NINITAK 3:17 - Susula Malalaok Hehelu Palak Ma Hehelu Beuk

¹⁷ Emi mafa'da mae, ami kamasu'ik ma basa-basan manadaik. Da'di ami ta kulang hata-hata fa. Tehu emi ta bubuluk fa te, emi maleu-malaak manseli ma emi ha'da-tataom susa nanseli! Emi nuu ta-hata tak, makaholak, ma pokek.

NINITAK 3:17 Iomraidhean Croise

KEJADIAN 3:7

La'a basa ai boak ndia tutika, dudu'a-aafin-nala latahuka, de lame'da, lae sila makaholak-kala. Hu ndia de, ala tututi-tatapa ai kaak-ka doon-na, de ala babaa ketu aon-nala.

KELUARAN 32:35

Boema Manetualain fe soe-a tuni-ndeni-na hataholi sila-la, nanahu lakaseti Harun tao sapi lilopilas nanadoki-dulak ndia.

AMSAL 13:7

Hapu nggelok, ala tao nono'kabai ndia hataholi kamasu'ik, te se'kona, hata-heton ta; tehu hapu nggelok, ala tao nono'kabai ndia hataholi nuu-taa hata-taak, te se'kona, lamasu'i hatu-hatu.

AMSAL 30:9

Nana, metema au amasu'i soona, fafa'kama au afa'da, ae au ta paluu O so'on. Ma metema, au nuu-taa hata-taak soona, fafa'kama au amanako, nalosa au tao anggenggeo O na'dem-ma.”

YESAYA 42:19

See kande, poken-na lena, neme Au atang Israel mai? See kande, paken-na lena, neme Au hataholi nadedenung-ngala mai?

YEREMIA 2:31

Hai hataholi Israel-la lemin, mamanene Au hala-kokolang ia-la. Ade Au da'di hai moo solokaek ba'eneu emi, do sama leo dae fo makahatu kiu-kiuina so do beik? Tehu tao le'e de, emi mafa'da, mae emi nau maso'da no aoloak, ma ta nau fali seluk leo Au mai fa?

HOSEA 12:8

Manetualain nafa'da leoina Israel-la nae, “Emi dalem-ma ta ndoos, sama leo hataholi Kanaan-nala. Emi manadangam-mala nau tipu-dai sila hataholi manaasa lahele nai sila, nenik tatais ta matetuk fa.

ZAKHARIA 11:5

Hataholi manaasak-kala, do'do bi'ilopo sila-la, te ala ta hapu huhukuk fa. Hataholi fo lase'o bi'ilopo sila-la paan-na, lafa'da lae, ‘Koa-kio Manetualain leona! Besak ia, ita boetai tamasu'i!’ Manafoo sila-la, dalen-nala ta tu'da kasian neu sila bi'ilopon-nala fa.

MATEOS 5:3

“Maua-manalek neu hataholi fo name'da nana balakain ta, de namahena neu ka'da Lamatua ka mesa kana; nanahu sila nde da'di Manetualain hataholi kamahehele nala!

MATEOS 9:12

Yesus namanene hataholi sila la natatane na boema nataa nae, “Hataholi so'da-la'da ka ta paluu dotel fa, te ka'da hataholi kamahe'di ka dei.

LUKAS 1:53

Hataholi kamala'a-kamandoe kala, Ana tao nakabetes ninik basa malole lala'ena, tou kamasu'i-makabete ka, nanausik no limalouk.

LUKAS 6:24

Tehu soe neu emi, fo mamasu'i besak ia; nana emi la'ola'di basa maso'da mandailena ka so!

ROMA 11:20

Memak dede'ak ndia la'en Tehu sila nanatapahenik nanahu ta lamhele fa. Boema Manetualain sipok emi nanahu, emi mamahele. Da'di emi boso no dede'ak ndia de emi koao ndaeao; nasafali na emi muse bii mamata'u.

ROMA 11:25

Tolano-tolanoo ngala lemin! Au amahena emi boso mafa'da mae, emi malelak basa hata lala'ena so. Nana Manetualain nahiik dede'ak esa, tehu hataholi a beita bubulu kana fa. Hu ndia de, au nau emi bubulu kana; dede'a ka nde ia: Hataholi Yahudi nggelok langa batu, tehu ala ho'u lahele sila ha'da paliin ndia, losa ka'da hataholi ta Yahudi manamaik leo Manetualai na, dede'u nala lamadai.

ROMA 12:3

Manetualain fe basa baba'e-babatin neu au so. Hu ndia de au anoli-afa'da emi basa-basa mala fo boso mamatutua-mamadedema ao ina ma ba'u lenaheni emi aoina ma baba'u na. Te ela leo been-na, emi mete aoina mala no dale nakaloe-nakadaek; esa-esak mete aoina na tunga be'ibalakaik fo Manetualai fe neun, hu ka nde namahele Yesus.

ROMA 7:24

Naa, au so'da nga leondiak; au tunga Manetualain hoholo-lalanen ninik au dudu'a-aafing, te hu ka nde au ha'da-tatao daebafa nga de, sala-singo ka paleta au. Au susa-soeng ba'una seli! See ka nde soi-tefa na au ao paang fo manini au leo mamate sa neu ia? Au oke makasi neu Manetualain! Nana Ana soi-tefa nala au, tunga Yesus Kristus.

2 PETRUS 1:9

Tehu hataholi fo ana ta nanuu ha'da-tataok sila la fa soona, hataholi ndia dale na ma dudu'a-aafin poken, de nalosa nafandele heni sala-singo makahulu nala, nanatao balisik so.

NINITAK 16:15

“Mamanene leona! Te Au mai sama leo nako'ka. Maua-manalek neu hataholi fo naheheleaon nahele, ma nanea bua-papake na, nalosa ana ta la'ok no makaholak fo ana mae nai lea matan!”

NINITAK 2:9

Au bubuluk basa emi toto'a-tataa mala. Au bubuluk emi nuu ta-hata ta kala, tehu tunga doo na emi kamasu'ik! Au bubuluk kalaak pepekoko kala soaneu emi neme hataholi fo ana manaku aoina hataholi Yahudi, te se'ko na ta. Sila nde bee na Nitu hataholi kamahehelen!

NINITAK 3:16

Tehu emi mato'bi-makasufuk. Ta mato'bik ma ta makasufuk boen. Hu ndia de neukose Au mutaheni emi kalua meme Au bafang dale mai.