NINITAK 5:8 - Susula Malalaok Hehelu Palak Ma Hehelu Beuk

⁸ Bi'ilopo Ana ndia beitao leondiak te, mahahae kaha kala ma lasi-lasik kaduahulu hak sila la, bala leu mata na. Sila esa soona, ana ho'u sasanu ma mango lilopilas fo isi na boominik, fo nde Manetualain hataholi kamahehele nala huhule-haladoin.

NINITAK 5:8 Iomraidhean Croise

MAZMUR 141:2

Sipo-ma, au huhule-haladoing, da'di leo tunu-hotu boominik, ma au limang fo, nanaso'uk-ka, da'di leo tutunu-hohotu le'odaek.

MAZMUR 150:3

Koa-kion nenik trompet-ta, liin-na, koa-kion nenik gambus ma kecapi!

MAZMUR 33:2

Moke makasi neu Manetualain nenik kacapi, makamee ba'eneun, nenik sasanu liik.

MAZMUR 43:4

Soona neukose au u leo Manetualain mei tunu-hotun u, fo au asale leo Manetualain fo au oemata tetu-temang-nga. Neukose au akamee ma au akaminak kecapi, soaneu koa-kio O, ou Manetualain, fo au Manetualaing-nga.

MAZMUR 81:2

Makamee nakamee kokoa-kikiok ba'eneu Manetualain, fo ita be'i-balakain, eeki no namahoko-seteleek ba'eneu Yakob Manetualain.

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

YOHANIS 5:23

Ama ka tao leondiak, fo ela basa hataholi la fe ha'da-holomata neu Ana ka, sama leo ala fe ha'da-holomata neu Ama ka. See ta fe ha'da-holomata neu Ana ka fa soona, ana ta fe ha'da-holomata neu Amak fo manamadenu Ana ka.

IBRANI 1:6

Tehu nai lelek fo Manetualain nadenu Ana ulu na leo daebafak ia mai a, Manetualain nafa'dan nae leo ia, “Basa Manetualain ata nusa so'da nala, muse sene-do'ok neu Anak ndia.”

NINITAK 13:8

Basa hataholi manaleo nai daebafak ia poi na, neukose ala sene do'ok bana ndia, ta'da fe'e hataholi fo nanuu so'da matetu ka ma hataholi fo na'de na Manetualain sula kana nai buku esa dalek te daebafa ka beita nananakadada'dik fa. Bi'ilopo Ana fo hataholi la do'dolisa nana, susulan ndia.

NINITAK 15:2

Basa ndia boema, au ita hata esa meten soona, sama leo tasi titinok nanasese'dok ha'i. Boeo au ita hataholi fo manasengi bana ma lupa ao nanadoki dula nanasene-do'o ka, ma manasengi hataholi fo ala ta'du-tana na'de nala ninik bana ndia na'de na. Hataholi manasengik sila la lapadeik lai tasi titino ka su'u na, ma ala ho'u Manetualain fes kacapi la.

NINITAK 15:7

Basa boema, mahahae ka ha kala sila la, esa fe ata nusa so'da kahituk sila la nggala lilopilas hitu, henuk no Manetualain nasa-melun, – Manetualain fo maso'dak losa dodoo na.

NINITAK 19:4

Boema lasi-lasi kaduahuluha kala, ma mahahae kahak fo manaokofeo la kandela manek ndia, ala bala leu de ala sene-do'ok neu Manetualain fo nangatuuk nai kandela manek ndia lai na. Lafa'da lae, “Amin! Koa-kio Manetualain leona!”

NINITAK 4:10

mauli-malanga kaduahulu hak sila la bala leu Ndia fo nangatuuk nai kandela manek ndia lain mata na, boema ala sene-do'ok neu Ndia fo naso'da losa dodoo na. Basa boema ala tapa sila bulamoli nala neu kandela manek ndia mata na ma lae,

NINITAK 4:4

Nai kandela manek ndia boboa kaisun, hapu kandela mane fe'ek duahulu. Lasi kaduahuluha kala langatuuk lai ndia, fo bua-papake nala fulak, ma ala pake bulamoli lilopilas.

NINITAK 4:6

Nai kandela manek ndia mata na boeo, hapu hata esa meten soona, nono'ka bai de sama leo tasi titino ka, neuanak sama leo titino ka. Nai kandela mane ka boboa kaisun, fo nai boboan esa soona, hapu mahahaek ha. Mahahaek sila la dea-uluk henuk no matak.

NINITAK 4:8

Mahahae kahak sila la esa soona, li'dan ne, boema nai boboa-kaisun ma nai dalek henuk no matak. Lele'do-le'odaen mahahaek sila la ta hahae lakamee lae, “Malalaok, malalaok, Manetualain malalaok, Manetualain Mana Koasa; fo nai ia, nai ia so, ma nai ia losa doo na.”

NINITAK 5:11

Basa boema au ita seluk. Au amanene ata nusa so'da lifu-lifuk ma juta-juta hala nala. Lapadeik okofefeo la kandela mane ka, ma mahahae kaha kala, boema lasi-lasik sila la.

NINITAK 5:12

Ma lakamee lapane'e lae, “Bi'ilopo Ana fo nanado'do basak ndia, nandaa sipo koasa, su'i-betes, manatee tenok ma be'ibalakaik; Ndia nandaa nanafe ha'da-holomata, nananan matutua-namadedemak ma nanakoa-kiok!”

NINITAK 5:14

Boema mahahae kahak sila la lataa lae, “Amin!” Ma lasi-lasik sila la bala leu ma ala sene-do'ok.

NINITAK 5:6

Basa boema au ita Bi'ilopo Ana esa napadeik nai kandela manek ndia tala'daheon, ma mahahae kaha kala ma lasi-lasik sila la okofefeo lan. Bi'ilopo Ana ndia meten soona sama leo nanado'do basa ka so. Susulan hitu ma matan hitu: fo nde Manetualain Dula Dale kahitun fo nadenus leu leo basa daebafa ka ala'ena.

NINITAK 6:1

Basa ndia boema, au ita Bi'ilopo Ana ndia siiba'e segel makasososak fo manai segel kahituk sila la. Boema au amanene halak esa nai mahahae kahak sila la dalek nae, “Kalua leona!” Halak ndia nggu na sama leo ta'ta sa nata'ta.