NINITAK 6:11 - Susula Malalaok Hehelu Palak Ma Hehelu Beuk

¹¹ Manetualain fe samanek sila la ba'du manalu fulak, ma nafa'das fo ela latetea-lahehele dale nala, fo ela lahani dodoo seluk bai. Sila muse lahani losa sila nonoo malalau-maoono nala, ma sila tolano-tolanoo nanataonisak sama leo sila, dede'u nala lamadai.

NINITAK 6:11 Iomraidhean Croise

DANIAL 12:13

O Danial, lilineka mahele losa mate'en-na. Neukose mate o, tehu neukose o maso'da falik soaneu sipo o ngga'dim-ma nai tepo-lelek mate'ek-ka.”

MATEOS 10:21

Neukose losa fai na te, hataholi a fe tolanoo na leo hataholi fe'ek neu fo ala tao lisan, Ma dede'ak ndia boeo, neukose ana da'di neu ama ka no ana ka. Ana kala, ala la'ban ina-ama nala, Ala fe ina-aman leo hataholi fe'ek leu fo, ala tao lisas.

LUKAS 15:22

Tehu aman nalo malalau-maoono nala de nafa'das nae, ‘Lai-lai meu ho'i bua papake neulauk fo fen pake. Boema o'du ndeli neu lima ku'u na, ma fen pake sapatu neu ei na.

YOHANIS 16:2

Neukose ala usiheni emi neme uma mamaso kala dalek mai. Boema losa fai na te, hataholi mana taonisa emi a, neukose naedaenga ndia tao malole soaneu Manetualain nde ndia so.

HATAHOLI 20:24

Tehu au ta afaduli au so'dang ia fa, sa'di au tao akababasak bela-ba'uk fo Lamatuak Yesus fen neu au a, ma sa'di au lilineka losa au so'da mate'e nga, fo daenga au tui-benga Hala Malole la'eneu Manetualain susue-lalai na.

2 TESALONIKA 1:7

Boema ba'eneu emi fo mana doidosok besak ia la ma ami boe neukose Manetualain tao namalola ita basa tala dale nala, nai faik fo Lamatuak Yesus no ata nusa so'dan mana koasa nala, leme nusa so'da ka mai, fo latu'du ao nala,

2 TIMOTIUS 4:7

Au tunga nakasusu'dik lala'ena no malole de, au losa dae dudui mate'e ka so. Ma au lilineka ahele Kristus losa mate'e na.

IBRANI 11:40

nanahu Manetualain nanuu dale tutu'uk fo malole na lena soaneu ita. Dale tutu'u na nde nae, ka'da sama-sama no ita, neukose sila latetu-landaa.

IBRANI 12:23

Emi tunga natotongok esa, fo henuk no hika-setelee ka, fo nde natotongo Manetualain ana ulu nala, fo na'de nala nanasulak nai nusa so'da ka dalek. Emi mai masasale matak mo Manetualain, fo mana Maketu-Mala'di basa hataholi daebafa ka lala'ena. Emi masasale matak mo hataholi kamahehele kala dula dale nala, fo ala da'di matetu-mandaak so.

IBRANI 4:10

Nanahu hataholi fo ana masok leo mamana hahae aok, fo Manetualain helu neun ndia soona, neukose ana hahae ao na, neme basa tatao-nono'in lala'ena mai, sama na leo Manetualain boe.

NINITAK 10:6

Ana soo-supa ninik Manetualain fo maso'dak losa dodoo na, ma mana makadada'dik lalai a, daebafa ka, ma tasi no basa hata lala'en fo manai dale ka. Ata nusa so'dak ndia nae, “Fai na neukose ta nakadodoo kana so'on!”

NINITAK 13:15

Manetualain fe bana kadua tao naso'da bana makasososa ka lupa ao nanadoki dula na, nalosa lupa aok nanadoki dulak ndia kokolak nalelak de nadenu fo tao lisa hataholi fo ana ta nau sene-do'o kana.

NINITAK 14:13

Boema au amanene hala ka neme nusa so'da ka mai nae, “Sulak-ma ia leona: Mulai besak ia, maua-manalek neu hataholi fo ana mate te bei nalalau-naoono Lamatua ka!” Manetualain Dula Dale na nataa nae, “Tete'e ka! Neukose ala hahae ue-le'di puselaipana ka, nana sila lau-onon buna boan no naheles tatas esa.”

NINITAK 17:6

Boema au ita inak ndia mafuk hu ka nde Manetualain hataholi kamahehele nala daa na, hataholi fo nanataonisak nanahu ala lilineka neu Yesus. Lelek au ita inak ndia boema au bafang poo-poo.

NINITAK 7:14

Au ataa ae, “Au ta bubuluk fa Tuan, Tuan mesa kana nde bubulu ka.” Boema nafa'da au nae, “Hataholi sila la nde hataholi fo no so'da-molek ala la'ok seli le'dofai fefepa lili'u matuaina so. Ala safe basa ba'du manalu nala ma ala tao las da'di fulak ninik Bi'ilopo Ana ndia daa na.

NINITAK 7:9

Basa ndia boema au mete seluk, boema au ita hataholi makadotok nanseli. Ta hapu hataholi esa boen hapu leke na dede'u nala fa. Hataholi sila la nde bee na leme basa leoina mata-mata kala, leoanak, nusaina, ma dede'a-dede'a kala mai. No ala pake ba'du manalu fulak ma ho'u ai palem ndanak nai lima nala, hataholi makadotok sila la lapadeik lasasale matak lo kandela mane ka ma lasasale matak lo Bi'ilopo Ana ndia.