuk ba'eneu hataholi malalao-malalafu ka. Tehu ba'eneu hataholi fo dudu'a-aafi manggenggeo kala, ma kamahehele ta kala soona, ta hapu hata malalao-malalafuk esa boen, nana dudu'a-aafin ma dale nala manggenggeok so!


Mafa'das fo ala boso tao langgenggeo hataholi na'den, do lasipo bafak lo su'di see a, te ela leo been-na, ala tao malole neu basa hataholi lala'ena.


Memak nai lelek fo ita nanananoli ka, huhukuk ndia ta nandaa no ita dale na fa, tehu nini ka'da dale he'dik mesa kana. Tehu basa ndia soona, ba'eneu ita fo nanananoli basa ka, huhukuk ndia tao na ita taso'da tunga Manetualain hihii-nanaun, ma nini buna-boa so'da-molek neu ita.


Sanga enok soaneu maso'da mole-dame mo basa hataholi lala'ena. Sanga enok boe, soaneu maso'da no malalao-malalafuk, ka'da soaneu Lamatua ka. Nana ta hapu hataholi esa boen, fo hapu nita Lamatua ka, metema ana ta naso'da sama leondiak fa.


Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.


Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.


Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.


No emi tatao-nono'im leondia ka, emi bibinga-baba'e emi nonoo hataholi ma, boema emi mete hataholi a, tunga emi dudu'a-aafi mangalau ma.


Manatee teno matak leondia ka, ana ta mai neme nusa so'da ka mai fa te, ana mai neme daebafa ka, neme nasa melu ka, ma neme nitu a mai!


Deka mo Manetualain, fo Manetualain boeo, Ana deka no emi. Safe balisi lima mala, hei hataholi masala-masingo kala lemin! Malalao-malalafu dale mala, hei hataholi dale kaba'e kala lemin!


Hu ka nde emi tao tunga Manetualain nanoli nala, de emi tao balisi emi ao ina mala, ma emi sue-lai hataholi fo emi namahehelek esa, no dale ndoos. Hu ndia de, ela leo bee na emi masue-malai ao no dale katema tuak.


Hu ndia de, tu'u-tapaheni basa emi dudu'a-aafi mangalaum lala'ena; fo boso masapepeko-masandandali, boso dea-dalek, boso mape'da dalek, ma boso makamumulu-makamamaek hataholi fe'ek.


Tolanook fo mana da'di malalau-maoono la lemin! Makatele neu emi malanga ma no ha'da-holomata; ta ka'da neu sila fo dale malole-mangana'u kala fa, tehu neu sila fo nasa-melu mangalau kala boe.


Ana ngala lemin! Ita boso sue-lai hataholi, ninik ka'da ita bafa lou na, do ninik ka'da hala-kokolak mesa kana. Te ela leo been-na, ita sue-lai tinik susue-lalai matetu ka, fo ita tatu'dun nai ita tatao-nono'in dalek.


Hataholi fo ana tao namahehena na neu ka'da Kristu sa, muse nanea ao ina na fo ela te'e-te'e malalaok ma balisi neme sala-singo ka mai, sama leo Kristus boeo malalaok.


Lean sinn:

Sanasan


Sanasan