NINITAK 3:15 - Susula Malalaok Hehelu Palak Ma Hehelu Beuk

¹⁵ Au bubuluk hata fo emi tao-no'in: Au bubuluk emi ta makasufuk ma ta makato'bik boen. Tunga ndo na emi da'di dede'a kaduak sila la esa!

NINITAK 3:15 Iomraidhean Croise

1RAJA-RAJA 18:21

Boema Elia neu deka no laun sila-la de nafa'das nae, “Emi dalem-ma naba'e nahele losa faihi'da? Metema Amak ndia Manetualain soona, sene-do'ok Manetualain leona! Metema Baal-la ndia Manetualain soona, sene-do'ok Baal-la leona!” Laun mana lakabubua lai ndia, ka'da bedenge.

AMSAL 23:26

Anang-ngonei, taoafik matalolole, ma tunga au so'dang-nga, eno-dalan.

HOSEA 10:2

Hataholi fo dalen-nala ta ndoos sila-la, besak ia ala muse lu'a-lepa sala-singon-nala buna-boan. Neukose Manetualain tao nakalulutuk sila mei tunu-hotun-nala, ma Ana ofe heni sila lutu batu sosongon-nala.

HOSEA 7:8

Manetualain nafa'da nae, “Leoina Israel-la, dalek esa loo leoina manai titia-tatainala, nalosa ala da'di sama leo loti fo namatasa seselik.

MATEOS 10:37

Hataholi mana sue-lai aman do inan lena heni Au, soona hataholi ndia ta nandaa da'di Au ana mana tungang fa. Leondiak boe, ba'eneu hataholi fo ana sue ana toun do ana inan lena heni Au a.

MATEOS 24:12

Neukose tatao-nono'i mangalau ka boetai nakadedelek nalosa hataholi la ta lasue-lalai ao so'on.

MATEOS 6:24

“Ta hapu hataholi esa tao-no'i fe tuan dua la'iesa fa. Nanahu neukose ana sue-lai esa lenaheni esa ka. Boema neukose ana lilineka nahele tuan esa, tehu esa ka soona ta. Leondiak boe, ba'eneu emi. Emi ta hapu tao-no'i soaneu Manetualain, ma soaneu hata-heto daebafa ka fa.

ROMA 12:11

Maue-male'di no manggatek. Boso pela-bale. Maue-male'di soaneu Lamatua ka tunga Manetualain Dula Dale na hehela-nonolen.

1 KORINTUS 16:22

Hataholi fo ana ta sue-lai Lamatua ka, neme na fo nanasoo-supak! Maranata! – Ami Lamatua ma mai leona.

2 KORINTUS 12:20

Au bibii ka'da mahani te nai lelek au ne'i donge-dama emi te, au hapu a emi ta sama leo hata fo au amahena ka, ma emi boeo hapu ma au ta sama leo hata fo mamahena ka. Boso nalosak neukose hapu nggelok lahote, lape'da dalek, dale nala lamahana beloo, paluu ka'da aoina na mesa kana, esa nakamumulu-nakamamaek esa, esa dudungu-papau esa, koao-ndaeaok, ma tao tasibu.

ULANGAN 5:29

So'ba metema sila lanuu dudu'a leondiak nahele! So'ba metema ala fe ha'da holomata tataas esa neu Au, ma ala tunga la'iesak Au paletang-ngala soona, sila ma sila tititi-nonosin laso'da no tetu-temak losa dodoon-na!

FILIPI 1:9

Au huhule-haladoi nga nde ia, soaneu emi: ela leo bee na, emi boetai sue-lai Manetualain, ma emi nonoo hataholi ma, ma emi malela ma tama nakandoo nai dede'a ndo sa, ma dudu'a-aafi manatee teno ka dalek.

2 TESALONIKA 1:3

Tolano-tolanoo ngala lemin! Ami muse moke makasi tataas esa neu Manetualain, hu ka nde emi. Ma memak nandaa ami tao leondiak, nana emi boetai mamahele neu Kristus, ma emi boetai masue-malai ao.

1 PETRUS 1:22

Hu ka nde emi tao tunga Manetualain nanoli nala, de emi tao balisi emi ao ina mala, ma emi sue-lai hataholi fo emi namahehelek esa, no dale ndoos. Hu ndia de, ela leo bee na emi masue-malai ao no dale katema tuak.

NINITAK 2:2

Au bubuluk hata fo emi taon: Emi maue-male'di puselaipana ma emi makatatakak manseli. Au bubuluk emi ta tao dalek neu hataholi mangalau kala fa. Ma emi boeo so'ba basa hataholi fo manaku aoina na hataholi nadedenuk, te se'ko na ta, nana emi bubuluk mae sila masapepeko kala.

NINITAK 2:4

Tehu hapu hata esa nai emi dalek fo Au akamu-akadaun: Emi ta sue-lai Au so'on sama leo makasososa na.

NINITAK 3:1

“Neu ata nusa so'da salanik manai Sardis-sala, sulakman leoiak: Ia nde hala heheluk neme Ndia fo manaito-ato dula dale kahituk fo mana malalau-maoono Manetualain, ma manaho'u nduu kahituk sila la haitua hala heheluk nae: Au bubuluk emi so'da ma. Hataholi a bole nafa'da nae emi maso'da, tehu tunga ndo na emi manamate kala.

NINITAK 3:16

Tehu emi mato'bi-makasufuk. Ta mato'bik ma ta makasufuk boen. Hu ndia de neukose Au mutaheni emi kalua meme Au bafang dale mai.