NINITAK 3:2 - Susula Malalaok Hehelu Palak Ma Hehelu Beuk

² Nanahu au mete emi so'dam fo da'dileo hataholi Salani ka, beita natetu no hata fo Manetualain nahii kana. Da'di fo'a leon meme emi susungu samanem ndia mai, fo tao matea-mahele ha'da tataok ma so'da Salani ka eno dalan fo emi bei manuu fan bei dai basa sila la te'e-te'e beita sapu-lalo fa.

NINITAK 3:2 Iomraidhean Croise

1RAJA-RAJA 11:4

nalosa nai lelek fo nai fai lasin-na, ala hapu fufu'di-oodok lan fo ana sene-do'ok neu lamatua daebafa fe'ek-kala. Dauk, fo Salomo-aman, lilineka neu Amak, fo Manetualain na, tehu Salomo ta sama leo aman fa.

1RAJA-RAJA 15:3

Abiam tao sala-singok sama leo aman. Ana ta lilineka no dalek-katema tua na neu Amak, fo Manetualain na fa, ndia fe'ek no Dauk fo ba'i nelu na.

2TAWARIKH 25:2

Amazia tao hata fo nandaa no Manetualain dalen-na, tehu ana tao no dale bibia-seselik.

AYUB 16:5

Neukose, au atetea-ahehele emi dalem-ma, nenik nadedenuk mata-matak-kala; au dede'a-kokolang, neukose ana fe kokoe-nanasik.

YESAYA 35:3

Matetea-mahehele lima tapandoes-sa, Taom-matea lungulanga manadelek-ka.

YESAYA 56:10

Manetualain nae, “Au leoinang-nga, mauli-malangan-nala nde been-na, hataholi pokek-kala! Ala ta bubuluk hata esa boen. Sila sama leo busa hala tak-ka, fo ta nakaa fa, tehu ka'da ana sungu, fo nalame'i. Ala sungu soona, lamahoko lanseli!

YESAYA 57:12

Tehu Au afa'da neu emi; te emi tatao-nono'i malolem ndia, ta neu isik fa, ma basa emi tatao-nono'i ma lala'en-na, sosoa-ndandaan ta ba'eneu emi.

YESKIAL 34:16

Neukose Au sanga manamopok-kala, neukose Au foo falik manasalak-kala, neukose Au poti-palu manamakahinak-kala, neukose Au puli-amo'do kamahe'dis-sala; tehu neukose Au tao amate-amopo maao-la, ma mabe'i-balakaik-kala, nana Au manafoo fo, tao hata fo malole.

DANIAL 5:27

nanataik, Ama Manek nanatai basak so, de Ama Manek belan-na ta dai fa;

ZAKHARIA 11:16

Nanahu neukose Au paleta manafoo esa, fo nanea Au bi'ilopo bubuang-nga, tehu ana ta taoafik neu bi'ilopo manasalak-ka, boeo ana ta puli-namo'do bi'ilopo bisuk-ka, ma ana ta fe bi'ilopo maso'dak-ka, na'a fa. Te se'kona, ndia nde na'a bi'ilopo maao-a paan-na, ma ana fe'a bana ndia eifangan-nala.

MATEOS 23:5

Ta'ko ala pake kotak bana louk matua ina fo naisi Susula Malalao ka lalane nala, fo ala paken nai dedei nala ma alu nala boema ala tao lamanalu ba'du manalu nala fifiko na!

MATEOS 25:13

Boema Yesus kokolak nate'e nakandandaak ndia nae leo ia, “Hu ndia de manea leona, nanahu emi ta bubuluk fai na do li'u na fa.”

MATEOS 25:7

Boema ana fe'oana kasanahuluk sila la fo'a de lafafa'u banu nala beno'u.

HATAHOLI 18:23

Ana leo faik de'ubee neme ndia boema, ala la'o seluk de neu donge-dama hataholi salanik manai nusa Galatia no Frigia, fo natetea-nahehele hataholi kamahehelek sila la namahehele nala.

ULANGAN 3:28

Fe Yesua natutu'duk. Matetea-mahehele dalen-na, nana neukose ndia nde nauli-nalanga leoina ndia leo Lee Yarden-na selik neu, fo langatuu-la nusak fo o mitan ndia.’

1 PETRUS 4:7

Basa hata lala'e na sanga deka basan ia so, hu ndia de, ela leo bee na emi muse paleta ma ao ina mala ma manea, fo ela emi hapu loak soaneu hule-haladoi.

1 PETRUS 5:8

Ela leo bee na, emi manea ma mahehele ao mala! Nanahu Nitu a nde bee na, emi musu noo ma. Nitu ndia sama leo meo asu a, fo ana la'ok neu mai ma nangao sanga nana'a na.

NINITAK 16:15

“Mamanene leona! Te Au mai sama leo nako'ka. Maua-manalek neu hataholi fo naheheleaon nahele, ma nanea bua-papake na, nalosa ana ta la'ok no makaholak fo ana mae nai lea matan!”

NINITAK 2:4

Tehu hapu hata esa nai emi dalek fo Au akamu-akadaun: Emi ta sue-lai Au so'on sama leo makasososa na.

NINITAK 3:1

“Neu ata nusa so'da salanik manai Sardis-sala, sulakman leoiak: Ia nde hala heheluk neme Ndia fo manaito-ato dula dale kahituk fo mana malalau-maoono Manetualain, ma manaho'u nduu kahituk sila la haitua hala heheluk nae: Au bubuluk emi so'da ma. Hataholi a bole nafa'da nae emi maso'da, tehu tunga ndo na emi manamate kala.

NINITAK 3:3

Da'di, mafandendelek fo fali leo hata fo makahulu na nananoli basak neu emi ma hata fo emi mamanene basan so. Makalala'ok basa sila la ma tukaitei-saledale neme emi sala-singo mala mai. Metema emi ta fo'a fa soona, neukose Au mai fo Au huku emi. Neukose Au mai sama leo nakodaa, nalosa neukose emi ta bubuluk faihi'da fai na fo Au mai fa.