NINITAK 7:9 - Susula Malalaok Hehelu Palak Ma Hehelu Beuk

⁹ Basa ndia boema au mete seluk, boema au ita hataholi makadotok nanseli. Ta hapu hataholi esa boen hapu leke na dede'u nala fa. Hataholi sila la nde bee na leme basa leoina mata-mata kala, leoanak, nusaina, ma dede'a-dede'a kala mai. No ala pake ba'du manalu fulak ma ho'u ai palem ndanak nai lima nala, hataholi makadotok sila la lapadeik lasasale matak lo kandela mane ka ma lasasale matak lo Bi'ilopo Ana ndia.

NINITAK 7:9 Iomraidhean Croise

KEJADIAN 13:16

Neukose, Au fe o tititi-nonosik makadotok nanseli, nalosa ta hapu hataholi esa boen, hapu leke-nala fas. Sama leo hataholi-a, ta hapu leke-nala daesopuk manai dae-a fa, leondiak boe, o tititi-nonosim, neukose ta hapu leke-nala fas.

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

MAZMUR 2:8

Moke leona, soona Au fe o, basa leoina lala'en-na, ma Au tao daebafak-ka lala'en-na, da'di o nuum.

MAZMUR 22:27

Neukose hataholi nuu-taa hata-taak-ka, na'a losa nakabete; hataholi fo ana mai leo Manetualain mai, neukose ana koa-kion. Sa'di leo been-na, emi tetu-temak losa dodoon-na!

MAZMUR 76:4

Nai naa, Ana tao nakalulutuk basa taka-besi natee-natatik, basa kokou isi mangadilak-kala, babaa fanak ma tafaina.

MAZMUR 77:2

Au aloo bou-bou no hala napane'ek neu Manetualain; au aloo bou-bou no hala napane'ek, de namanene au.

MAZMUR 98:3

Ana nafandele neu susue-lalain, ma lilinekan neu Israel fo, anan-nala. Basa leoina manai daebafak-ka lala'ena, lita basa ita Manetualain-na, sesengin-na so.

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

YEREMIA 3:17

Nai lelek ndia, neukose loke kota Yerusalem-ma soona lae, ‘Manetualain Kandela Manen’, fo basa leoina lala'en-na, neukose lakabubua lai kota ndia, fo ala sene-do'ok neu Au. Neukose, ala ta tunga seluk sila dale hihii-nanau mesan fo nggoa-panganaan, ma mangalauk ndia so'on.

YESKIAL 47:5

Ana uku-na metel natun lima la'i esa seluk, de nai ndia, oen-na deman-na seli, de hataholi manala'o eik ta tunga ndia fa. Metema, hataholi sanga neu leo selik neu soona, muse ana suik.

DANIAL 4:1

Mane Nebukadnezar-ra hala po'a-bengan fo ana haituan neu basa hataholi-la leme leoina-la, leo ma dede'ak manai daebafak-ka lala'en-na nde ia: “So'da-molek!

DANIAL 6:25

Basa boema, manek-ka paleta hataholi, fo leu ho'u hataholi manakalaak Danial-la. Ala mai boema, ala ho'u-lalas de ala tapas loo anan-nala ma saoinan-nala, leo singa lean dale leu. Ala beita losa leak ndia buin-na boen te, singa sila-la kaa lalas, de ala hehengu-la duin-nala beelutu.

HOSEA 1:10

Leoina Israel-la, neukose de'u solokaek manai tasi su'un-na, nalosa ta hapu leke-nala fas. Besak ia, Manetualain nafa'das nae, “Au anang ta emi fa”, tehu neukose fain-na losa soona, nafa'das nae, “Au nde Manetualain fo maso'dak, ma Au anang emi!”

IMAMAT 23:40

Nai fai makasososak-ka, emi muse seu ai boa neulauk-kala neme emi osim dale mai, boeo ketu ai palma doon-nala, ma helu ai manaleloaka-kala ndanan-nala, fo mulai tao feta namahoko-setelek soaneu fe ha'da-holomata neu emi Manetualain.

ZAKHARIA 10:8

Neukose Au aloo Au anang-ngala, Au tao akabubuas da'di esa. Au soi-po'is, ma Au fes lamade'u leo makahulun-na.

ZAKHARIA 2:11

Nai lelek ndia, neukose leoina makadotok, ala mai leo Au mai, fo ala da'di Au anang. Neukose, Ana leo nai emi tala'daheom, ma neukose emi bubuluk, mae Manetualain haitua basa au leo emi neu so.

LUKAS 12:1

Hataholi lifu-lifun lakaseseti ao nalosa nggelok heta la nggelok ei na. Hataholi sila la bei lakamomotu te Yesus nafa'da ana manatunga nala nae, “Manea matalolole neu hataholi Farisi la lalu tei na. Fo Au dudu'a ka nde sila manadea-dale nala.

LUKAS 21:36

Manea mahele ma hule-haladoi tataas esa leon, fo ela emi makatatakak mabe'i nai basa manda'dik fo neukose ala da'di, ma fo ela emi hapu masasale matak mabe'i mo Ana Hataholi ka.”

YOHANIS 12:13

Boema ala ho'i ai palem do de leu solu kana. Ala eki bekao lae, “Koa-kio Manetualain leona! Baba'e-papalak ba'eneu Ndia fo Ana mai no Manetualain na'de na. Baba'e-papalak ba'eneu Mane Israe la!”

ROMA 11:25

Tolano-tolanoo ngala lemin! Au amahena emi boso mafa'da mae, emi malelak basa hata lala'ena so. Nana Manetualain nahiik dede'ak esa, tehu hataholi a beita bubulu kana fa. Hu ndia de, au nau emi bubulu kana; dede'a ka nde ia: Hataholi Yahudi nggelok langa batu, tehu ala ho'u lahele sila ha'da paliin ndia, losa ka'da hataholi ta Yahudi manamaik leo Manetualai na, dede'u nala lamadai.

EFESUS 6:13

Hu ndia de besak ia, pake la'i esak Manetualain tee-tafa musun lala'e na, fo ela neu fai mangalau na, fo musu a nasasale matak no emi soona, emi matati mabe'i. Ma fo ela emi matati basa losa mate'e na te, emi bei mapalani manseli.

IBRANI 11:12

Leomae Abraham nai lelek ndia, sama leo hataholi fo mate ao paa na so, tehu ana hapu tititi-nonosik ba'u ka, fo dede'u na ta hapu leke nala fan, dede'u nala sama leo nduuk manai lalai a, ma solokaek manai tasi su'u na.

IBRANI 12:22

Nasafali na, emi mai leo Pupuku Sio na mai, ma Manetualain kotan fo maso'da ka, fo nde Yerusalem manai nusa so'da ka no ata nusa so'da lifu-lifu nala.

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”

NINITAK 22:3

Nai kota ia dalek, ta hapu hataholi esa boen fo Manetualain supa-soo fan. Manetualain ma Bi'ilopo Ana ndia kandela mane na, nai kota ndia dalek fo ata nala hule-haladoi neun,

NINITAK 3:18

Hu ndia de Au anoli-afa'da emi fo ela asa lilopilas neme Au mai, fo nde lilopila isi ka, fo ela emi da'di kamasu'ik. Boeo asa bua-lo'a fulak neme Au mai, fo ela emi mabua-lo'ak fo babaketu emi ha'da-tatao makaholam ma manini mamae ka. Ma asa aidok boe, fo lose neu emi mata ma fo ela emi hapu mita.

NINITAK 4:4

Nai kandela manek ndia boboa kaisun, hapu kandela mane fe'ek duahulu. Lasi kaduahuluha kala langatuuk lai ndia, fo bua-papake nala fulak, ma ala pake bulamoli lilopilas.

NINITAK 5:11

Basa boema au ita seluk. Au amanene ata nusa so'da lifu-lifuk ma juta-juta hala nala. Lapadeik okofefeo la kandela mane ka, ma mahahae kaha kala, boema lasi-lasik sila la.

NINITAK 5:9

Lakamee nakamee beuk esa nae: “O mandaa ho'i susulak ndia fo siiheni segen nala. Nana O nanataonisak so, ma no O mamate ma de, hataholi daebafa ka neme basa leoanak lala'ena, dede'a kala, nusaina la ma leoina lala'ena, O asa basan soaneu Manetualain so.

NINITAK 6:11

Manetualain fe samanek sila la ba'du manalu fulak, ma nafa'das fo ela latetea-lahehele dale nala, fo ela lahani dodoo seluk bai. Sila muse lahani losa sila nonoo malalau-maoono nala, ma sila tolano-tolanoo nanataonisak sama leo sila, dede'u nala lamadai.

NINITAK 7:8

Zebulon, Yusuf, ma Benyamin.