NINITAK 3:10 - Susula Malalaok Hehelu Palak Ma Hehelu Beuk

¹⁰ Emi matea-mahele sama leo Au paleta basan neu emi a. Da'di neukose Au asulu-ahapa emi nai lelek Au so'ba basa hataholi manai daebafa ka ninik toto'a-sosota matuaina.

NINITAK 3:10 Iomraidhean Croise

YESAYA 24:17

Mamanene leon, hai basa daebafak-ka laun-nala lemin! Tasi'bu, meo besik, hihi'ik, lahani emi.

DANIAL 12:10

Neukose hataholi ba'uk-ka nanaso'bak ma nanatao neuisik. Sila fo manatao tatao-nono'i mangalauk-ka, neukose ta lalelak ma ala tao tatao-nono'i mangalauk lakandoo; ka'da sila fo manatee-tenok-kala nde neukose lalelak.

ZAKHARIA 13:9

Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

MATEOS 24:14

Ma Hala Malole la'eneu tao leo beek fo Manetualain paleta, neukose nanatui-bengak leo basa daebafa ka lala'ena neu, fo ela basa hataholi la lamanenen. Basa ndia soona, besa ka fai mate'e ka ana losa.”

MATEOS 26:41

Manea ma hule-haladoi leona, fo ela emi boso hapu soso'ba-susu'dik. Memak emi dula dale ma nahiik tao tatao-nono'i ndoos, tehu emi ta mabe'i fan, nana hataholi daebafa ka ha'da-tataon tapandoes.”

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

MARKUS 14:9

Mamahele leona! Te nai basa daebafa ka lala'ena nai bee boe, Manetualain Hala Malole na nanatui-bengak soona, inak ia tatao-nono'in boeo, neukose nanatui-bengak da'dileo nasanene'dak soaneun.”

LUKAS 2:1

Nai lelek ndia, Kesel Agustu sa ana po'i paleta fo ela basa nusa Roma lau nala sulak na'dek fo leke dede'u nala.

YOHANIS 17:6

Au fe Ama ka nalelak basa hataholi daebafak fo Ama ka fe basan neu Au so. Hataholi sila la, Ama ka nuun, boema Ama ka fe basa-basas leo Au mai, de ala tunga Ama ka dede'a-kokolan so.

ROMA 1:8

Au oke makasi makasososa neu Manetualain tunga Yesus Kristus, hu ka nde tolanoo kala. Nana basa daebafa ka lala'ena, lamanene basa lae, emi mamahele te'e-te'e neu Kristus so.

1 KORINTUS 10:13

Emi la'ola'di soso'ba-susu'di kala nde bee na, soso'ba-susu'di mandoo fai sila. Tehu Manetualain ta nafandele heni hala hehelu na fa. Neukose Ana ta po'ilotak emi nanaso'ba-su'dik lena neme emi balakai ma mai fa. Hu ndia de, metema emi matongo mo soso'ba-susu'di ka soona, Ana fe emi enok fo daenga emi makatatakak mahele.

EFESUS 6:13

Hu ndia de besak ia, pake la'i esak Manetualain tee-tafa musun lala'e na, fo ela neu fai mangalau na, fo musu a nasasale matak no emi soona, emi matati mabe'i. Ma fo ela emi matati basa losa mate'e na te, emi bei mapalani manseli.

2 TIMOTIUS 2:12

Metema ita tatea-tahele soona, neukose ita paleta sama-sama ton boe, Metema ita talelesin soona, neukose Ndia boeo, nalelesi ita.

YAKOBIS 3:12

Ai kaa ka, ana ta naboa ai zetun na boa na, ma ai ango la, ana ta naboa ai kaa ka boa na fa. Oe mata masi ka, ana ta faa oe mamis fa.

1 PETRUS 4:12

Tolanoo susue-lalai ngala lemin! Besak ia emi doidoso manseli, nanahu emi bei nanaso'ba-su'dik. Tehu emi boso dodoo mae, nono ka bai de, hata matua ina esa, ana da'di neu emi.

2 PETRUS 2:9

Da'di Amak Manetualain bubuluk tao tao leo beek fo, Ana soi-tefa na hataholi fo mana tao tunga hihii-nanaun, metema lasasale matak lo soso'ba-susu'di ka. Ma Amak Manetualain bubuluk eno na tao leo beek fo Ana po'ilotak hataholi mangalau kala laso'da, fo losa fai na Ana hukus nai Fai Naketu-nala'di ka,

NINITAK 1:9

Au Yohanis, emi tolanoom fo ua-nalek esa no emi nai doidosok fo basa Kristus ana manatunga nala la'ola'di ka. Ita takatatakak doidoso ka da'dileo hataholi kamahehelek fo Ndia nuun. Ala tapa au leo Pulu Patmo sa neu nanahu au tui-benga Manetualain hala hehelu na, ma hu ka nde au fe sakasii la'eneu Yesus.

NINITAK 11:10

Laun manai daebafa ka, neukose lamahoko sakasii kaduak sila la mamate na. Neukose ala tao feta, ma esa haitua fe esa palsen, nana nabi kaduak sila la lini doidoso ba'u fe hataholi daebafa ka so.

NINITAK 13:10

“Hataholi fo muse nanatahan soona, tao leo beeo neukose nanatahan. Ma hataholi fo muse nanataonisak ninik tafaina soona, tao leo beeo neukose nanataonisak ninik tafaina. Hu ndia de, Manetualain hataholi kamahehele nala muse lakatatakak ma lilineka.”

NINITAK 13:14

Basa hataholi fo laso'da nai daebafa ka, bana ndia ke'dindiu nalas ninik manda'di beuk fo ana taon nai bana makasososak ndia mata na. Ma nadenu basa-basas fo lapadedeik la ai batu nanadokik esa neme bana nanatati nahinak ninik tafaina so, tehu naso'da nahele ndia.

NINITAK 13:8

Basa hataholi manaleo nai daebafak ia poi na, neukose ala sene do'ok bana ndia, ta'da fe'e hataholi fo nanuu so'da matetu ka ma hataholi fo na'de na Manetualain sula kana nai buku esa dalek te daebafa ka beita nananakadada'dik fa. Bi'ilopo Ana fo hataholi la do'dolisa nana, susulan ndia.

NINITAK 14:12

Nai dede'ak ia dalek, Manetualain hataholi kamahehele manatunga Manetualain paleta nala, ma manalilineka neu Yesu sa, paluu lakatatakak.

NINITAK 14:6

Boema au ita ata nusa so'da fe'ek esa ana laa dema na seli nai lalai. Ata nusa so'dak ndia nini halak la'eneu Hala Malole fo matea-mahelek soaneu nanananduku-nalosa kana neu hataholi manai daebafa ka, fo nde neu basa leoina, leoanak, dede'ak, ma nusaina la.

NINITAK 16:14

Sila nde bee na dula dale mangalauk, fo manatao manda'di beu kala. Dula dale mangalauk kateluk sila la leu leo basa manek manai daebafa ka lala'ena, de ala tao lakabubuas fo latee-latati nai Faik matuaina, fo nde Manetualain fo Mana Koasa Fai na.

NINITAK 17:2

Mane-mane daebafa kala hohonge lon, ma daebafa ka isi nala da'di manamafuk nanahu linu angol manasosoa-piao na.”

NINITAK 17:8

Bana ndia makahulu na naso'da hai so, tehu besak ia ta naso'da so'on. Ba'ihanak seluk faa bai te, neukose ana kalua neme faka mamates dale mai, fo nasasale matak no momopo-mamate sa. Hataholi fo laso'da nai daebafa ka, fo na'de nala ta nanasulak nai Susula Hataholi Maso'da ka dalek te daebafak ia beita nananakadada'dik fa, neukose ala dodoo doa kana, metema lita bana ndia. Nana bana ndia makahulu na naso'da hai so. Besak ia ta naso'da so'ok, tehu neukose ana to'da mai seluk.

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.

NINITAK 3:8

Au bubuluk hata fo emi tao-no'in: Au bubuluk basa, emi balakai ma ta ba'u ka fa, tehu emi tunga Au nanoli ngala so, ma emi lilineka mahele neu Au. Ba'eneu emi soona, Au soi basa lelesu esa so, fo su'di see a boe, ana ta hapu kena fan.

NINITAK 6:10

Samanek sila la nggasi lapane'e lae, “Ou Lamatuak Fo Mana Koasa, O Malalaok ma Ndoos! Bei doobee seluk bai fo besa ka O maketu-mala'di laun manai daebafa ka fo hukus nanahu ala taolisa ami so?”

NINITAK 8:13

Boema au mete ita manupui kaka'ka esa ana bei laa dema na seli nai lalai, nalo bou-bou nae, “Soe, Soe, Soe ba'eneu basa hataholi manai daebafa ka, metema lamanene ata nusa so'da katelu fe'e kala, mahani te ala puu pupuu nala!”