YAKOBIS 1:13 - Susula Malalaok Hehelu Palak Ma Hehelu Beuk

¹³ Metema hataholi esa hapu sosoba-susu'di leondia ka soona, boso mafa'da nae, “Sosoba-susu'dik ndia, neme Manetualain mai,” nana mangalau ka ta hapu so'ba-su'di nala Manetualain ma Manetualain boeo, Ana ta pake mangalau ka, soaneu so'ba-su'di hataholi esa boen.

YAKOBIS 1:13 Iomraidhean Croise

KEJADIAN 22:1

Basa teuk de'ubee boema, Manetualain fola Abraham namahehelen-na. Manetualain naloo nae, “Abraham!” Boema Abraham nataa nae, “Ou Manetualain.”

KEJADIAN 3:12

Touk ndia nataa nae, “O fe au inak fo, ana da'di au tia-laing ndia, nde fe au ai ndia boan-na, boema au u'an so.”

YESAYA 63:17

Ou Manetualain, tao le'e de, O po'ilotak ami, matofa-matalak? Tao le'e de, O tao matea ami dalem-ma, nalosa ami ta bii-mamata'u neu O fa? Hu kande, O atam-mala, ma hu kande O anam fo, O pusakam-ma, fali ma'im-ma leona.

MATEOS 4:7

Boema Yesus nataa nitu nae, “Tehu nai Susula Malalaok dale boeo nana sulak nae, ‘O boso so'ba o Lamatuam Manetualain.’ ”

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

YAKOBIS 1:14

Tehu hataholi a, hapu soso'ba-susu'dik, metema ana tunga hihii-nanau mangalau na, fufu'di-oo'don.

YAKOBIS 1:2

Tolano-tolanoo ngala lemin! Metema emi la'oladi sosoba-susu'di mata-mata kala soona, mafa'da mae, emi hapu nanalak ndia.