NINITAK 7:16 - Susula Malalaok Hehelu Palak Ma Hehelu Beuk

¹⁶ Neukose ala ta lame'da lamala'a so'on, do maa ma'da. Le'do, do le'dohaa ka boeo, neukose ta nahoi hataholi sila la so'on.

NINITAK 7:16 Iomraidhean Croise

MAZMUR 121:5

Neukose Manetualain nanea o, de nai o boboam-ma, fo nasulu-nahapa o.

MAZMUR 121:6

Neukose, o ta mamahe'di-mapalau, hu kande le'do mahaak-ka nai fai lele'don-na, do bulak-ka sa'an-na, nai fai le'odaen-na.

MAZMUR 143:6

Au so'uk au limang-nga, fo au hule-haladoi neu O; au samaneng-nga, nahiik nanseli, natongo no O, sama leo dae tuuk-ka.

MAZMUR 42:2

Sama leo nusa nahiik oe lee-a, leondiak boe au samaneng-nga nahiik O, ou Manetualain.

MAZMUR 63:1

Dauk kokoa-kikiok, nai lelek nai moo solokaek Yehuda.

KIDUNG AGUNG 1:6

Boso taoafik neu au lou nggeong-nga, nana au ahoi le'do mahaak. Au ka'ang-ngala lamanasa au, de ladenu au aue-ale'di nai osi angol dale; de au ta hapu loak painote au aoinang-nga fa.

YESAYA 25:4

Nana, O da'di mamana nalaik ba'eneu hataholi tapandoes-sa, mamanak fo, nee-nee lino-linok ba'eneu hataholi nuu taa-hata taak-ka O nde been-na nasulu-nahapak neu ani sangu, nasulu-nahapak neu le'do mahaak-ka. Nanahu hataholi ba'u nasa-la sapu-la sama leo ani sangu nai fai oe faan-na

YESAYA 32:2

Sila esa-esak, sama leo ani-sangu mamana nasulu-nahapan. Sila sama leo lee fo, ana faa nai moo solokaek-ka, sama leo batu matuaina manai dae tuuk-ka, mamana susulun-na.

YESAYA 41:17

Metema, Au leoinang fo, ua-nale poke-pakek ndia sanga oe, ma botolii koko'don-na namatuu, nanahu maa ma'dak-ka, soona Au, fo Manetualain, neukose ataa sila huhule-haladoin; Israel Manetualain-na, neukose Ana ta la'oela anan-nala fa.

YESAYA 49:10

Neukose ala ta maa ma'da, do lamala'a fa, ma neukose, le'do mahaak-ka, ta la'e fas, nai moo solokaek-ka fa. Nana Au, fo manasue-lai sila, neukose hela-noles, ma hela-noles leo oemata-la leu.

YESAYA 65:13

Te'e-te'e, hataholi fo manasene-do'ok neu Au-a, neukose na'a, tehu emi mamala'a. Neukose ala linu, tehu emi maa ma'da. Neukose ala lamahoko-setelee, tehu emi hapu mamaek.

YUNUS 4:8

Le'do tii boema, Manetualain fe ani mato'bik-ka neme dulu mai. Isabai-na Yunus sapala'o, nanahu le'do haan-na la'en, de langan-na nono'ka bai nanahotuk-ka. Boema ketu namahehenan-na, de nahiik mate leona. Nafa'da nae, “Malole lenak au mate, neme au aso'da!”

MATEOS 13:21

Tehu halak ndia ta nahuu-naoka nai dale nala dalek fa, nalosa ana ta hapu nakatatakak nala doo ka fa. Leondiak ala hapu doidosok, susa-soe, ma fefepa-lili'uk, nanahu dede'a-kokolak sila la, tutika ala fali deak leona.

MATEOS 13:6

Tehu neu lelek fo le'do a namatetu, boema nupu nala mulai male, de basa boema lamatuu de mates, nanahu oka nala ta tola dema ka fa.

MATEOS 5:6

Maua-manalek neu hataholi fo nahiik tao-no'i Manetualain hihii-nanaun; nanahu neukose Manetualain fes hata fo lahii kana!

MARKUS 4:17

Tehu halak ndia ta nahuu-naoka nai dale nala dalek fa, de nalosa ta lakatatakak losa doo ka fa. Leondiak ala hapu toto'a-tataak do fefepa-lili'uk nanahu halak ndia, tutika ala fali deak.

MARKUS 4:6

tehu nai lelek fo le'do namatetu boema, nupu nala male, basa boema lamatuu de mates, nanahu oka nala ta tola dema ka fa.

LUKAS 1:53

Hataholi kamala'a-kamandoe kala, Ana tao nakabetes ninik basa malole lala'ena, tou kamasu'i-makabete ka, nanausik no limalouk.

LUKAS 6:21

Maua-manalek neu emi, fo mamala'a besak ia; neukose emi nakabetek! Maua-manalek neu emi, fo emi kii-makaleleu besak ia; neukose emi hika!

YOHANIS 4:14

tehu metema see ninu oe fo Au fe ka soona, neukose ana ta maa ma'da so'on, losa dodoo na. Nanahu Au fe oe ndia, neukose ana da'di oe mata nai aon dale, fo ana faa leo deak mai. Oe ndia nde nini so'da matetu ka, ma manaketu basa ta ka.”

YAKOBIS 1:11

Nai lelek le'do a tii, fo haa na la'en soona, ana male fo kono heni buna na tutika mopo lolenapun. Leondiak boe, hataholi kamasu'i-makabete ka; neukose ana sapu-lalo nai lelek fo ana beitao tao no ue le'din.

NINITAK 21:4

Neukose Ana lose nama'da luoe neme mata nala mai. Neukose ta hapu mamates so'on. Dale he'dik, kii-makaleleuk, do he'di-laus boeo neukose ta hapu so'on. Dede'a palaa kala mopos so.”