NINITAK 7:1 - Susula Malalaok Hehelu Palak Ma Hehelu Beuk

¹ Basa ndia boema, au ita ata nusa so'dak ha lapadeik lai daebafa ka bu'un has. Ala tahan ani na matan has nai daebafa ka, fo ela boso hapu anin nai dae ma'da ka do nai tasi a, do nai ai la lain boe.

NINITAK 7:1 Iomraidhean Croise

YESAYA 11:12

Neukose Manetualain nasa'e dedeo esa, soaneu leoina-la. Ta'du-tanan nde ndia, foo nae Ana tao nakabubua falik leoina Israel ma Yehuda, fo manatapasasalak lai daebafak-ka bu'un lala'en-na, fo no falik-kasa.

YESAYA 27:3

Au, fo Manetualain nde manamanean-na; tunga faik, Au tee-tee-totolin, Au anean lele'do le'odaen, fo ela boso hapu hataholi neu adu-dodokin.

YESAYA 27:8

Manetualain huku anan-nala nenik Ana tapas leo nusa dea leu. Ana usihenis nenik ani mangalauk-ka, neme dulu mai.

YEREMIA 49:36

Neukose Au fuu anin-na leo Elam neme basa mamanak lala'en-na, ma Au fe laun-nala leu leo mamana fe'ek fo ta hapu nusak esa boen soaneu mamanak malaik neme Elam ndia.

YESKIAL 37:9

Boema Manetualain nafa'da au nae, “Hai hataholi daebafak fo, manasapu-manalalok-konei, kokolak moo anin-na. Mafa'da mae Au, Manetualain Fo Mademaina, nafa'da neun, fo ela ana mai neme bu'u-bu'uk lala'en-na mai, fo ana fuu ani hahaek leo aopaa manamatek sila-la dalek neu, fo daenga ala laso'da falik.”

YESKIAL 7:2

“Hai, hataholi daebafak fo, manasapu-lalok-konei, Au, Manetualain Fo Mademaina, sanga afa'da dede'ak-ka nde ia la'e dae Israel-la: Tutuik ia nde been-na, tutuik la'eneu nusak ia, mate'en-na!”

DANIAL 11:4

Tehu losa fai matua-mademan mate'en-na soona, neukose nusan-na heaba'en fo nanababa'ek da'di baba'ek 4. Mane-manek fo ndia tititi-nonosin ta sila fa, neukose ala paleta nggatin, tehu be'i-balakain-nala ta sama no fan.

DANIAL 8:8

Bi'ihii mane ndia boetai namatuak-ka. Tehu lelek ana losa koasan-na mate'en-na boema, la'di heni susula matuainan ndia, boema susulak mata beuk 4, ala moli nai mamanak ndia, de esa-esak natu'du leo mamana fe'ek neu.

YUNUS 1:4

Yunus kona leo ofak-ka teioen dale neu, de nangape'uk neu ndia, boema ana sungu namanee. Basa boema, Manetualain fe ani-sangu da'di nai tasi lai, boema lii matuaina da'dileona, de ana fepa ofak ndia, nalosa isabai-na ofak-ka nakalulutuk. Basa ofa isi-la bii lanseli, de ala nggasi loke tutulu-fafalik neme sila esa-esak lamatua daebafan-na mai. Fo sue kande ofak-ka boso hala, de ala tu'u heni ofak ndia bua-lo'an leo tasi dale neu.

ZAKHARIA 6:1

Au hapu ninita fe'ek. Oek ia, au ita kaleta natee-natatik 4, ala kalua leme lete liti 2 tala'da mai.

ZAKHARIA 6:5

Nataa nae, “Metema, lasasalematak basa loo Manetualain fo manamakadada'dik lalai maloa soona, leu leo bu'u 4 leu.

MATEOS 24:31

Pupuu matua ina nanapuuk soona neukose Ana Hataholi ka nadenu ata nusa so'da nala tao lakabubua hataholi kamahehele nala leme daebafa ka bu'un has mai, ma leme lalai pe'dan esa losa pe'dan esa.”

MARKUS 13:27

Neukose nadenu ata nusa so'da kala fo ala tao lakabubua hataholi kamahehele nala leme daebafa ka bu'un has mai, ma leme daebafa ka pe'da na leo lalai pe'da na.”

NINITAK 20:8

fo neu ke'dindiu leoina manatapasasalak nai basa daebafa ka lala'ena, fo nde Gog ma Magog. Nitu tao nakabubuas fo latee-latati. Sila dede'u nala de'u solokaek manai tasi su'u na.

NINITAK 6:6

Ma au amanene hata esa nenenen sama leo hala ka nalo bou-bou neme mahahae kahak sila la tala'da mai. Halak ndia nae “Gandum malole litel esa beli na ba'u ngga'di faik esa, ma gandum matafe'ek litel telu, beli na ba'u ngga'di faik esa boe. Tehu boso tao malutu ai zetun nala ma osi ango la!”

NINITAK 7:3

Ata nusa so'dak ndia nae, “Boso tao malutu dae ma'da ka do tasi a, do ai la dei, metema ami beita fe ta'du-tana segel neu ita Aman Manetualain ata nala dedei nala fa.”

NINITAK 8:7

Ata nusa so'da makasososa ka ana puu pupuu na boema, u'da eis ma ha'i sese'dok no daak, ala tu'da lakamiu leo daebafa ka mai. Boema ha'i na'a naputu daebafa ka baba'ek esa neme baba'ek telu. Leondiak boe ai la ma na'u manamomo'do kala ha'i na'a naputu baba'ek esa neme baba'ek telu.

NINITAK 9:14

Halak ndia nafa'da ata nusa so'da kane ndia nae, “Se'i-po'i ata nusa so'da kahak fo nanapa'ak nai Lee Efrat ndia leona!”

NINITAK 9:4

Ala ka'is fo boso tao lalutu na'u do ai la do bubu'u palusa fe'e kala. Sila ka'da bole leu sapu la hataholi fo nai dedei na ta hapu ta'du-tana segel neme Manetualain mai.