NINITAK 21:5 - Susula Malalaok Hehelu Palak Ma Hehelu Beuk

⁵ Boema Ndia fo manamangatuuk nai kandela manek ndia lai na nae, “Besak ia Au tao a basa-basan lala'e na beuk so!” Boeo nafa'da au nae, “Sulak-ma ia, nana dede'a-kokolak ia la tete'e ka ma hapu nananamahelek.”

NINITAK 21:5 Iomraidhean Croise

YESAYA 42:9

Besak ia, Au afa'da elak-ka, ana da'di so; Au nau afa'da dede'a beuk-kala; basa sila-la beita da'di fa te, Au afa'dan neu o so.”

YESAYA 43:19

Taoafik leona, te Au tao hata beuk esa; besak ia, ana mulai so, ade o ta mita fan do? Neukose, Au tao enok nai moo solokaek-ka, ma lee-la, lai moo maloa.

LUKAS 5:38

Angol beu ka muse salin leo alukosu beuk dale neu boe.

2 KORINTUS 5:17

Hataholi fo naso'da da'di esa no Kristu sa, ana da'di hataholi beuk. So'da palaa ka ta kana so. Basa-basan, ana da'di beuk so.

IBRANI 12:27

Dede'a ka nae, “la'iesa seluk” natu'du nae, neukose basa daebafak fo nakadada'di kana, neukose Ana fae nanggenggengo kana ma Ana kekoheo kana, fo daenga ela ka'da hata manggengo ta kala.

NINITAK 1:11

Halak ndia nae, “Sulak-ma hata fo o mita ka fo haitua susulak ndia leo salani kahituk manai Efesus, Smirna, Pergamus, Tiatira, Sardis, Filadelfia, ma Laodikia.”

NINITAK 1:19

Hu ndia de, sulak-ma dede'ak fo o mita kala, fo nde dede'ak fo hapus besak ia, ma dede'ak fo mahani te neukose ana da'di.

NINITAK 19:9

Boema ata nusa so'dak ndia nafa'da au nae, “Sulak-ma dede'ak ia la leona: ‘Maua-manalek neu hataholi, fo nanakaik leo Bi'ilopo Ana ndia feta ka'bi nga neu.’ ” Basa boema ata nusa so'dak ndia kokolak selu kana nae, “Ia nde hala tete'ek neme Manetualain mai.”

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.

NINITAK 22:19

Ma metema hataholi tao kulang hata esa neme dede'a nafa'da elak ia la soona, Manetualain boeo neukose tao kulang baba'en fo nanasulak nai susulak ia dale ka, fo nde baba'ek neme ai maso'da ka ma neme kota malalaok ndia.

NINITAK 22:6

Boema ata nusa so'dak ndia nafa'da au nae, “Dede'ak ia la tete'e ka ma hapu nananamahelek. Amak Manetualain fo manafe Dula Dale na neu nabi la, nadenu basa ata nusa so'da na soaneu natu'du ata nala hata fo no lai-laik muse ana da'di.”

NINITAK 4:2

Tutika Manetualain Dula Dale na koasa na au. Boema au ita nai nusa so'da ka hapu kandela manek esa, ma hataholi esa nangatuuk nai kandela manek ndia lain.

NINITAK 4:9

Mahahae kahak sila la lakamee nakamee kokoa-kikiok, ha'da-holomata, ma makasi neu Ndia fo nangatuuk nai kandela manek ndia lain, fo nde Ndia fo naso'da losa dodoo na. Ma nai lelek mahahaek sila lakamee soona,

NINITAK 5:1

Basa boema au ita susula nanalunuk esa nai Ndia fo nangatuuk nai kandela manek ndia lima na. Susulak ndia henuk no susula liik nai boboan duas ma nananakadiditak ninik segel hitu.