YAKOBIS 1:10 - Susula Malalaok Hehelu Palak Ma Hehelu Beuk

¹⁰ Ma hataholi kamahehele kamasu'i-makabete ka, ela leo bee na namahoko boe, metema Manetualain nakadadaek-kana. Nana hataholi kamau'i-makabete ka, neukose ana sapu lalo sama na leo na'u buna ka.

YAKOBIS 1:10 Iomraidhean Croise

AYUB 14:2

Ana napena, ma ana male, sama leo bunga; mopok-kana, sama leo salaok-ka, fo mopon nakandoo.

MAZMUR 102:11

nana O so'u-ma au, de O tapaheni au nai O nasa-melum, manapila lo'a-lo'am-ma dalek.

MAZMUR 103:15

Hataholi daebafak-ka, so'dan-na keke'uanak sama leo na'u-a; ana nakapela sama leo bunga nai tina;

MAZMUR 37:2

Nana mopos no lai-laik, sama leo na'u-a, ma ala male-tale, sama leo bubu'u-palusa momo'dok-ka.

MAZMUR 39:6

O maketu au teung-nga, keke'uanak nanseli! Ba'eneu O soona, au so'dang-nga sosoa-ndandaan ta. Tete'ek-ka, hataholi daebafak-ka sama leo ka'da ani hahaek-ka,

YESAYA 40:6

Hapu halak nafa'da nae, “Tui-benga leona!” Au atane ae, “Au muse tui-benga beek?” “Tui-benga leona, mae hataholi daebafak-ka, sama leo na'u-a, sama leo bunga, fo lole-napun ka'da hatematak esa mesak-kana.

YESAYA 40:7

Na'u-a namatuu, ma bunga ana male, metema Manetualain fuu ani mato'bik-ka neun. Tete'ek-ka, leoina ndia, sama leo na'u-a.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

MATEOS 5:3

“Maua-manalek neu hataholi fo name'da nana balakain ta, de namahena neu ka'da Lamatua ka mesa kana; nanahu sila nde da'di Manetualain hataholi kamahehele nala!

MATEOS 6:30

Na'u manai mo ka faik ia ana moli, tehu balahaa soona ala de'dehenin. Tehu Manetualain heheo-hihiluk na'u sila la, de lole nala seli. Muda hata neu emi bai! Hu ka nde emi namahehele ma, beita dai fa!

1 KORINTUS 7:31

ma hataholi fo ana su'ba ka'da dede'a daebafa ka, ela leo bee na naso'da nono'ka bai dede'ak sila la ta tao lan langa na naleo fa. Nana ta doo ka so'on te, neukose daebafa ka no heheo-hihilun besak ia ala sapu-lalo!

FILIPI 3:8

Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

YAKOBIS 4:14

Emi ta bubuluk hata fo neukose ana da'di neu emi so'da ma, nai fai balahaa na fa! Emi sama na leo ka'da ko'de ndenu ka fo titan ka'da hatematak esa mesan, tehu basa soona, ana sapu-lalo.

1 PETRUS 1:24

Nai Susula Malalaok dale nanasulak nae leo ia, “Basa hataholi daebafa ka lala'ena, sama na leo na'u a, boema lole-napun, sama na leo na'u buna ka. Fo metema na'u a male soona, kono heni buna na;

1 YOHANIS 2:17

Hataholi daebafa ka nahiik daebafa ka no basa oe isin lala'ena, tehu besak ia, neukose ana sapu-lalo. Tehu hataholi mana tunga Manetualain hihii-nanau na, naso'da nahele losa dodoo na.