Mahani Manetualain no dalek fo manatesa-tamak-ka, mahani no, boso haelai mamanasa, losa Ana tao hata esa. O dalem-ma boso ba'ihana, soaneu hataholi fo ana hapu dai nai so'dan-na dalek, do hataholi manake'di-ndiuk-ka.
Basa boema au ita susula nanalunuk esa nai Ndia fo nangatuuk nai kandela manek ndia lima na. Susulak ndia henuk no susula liik nai boboan duas ma nananakadiditak ninik segel hitu.
Lakamee nakamee beuk esa nae: “O mandaa ho'i susulak ndia fo siiheni segen nala. Nana O nanataonisak so, ma no O mamate ma de, hataholi daebafa ka neme basa leoanak lala'ena, dede'a kala, nusaina la ma leoina lala'ena, O asa basan soaneu Manetualain so.
Basa ndia boema, au ita Bi'ilopo Ana ndia siiba'e segel makasososak fo manai segel kahituk sila la. Boema au amanene halak esa nai mahahae kahak sila la dalek nae, “Kalua leona!” Halak ndia nggu na sama leo ta'ta sa nata'ta.
Boema au ita Bi'ilopo Ana ndia siiba'e segel kane. Dae maggengo matuaina ana da'di. Le'do da'di nggeok sama leo tema nggeo abasela, ma bula ka da'di pilas sama leo daa ka.
Boema Bi'ilopo Ana ndia siiba'e segel katelu. Boema au amanene mahahae katelu nae, “Kalua leona!” Au mete boema, Au ita ndala nggeok esa. Manasa'e nana, ana ho'u tatais nai liman dale.
Basa ndia boema Bi'ilopo Ana ndia siiba'e segel kalima. Boema au ita nai mei tutunu-hohotu ka dae, hapu samanek fo hataholi manamatek nanataonisak, nanahu ala tao latea-lahele hala heheluk maneme Manetualain mai, tunga sila tutui-bebengan.