NINITAK 22:10 - Susula Malalaok Hehelu Palak Ma Hehelu Beuk

¹⁰ Boema nafa'da seluk au nae, “Boso bibila-babaa dede'a-kokola nafa'da elak nai susulak ia dale ka, nana fai na deka so soaneu basa sila la ala da'di.

NINITAK 22:10 Iomraidhean Croise

YESAYA 13:6

Kii-makaleleu leona, nana Manetualain fain-na deka so, fo nde Manetualain fe fai momopo-mamatek-ka.

YESAYA 8:16

Au ana sakolang emi, de emi muse pe'da ma makaboboi hala heheluk fo Manetualain fen neu au-a.

YESKIAL 12:23

Nah, mafa'das mae Au, Manetualain Fo Mademaina, fe natataan-na nde ia: Neukose Au loseheni dede'a lasik ndia, nalosa ala ta kokolak-kana nai Israel so'on. Mafa'das mae, dede'a lasik ndia nggatin-na nae fain-na losa so, de dede'a nafa'da elak lala'en-na, neukose ala da'di.

DANIAL 12:4

Boema ata nusa so'dak ndia nafa'da seluk au nae, “Danial, tatana susulak ndia besak ia leona, ma tao segel neun, fo ela nanatatanak nahele losa tepo-lelek mate'ek-ka. Neukose hataholi ba'u ala so'ba palisak matalolole hata fo ana da'di. Tehu sosoa-ndandaan ta.”

DANIAL 12:9

Boema nata nae, “Besak ia, muu leon Danial, nana dede'ak ia-la muse nananafunik ma nanabibila-babaak losa tepo-lelek mate'ek-ka.

DANIAL 8:26

Ninitak la'eneu tutunu-hohotu le'donosok ma fafaik fo nananafa'da mangalele'do basak neu o ndia, tete'ek-ka neukose ana da'di. Tehu basa sila-la, neukose ala da'di nai fai manamaik-ka fo bei dook-ka; da'di boso tui hataholi esa boen.”

MATEOS 10:27

Hata fo Au afa'dan neu emi ia, bei nai makahatuk dale, tehu emi muse mafa'da selu kana no mangale'dok. Boema hata fo lamakukutu kana neu emi di'idoo ma, meu po'a-benga maloloan!

ROMA 13:11

Fe'ek neme ndia mai, emi bubuluk mae, faik ia nde bee na faik soaneu emi fo'a meme emi susungu ma dalek mai. Nana fai na losa soaneu ita nanasoi-tefa ka, besak ia ana deka neme lelek fo besa ka ita mulai tamahele a.

ROMA 13:12

Le'odae ka hihii nae seli ia so, de ba'ihanak seluk bai te, neukose mangale'do ia so. Da'di, malolelenak ata hahae tao tatao-nono'i makahatu ka leona. Ita muse tahehele ao tala ninik tee-tafa mangale'do ka.

2 TESALONIKA 2:3

Leomae leo beek boeo, boso nau hataholi ke'di ndiu emi. Nana faik ndia beita losa fa te, hapu dede'ak de'u bee, ala da'di lakahuluk: Soona neukose hataholi ba'u ka fali deak fo, lalelesi Kristus; Boema Hataholi Mangalauk fo nananafa'da basak, tao leo bee o ana masok leo tasi ha'ik dale neu a, neukose ana to'da mai.

1 PETRUS 4:7

Basa hata lala'e na sanga deka basan ia so, hu ndia de, ela leo bee na emi muse paleta ma ao ina mala ma manea, fo ela emi hapu loak soaneu hule-haladoi.

NINITAK 1:11

Halak ndia nae, “Sulak-ma hata fo o mita ka fo haitua susulak ndia leo salani kahituk manai Efesus, Smirna, Pergamus, Tiatira, Sardis, Filadelfia, ma Laodikia.”

NINITAK 1:3

Maua-manalek neu hataholi fo manales ma hataholi fo namanene susulak ia nafa'da ela ka, boema ana tunga hata fo nanasulak nai dale ka. Nana ta doo ka so'on te, basa ia la neukose ala da'di.

NINITAK 10:4

Leondiak manggulu kahituk sila la kokolak basa boema, au nau sula kana, tehu au amanene hala ka neme nusa so'da ka mai nae, “Mafuni hata fo manggulu kahituk sila la lafa'da ka. Boso sula kana!”

NINITAK 22:16

“Au, Yesus, haitua basa Au ata nusa so'da nga le'i, fo ela lafa'da dede'ak ia la soaneu salani kala paluu na. Au ia Dauk tititi-nonosin. Au nde nduu timu fo mangale'dok ndia.”

NINITAK 22:18

Neu hataholi a esa-esak fo namanene dede'a nafa'da elak nai susulak ia dale ka, au, Yohanis, fe balataa ka nde ia: metema hataholi tama hata esa neu dede'a nafa'da elak ia la soona, Manetualain neukose tama hataholi ndia huhuku na ninik susa-soe fo nanasulak nai susulak ia dale ka.

NINITAK 22:20

Ndia fo manamanduku-malosak basa hala heheluk ia la nae, “Tete'e ka, neukose Au mai no lai-laik!” Amin! Mai leona, ou Lamatuak Yesus!

NINITAK 22:7

Yesus nae, “Taoafik neu dede'ak ia leona! Neukose Au mai no lai-laik. Maua-manalek neu hataholi fo ana tao tunga dede'a-kokola nafa'da elak nai susulak ia dalek!”

NINITAK 22:9

tehu nafa'da au nae, “Bosok! Boso sene-do'ok neu au! Sene-do'ok neu Manetualain! Nana au boeo ata sama na leo o, ma sama leo o tolanoo nabi mala, ma basa hataholi manatao tunga hala-heheluk manai susulak ia dale ka!”

NINITAK 5:1

Basa boema au ita susula nanalunuk esa nai Ndia fo nangatuuk nai kandela manek ndia lima na. Susulak ndia henuk no susula liik nai boboan duas ma nananakadiditak ninik segel hitu.