NINITAK 3:3 - Susula Malalaok Hehelu Palak Ma Hehelu Beuk

³ Da'di, mafandendelek fo fali leo hata fo makahulu na nananoli basak neu emi ma hata fo emi mamanene basan so. Makalala'ok basa sila la ma tukaitei-saledale neme emi sala-singo mala mai. Metema emi ta fo'a fa soona, neukose Au mai fo Au huku emi. Neukose Au mai sama leo nakodaa, nalosa neukose emi ta bubuluk faihi'da fai na fo Au mai fa.

NINITAK 3:3 Iomraidhean Croise

YESKIAL 20:43

Nai naa, neukose emi mafandele-ma, basa emi tatao-nono'i nanamaluam fo, manatao nanggenggeo emi aoinam-ma so. Soona neukose, emi malua seluk emi aoinam-ma, nai lelek emi mafandele-ma basa emi tatao-nono'im sila-la.

YESKIAL 36:31

Neukose emi mafandele-ma, emi ha'da-tatao mangalaum-ma, ma emi tatao-nono'im fo ta kandaak ndia fa, boema emi da'di malua seluk emi aoinam-ma, nanahu emi sala-singom-mala, ma emi tatao-nono'i ta kandaam ndia.

MATEOS 25:13

Boema Yesus kokolak nate'e nakandandaak ndia nae leo ia, “Hu ndia de manea leona, nanahu emi ta bubuluk fai na do li'u na fa.”

MARKUS 13:33

Hu ndia de emi muse manea ma masanene'dak, nana emi ta bubuluk neu faik bee fo, faik ndia losa fa.

MARKUS 13:36

Metema uma lamatuak ndia ana mai no kaiboik soona, boso nalosak ana hapu na emi bei sungu.

1 TESALONIKA 5:2

Nana emi bubuluk basan no mangale'dok, Lamatua ka fai mamain ndia, sama na leo nakodaa ana mai nai fai le'odae na.

1 TIMOTIUS 6:20

Timotius ei! Manea matalolole, hata fo ala fen neu o a. Madook ao ma neme dede'a-kokola sosoa-ndandaa ta kala mai, ma hahae male'a dede'ak fo lafa'da sala-sala lo sosoa-ndandaan fo nde “Malela ka”.

2 TIMOTIUS 1:13

Tunga te'e-te'e neu nanoli ndoos fo, au fe basan neu o so. Ma ela leo bee na, o ho'u mahehele namahehelek ma susue-lalaik fo, ana da'di ita nuun, nana ita da'di esa to Kristus Yesus so.

IBRANI 2:1

Hu ndia de, ita muse ho'u tahele nanolik fo ita tamanene basa kala, fo ela ita boso la'oela ita namahehele na.

2 PETRUS 1:13

Nai lelek fo au bei aso'da, au ame'dan, au muse fe emi nasanene'dak la'eneu dede'ak sila la.

2 PETRUS 3:1

Tolano-tolanoo susue-lalai ngala lemin! Susulak ia nde bee soona, au susula kaduang fo au fe neu emi a. Nai au susula kaduang ia dalek, au tao atetea-ahehele emi dale ma, fo ela emi hapu dudu'a-aafi matetu-mandaa ka.

2 PETRUS 3:10

Tehu Lamatua ka Fai mamai na, neukose ana losa, sama leo nako ka. Nai faik ndia te, neukose lalai a mopo kana, no manggulu matua ina, ana da'di nai lalai, ma basa hata manai lalai a, neukose putu la'i esa kasa, boema daebafa ka no basa oe isin lala'e na, neukose mopo la'i esa kasa.

NINITAK 16:15

“Mamanene leona! Te Au mai sama leo nako'ka. Maua-manalek neu hataholi fo naheheleaon nahele, ma nanea bua-papake na, nalosa ana ta la'ok no makaholak fo ana mae nai lea matan!”

NINITAK 2:25

Tehu mahani te losa faik fo Au mai, ela leo bee na emi tunga mahele hata fo emi manuu basan so.

NINITAK 2:5

Hu ndia de, mafandendelek leona te, emi tu'da meu nai doo ka so! Tukatei-saledale meme emi sala-singo mala ma tao-no'i hata fo makahulu na emi tao-no'in nana. Metema ta soona, neukose Au ne'i fo Au fe'aheni emi banu eim sila la neme mamana nala mai.

NINITAK 22:7

Yesus nae, “Taoafik neu dede'ak ia leona! Neukose Au mai no lai-laik. Maua-manalek neu hataholi fo ana tao tunga dede'a-kokola nafa'da elak nai susulak ia dalek!”

NINITAK 3:11

Au mai no lai-laik! Manea matalolole hata fo emi manuun, fo ela ta hapu hataholi esa boen loso na emi buapalse sesengim ndia.

NINITAK 3:19

Hataholi fo Au sue-lai kala, sila nde Au ka'is ma Au filu kasa. Hu ndia de ela leo bee na, emi manggate ma tukatei-saledale neme emi sala-singo mala mai.

NINITAK 3:2

Nanahu au mete emi so'dam fo da'dileo hataholi Salani ka, beita natetu no hata fo Manetualain nahii kana. Da'di fo'a leon meme emi susungu samanem ndia mai, fo tao matea-mahele ha'da tataok ma so'da Salani ka eno dalan fo emi bei manuu fan bei dai basa sila la te'e-te'e beita sapu-lalo fa.