NINITAK 5:9 - Susula Malalaok Hehelu Palak Ma Hehelu Beuk

⁹ Lakamee nakamee beuk esa nae: “O mandaa ho'i susulak ndia fo siiheni segen nala. Nana O nanataonisak so, ma no O mamate ma de, hataholi daebafa ka neme basa leoanak lala'ena, dede'a kala, nusaina la ma leoina lala'ena, O asa basan soaneu Manetualain so.

NINITAK 5:9 Iomraidhean Croise

MAZMUR 144:9

Ou Manetualain, neukose au akamee nakamee beuk ba'eneu O, ma au akaminak kecapi no nakameek.

MAZMUR 149:1

Koa-kio Manetualain leona! Makamee nakamee beuk ba'eneu Manetualain, koa-kion nai anan-nala, nakabubuan dale!

MAZMUR 33:3

Makamee nakamee beuk, ba'eneu Manetualain, makaminak kacapi matalolole, ma eki no namahokok!

MAZMUR 40:3

Ana hela-na au neme bolok soe-a dalek ma neme tane manai puuk dale-a mai. Ana nangatutuuk au neu, pupuku batu lain, nalosa au ei ngganggani-nga matetuk.

MAZMUR 96:1

Makamee nakamee beuk ba'eneu Manetualain leona! Makamee ba'eneu Manetualain leona, hai basa daebafak-ka lala'ena lemin!

MAZMUR 98:1

Kokoa-kikiok. Makamee nakamee beuk ba'eneu Manetualain, nanahu tatao-nono'i matua-mademan! No koasa ma be'i-balakain mesak-kana, de Ana hapu sesengik so.

YESAYA 42:10

Makamee nakamee beuk, ba'eneu Manetualain, hai basa daebafak-ka lala'en-na lemin, koa-kion leona! Hai tasi, mangguu leon ma basa oe-isin, nusak manai dook-kala, ma basa laun-nala!

DANIAL 3:4

solda'du manamanea manek-ka naloo bou-bou napane'e nae, “Tolano-tolanook fo maneme basa leoina, leo ma dede'ak lala'en-na lemin! Mamanene manek-ka paletan-na nde ia nae:

DANIAL 4:1

Mane Nebukadnezar-ra hala po'a-bengan fo ana haituan neu basa hataholi-la leme leoina-la, leo ma dede'ak manai daebafak-ka lala'en-na nde ia: “So'da-molek!

DANIAL 5:19

No matua-mademan ndia, nalosa hataholi-la leme basa leoina, leo ma basa dede'ak lala'en-na dele ma ala biin. Metema nahiik taonisa hataholi, soona, ka'da ana taonisa hataholi ndia. Metema ana nau fe so'dak neu hataholi esa soona, ana fe so'dak neu hataholi ndia. Ana so'u namadema do nakadadaek su'di see tunga hihii-nanaun.

DANIAL 6:25

Basa boema, manek-ka paleta hataholi, fo leu ho'u hataholi manakalaak Danial-la. Ala mai boema, ala ho'u-lalas de ala tapas loo anan-nala ma saoinan-nala, leo singa lean dale leu. Ala beita losa leak ndia buin-na boen te, singa sila-la kaa lalas, de ala hehengu-la duin-nala beelutu.

MATEOS 20:28

Sama na leo Ana Hataholik ndia boe. Ana mai fo ta soaneu hataholi la lalalau-laoono fan, te Ana mai soaneu nalalau-naoono ma Ana fe heni so'da na, soaneu Ana soi-po'i hataholi ba'u ka.”

MATEOS 26:28

Nana Au daang ia daak hehelu-balataak, daak fo nanapo'a henik soaneu fe do'o do ampon neu hataholi ba'u sala-singon.

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

1 KORINTUS 6:20

Manetualain asa na emi de Ana bae ketun so. Hu ndia de, pake matalolole emi ao paa ma fo ela Manetualain nanakoa-kiok.

1 KORINTUS 7:23

Manetualain asa na emi de Ana bae ketun so. Hu ndia de, emi boso fe aoina ma soaneu da'di hataholi daebafa ka atan bai.

EFESUS 1:7

Nana, hu ka nde Kristus mamate na de, Manetualain se'i po'i ita, fo dede'ak ndia sosoa na nae, Ana fe do'o do ampon neu ita sala-singon so.

EFESUS 5:19

Pake dede'a-kokolak neme mazmu ra mai, nakamee kokoa-kikiok, ma nakamee salanik nai emi hala-kokola ma dalek. Ela leo bee na, no dale namahokok, emi makamee kokoa-kikiok neu Lamatua ka.

KOLOSE 1:14

Nanahu Anan ndia nde soi-tefa nala ita, boema Ana fe do'o do ampon neu ita sala-singo nala so.

KOLOSE 1:23

Tehu tao leo bee o emi muse lilineka mahele ma mapadeik mahele nai emi namahehele ma dalek. Boso nalosak emi po'i heni namahehenak fo nanafe basak neu emi, nai lelek emi sipok Hala Malole maneme Manetualai na mai a. Hala Mole ndia nanatui benga basak neu hataholi manai daebafa ka lala'ena. Ma hu no enok ndia de au Paulus, dadi malalau naoono boe.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

IBRANI 11:14

Hataholi fo nafa'da nae leondia, natu'du no mangale'dok nae, sila bei sanga nusak fo neukose ana da'di sila dae oen.

2 PETRUS 2:1

Makahulu na, hapu nabi masapepeko kala, ala mai leo Manetualain hataholi kamahehele nala dalek mai. Leondiak boe, neukose mese pepeko kala, ala mai leo emi tala'da mai boe. Mesen sila la, lanoli nanoli masalak, fo nini ka'da momopo-mamates fe hataholi a. Ma neukose lalelesi Mana Koasa fo mana soi-po'i sila. No enok ndia, sila nde lini momopo-mamates fe sila ao ina na, fo ta doo anak so'on te, ana tuni nalas so.

1 YOHANIS 1:7

Tehu metema ita taso'da nai mangale'do ka dalek, sama leo Manetualain nai mangale'do ka dalek, soona ita taso'da nai nakabua-nakaesa ka dalek, boema ita esa mole-dame no esa, soona Manetualain Anan fo Yesus daa na, ana safe nalalao ita teme ita sala-singo nala mai.

1 YOHANIS 2:2

No Yesus Kristus tunu-hotu ao ina na, de ita sala-singon hapu do'o do ampon. Tehu ta ka'da ita mesa tala sala-singon hapu do'o do ampon fa te, basa hataholi daebafa ka sala-singon boeo, hapu do'o do ampon.

NINITAK 10:11

Basa boema ala paleta au lae, “Tui-benga la'iesa seluk Manetualain halan la'eneu leoina la, nusaina la, dede'a kala, ma mane-mane kala.”

NINITAK 11:9

Hataholi la leme basa nusaina, leoanak, ma dede'ak, ma leoina la neukose ala mai mete popola nala faik telu seselik, ma ala ta po'i latoi popolak sila la fa.

NINITAK 13:7

Ala fen loak fo laban Manetualain hataholi kamahehele nala boe, boema ana sengis. Ma ala fen koasa basa leoana kala, nusaina la, dede'a kala, ma leoina la.

NINITAK 13:8

Basa hataholi manaleo nai daebafak ia poi na, neukose ala sene do'ok bana ndia, ta'da fe'e hataholi fo nanuu so'da matetu ka ma hataholi fo na'de na Manetualain sula kana nai buku esa dalek te daebafa ka beita nananakadada'dik fa. Bi'ilopo Ana fo hataholi la do'dolisa nana, susulan ndia.

NINITAK 14:6

Boema au ita ata nusa so'da fe'ek esa ana laa dema na seli nai lalai. Ata nusa so'dak ndia nini halak la'eneu Hala Malole fo matea-mahelek soaneu nanananduku-nalosa kana neu hataholi manai daebafa ka, fo nde neu basa leoina, leoanak, dede'ak, ma nusaina la.

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!

NINITAK 17:15

Ata nusa so'dak ndia boeo nafa'da nae, “Oe fo o mitak ndia nde bee na mamanak fo manasosoa piaok ndia nangatuuk, fo nde leoina la, lau nala, nusaina la, ma dede'a kala.

NINITAK 4:11

“Ou, Lamatuak, ou ami Manetualaim! Ka'da O nde mandaa sipo kokoa-kikiok, ha'da-holomata, ma koasa. Nana O nde makadada'dik basa hata lala'ena, ma no O hihii-nanaum boe de basa hata lala'en sila la, ala da'di ma laso'da so.”

NINITAK 5:12

Ma lakamee lapane'e lae, “Bi'ilopo Ana fo nanado'do basak ndia, nandaa sipo koasa, su'i-betes, manatee tenok ma be'ibalakaik; Ndia nandaa nanafe ha'da-holomata, nananan matutua-namadedemak ma nanakoa-kiok!”

NINITAK 5:6

Basa boema au ita Bi'ilopo Ana esa napadeik nai kandela manek ndia tala'daheon, ma mahahae kaha kala ma lasi-lasik sila la okofefeo lan. Bi'ilopo Ana ndia meten soona sama leo nanado'do basa ka so. Susulan hitu ma matan hitu: fo nde Manetualain Dula Dale kahitun fo nadenus leu leo basa daebafa ka ala'ena.