NINITAK 8:7 - Susula Malalaok Hehelu Palak Ma Hehelu Beuk

⁷ Ata nusa so'da makasososa ka ana puu pupuu na boema, u'da eis ma ha'i sese'dok no daak, ala tu'da lakamiu leo daebafa ka mai. Boema ha'i na'a naputu daebafa ka baba'ek esa neme baba'ek telu. Leondiak boe ai la ma na'u manamomo'do kala ha'i na'a naputu baba'ek esa neme baba'ek telu.

NINITAK 8:7 Iomraidhean Croise

MAZMUR 105:32

Ana ngganga eis-sa mai, fo nggati u'dan-na, ma Ana fe ndela-sa tuti-nato.

KELUARAN 9:33

Boema, Musa la'o leona, de neu leo kota deak neu; nai ndia, ana so'uk liman-na, fo ana hule-haladoi neu Manetualain. Hatematak ndia boe, mangguluk-ka, u'da eis-sa ma u'dan-na hahae.

YESAYA 28:2

Neukose Manetualain nadenu hataholi balakaik, ma ao makadelek esa. Mamain-na sama leo sangu-a sama-sama no u'da eis-sa, sama leo u'da ina ma faa manenik-ka.

YESAYA 29:6

Manetualain Fo Manakoasa, neukose soi-po'i kota ndia nenik ani matuaina ma daebafak-ka nanggengo matuainan-nanseli. Neukose Ana fe sangu, ma ha'i-a mai, fo na'a-henin.

YESAYA 30:30

Neukose Manetualain fe hataholi namanene hala matua-mademan, ma basa hataholi-la, neukose lame'da lita koasa matuainan-na. Neukose nasa-melun neni ha'i mana'a naputuk-ka, u'da matuaina, u'da batu, ma ani-sangu.

YESAYA 32:19

Maua-manalek nanseli, ba'eneu emi basa-basam-mala, nanahu emi bubu'u-palusam hapu oe, ma emi bana-manum hapu la'a na'u nai mamanak lala'en-na, no nee-nee lino-linok. Tehu emi musum-ma, neukose sama leo nula, fo u'da batu-a tuni la'en, ma sila kotan-na, neukose nanatao nakalulutuk.

YESKIAL 38:22

Neukose, Au hukun nenik he'di-laus, ma nado'do-napauk-ka. Neukose Au fe u'daina, ma u'da eis, ha'i ma belerang-nga tu'da la'en no solda'dun-nala, ma la'e leoina makadotok fo, manalook-kana.

YOEL 2:30

Neukose Au tao manada'di beuk ba'uk-ka nai lalai ma daebafak-ka. Neukose hapu nado'do-napauk, ha'i pilak ma ha'imasu bubuak.

YAKOBIS 1:11

Nai lelek le'do a tii, fo haa na la'en soona, ana male fo kono heni buna na tutika mopo lolenapun. Leondiak boe, hataholi kamasu'i-makabete ka; neukose ana sapu-lalo nai lelek fo ana beitao tao no ue le'din.

YOSUA 10:11

Nai lelek hataholi Amori-la bei loe letek ndia, nanahu lalai leme solda'du Israel-la mai boema, Manetualain fe u'da eis matuaina-la tu'da leme lalai mai de tuni-nalas, su'di enok-ka nanalun-na losa Azeka. U'da eis ndia tunenisa hataholi-la, de'u lena hataholi Israel-la taolisak-kala.

1 PETRUS 1:24

Nai Susula Malalaok dale nanasulak nae leo ia, “Basa hataholi daebafa ka lala'ena, sama na leo na'u a, boema lole-napun, sama na leo na'u buna ka. Fo metema na'u a male soona, kono heni buna na;

NINITAK 12:4

Nduuk manai lalai la ba'en neu telu soona, ana lele'a-loloso baba'ek esa ninik iko na fo ana tapas leo daebafa ka mai. Naga ndia napadeik nai inak fo ana sanga bongi ndia mata na fo sue ka nde, metema inak ndia bongi soona, ana ko'do na ana na.

NINITAK 16:2

Boema ata nusa so'da makasososa ka neu de ana po'a nggalaa na isi na leo daebafa ka neu. Boema bisungguma matuaina la ala da'di neu basa hataholi manahapu bana ndia ta'du-tanan, ma neu hataholi fo ana sene-do'ok neu bana ndia lupa ao nanadoki dula na.

NINITAK 16:21

U'da eis bubuaina la, fo bubuak esa soona bela na kilo limahulu, ala tu'da leme lalai mai, de lapaluni la hataholi daebafa kala. Boema ala supa-soo Manetualain nanahu susa-soe u'da eis matuaina ndia.

NINITAK 6:8

Au mete boema, au ita ndala bulu mama'uk esa. Manasa'e nana na'de Mamates. Faka Mamate sa tunga deka-deka non neme dea mai. Koasa soaneu daebafak ia baba'ek esa neme baba'ek ha mai nanafek neu sila, fo ela ala hapu lanisa tunga nata'ti ka, tunga le'dofai la'a-ndoe sa, tunga he'di-lau sa, ma tunga bana makaa kala.

NINITAK 7:1

Basa ndia boema, au ita ata nusa so'dak ha lapadeik lai daebafa ka bu'un has. Ala tahan ani na matan has nai daebafa ka, fo ela boso hapu anin nai dae ma'da ka do nai tasi a, do nai ai la lain boe.

NINITAK 9:15

Ata nusa so'da kahak sila la nanase'i-po'ik. Sila nanasadia hehelik ba'eneu li'u, faik, bulak, ma teuk soaneu taolisa hataholi daebafa ka baba'ek esa neme baba'ek telu mai.

NINITAK 9:18

Ala taolisa hataholi daebafa ka baba'ek esa neme baba'ek telu, hu ka nde susa soe kateluk sila la fo nde: ha'i, ha'imasuk, ma belerang fo manakalua neme ndala sila la bafa na mai.

NINITAK 9:4

Ala ka'is fo boso tao lalutu na'u do ai la do bubu'u palusa fe'e kala. Sila ka'da bole leu sapu la hataholi fo nai dedei na ta hapu ta'du-tana segel neme Manetualain mai.