NINITAK 2:5 - Susula Malalaok Hehelu Palak Ma Hehelu Beuk

⁵ Hu ndia de, mafandendelek leona te, emi tu'da meu nai doo ka so! Tukatei-saledale meme emi sala-singo mala ma tao-no'i hata fo makahulu na emi tao-no'in nana. Metema ta soona, neukose Au ne'i fo Au fe'aheni emi banu eim sila la neme mamana nala mai.

NINITAK 2:5 Iomraidhean Croise

YESAYA 1:26

Neukose Au fe seluk emi manakee-manafula, ma manamanoli-mafa'dak sama leo makahulun-na. Soona neukose Yerusalem nanafoik na'de kota fo, ndoos ma matetuk, ma manalilinekak.”

YESAYA 14:12

Hai manek Babel-la nei, makahulun-na o nduu lolebalahaak fo nasa'a, tehu besak ia, o tu'da meme lalai mai so! Makahulun-na o sengi leoina-la, tehu besak ia, nanatu'u henik leo dae lain neu.

YESKIAL 20:43

Nai naa, neukose emi mafandele-ma, basa emi tatao-nono'i nanamaluam fo, manatao nanggenggeo emi aoinam-ma so. Soona neukose, emi malua seluk emi aoinam-ma, nai lelek emi mafandele-ma basa emi tatao-nono'im sila-la.

YESKIAL 36:31

Neukose emi mafandele-ma, emi ha'da-tatao mangalaum-ma, ma emi tatao-nono'im fo ta kandaak ndia fa, boema emi da'di malua seluk emi aoinam-ma, nanahu emi sala-singom-mala, ma emi tatao-nono'i ta kandaam ndia.

HOSEA 14:1

Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

HOSEA 9:10

Manetualain nafa'da nae, “Lelek Au hapu Israel makasososan-na, Au amahoko sama leo hataholi-a hapu angol boak-ka nai moo solokaek-ka. Lelek Au ita emi bei-ba'i kaim makasososan-na, Au amahoko, sama leo hataholi-a nita kaa boa makasososak-ka. Tehu, lelek leu leo Letek Peor-ra leu, ala mulai sene-do'ok neu Baal-la, nalosa ala da'di langgenggeo, sama leo lamatua daebafak fo ala sue-lain ndia.

MALEAKHI 3:4

Boema sama leo nai tepo-lelek makahulun-na, neukose Manetualain nahiik tutunu-hohotuk fo laun Yehuda, ma laun Yerusalem-mala tunu-hotuk-ka.

MALEAKHI 4:6

Neukose ana tao-na amak-kala ma anak-kala dalek esa, fo ela Au boso mai tao amopo-amate emi nusam-ma.”

MATEOS 5:14

Emi ia mangale'do daebafak. Kota manai pupukuk lai na, kota ndia ta hapu nananafunik fa.

MATEOS 5:15

Hataholi a de'de na banu ka soona, ana ta tatanaketu banuk ndia fa. Tehu ana fua banuk ndia neu mamana madema esa lain, fo daenga banuk ndia nasalaa na basa hataholi manai uma ndia dale ka.

MARKUS 12:9

Boema Yesus natane nae, “Ade neukose osi lamatuak ndia tao beek? Tao leo bee o ana mai fo ana taonisa manaso'u belak sila la fo ana fe osi ndia neu manaso'u belak fe'ek bai.

LUKAS 1:17

Neukose ana da'di Manetualain hataholi nadedenu balakain, ma nanuu koasa sama leo Elia. Neukose ana mole-dame ama ka no ana ka, ma hataholi manatunga ta kala, neukose ana hela-noles fali leo dudu'a-aafik fo ndo sa leu. No enok ndia, ana sadia hataholi kamahehelek bubuak esa fo laheheleaon basa, soaneu Lamatua ka so.”

LUKAS 20:16

Tao leo bee o neukose ana ma'i fo ana taonisa manaso'u belak sila la, fo ana fe osi ndia leo manaso'u bela fe'ek neu.” Lamanene dede'ak ndia boema hataholi sila la lafa'da Yesus lae, “Ta makandondook!”

GALATIA 5:4

Metema emi sanga enok fo emi malole mo Manetualain tunga agama hoholo-lalanen soona, dede'ak ndia sosoa na nae, emi tututi-nanatom mo Kristu sa, ketun so. No enok ndia, emi maso'da nai Manetualain susue-lalain, dae too na deak so.

FILIPI 2:15

No enok ndia, emi matu'du mae, emi nde bee na Manetualai nanan, fo sala-singo ta kala, ma emi maso'da tunga ndo na ma emi ndoos nai hataholi mangalauk fo masala-masingo kala tala'da. Ma nai lelek fo emi manduku-malosak halak mana fe so'da ka neu hataholi sila la, ela leo bee na emi mangale'do nai sila tala'da, fo nangale'do na daebafa ka. Metema emi maso'da leondiak soona, neukose au hapu ne'ek soaneu au amatutua-amadedema emi nai lelek fo Yesus Kristus fafali ma'i na. Fo ndia da'di buti nae, au sota-mate te ta louk fa, ma au hapu au tutunga-sasangang buna-boan.

IBRANI 10:32

Mafandele emi ha'da-tataom tao leo beek nai fai maneu ka. Nai lelek ndia, Manetualain sa'a na nasalaa basa neu emi soona, emi ba'u ka doidoso. Tehu tunga-sanga mahele no makakaatimi.

2 PETRUS 3:17

Tehu ba'eneu emi fo, au tolanoo susue ngala lemin! Emi bubuluk basa dede'ak sila la so. Hu ndia de, manea matalolole, fo boso nalosak ala hela lini emi leo hataholi mangalauk sila dalek meu, fo emi tu'da meme emi mamana napadedei matea-mahele ma mai.

YUDAS 1:24

Manetualain, nanea nabe'i emi, fo daenga emi boso tu'da, ma no nabe'i emi leo ndela-sa'an dalek no namahokok ma malalaok.

NINITAK 1:20

Ia nde bibila-babaak neme nduu kahituk fo o mitas nai au lima kona nga, ma neme banu ei lilopila kahituk sila la. Nduu kahituk sila la nde, salani kahitu kala ata nusa so'da nala, ma banu ei kahituk sila la nde bee na nde salani kahituk sila la.”

NINITAK 16:9

Hataholi daebafa ka putus, hu ka nde le'do haa na, ma putu sila fo manasupa-soo Manetualain na'de na, Manetualain fo manakoasa susa-soe sila la. Leomae leondiak boe, ala ta nau tukatei-saledale leme sala-singo nala mai, ma ala ta nau koa-kio Manetualain matua-mademan fa.

NINITAK 2:16

Hu ndia de, tukatei-saledale meme emi sala-singo mala mai leona! Metema ta soona, ba'ihanak seluk fa bai te neukose Au mai neu emi, soaneu Au atati o hataholi sila la ninik tafaina manai Au bafa nga.

NINITAK 2:19

Au bubuluk basa hata fo emi tao-no'i ka so: Au bubuluk emi sue-lai emi nonoo hataholi ma, emi lilineka, emi maue-male'di, ma emi makatatakak doidosok. Au bubuluk besak ia emi maue-male'di ba'ulena neme makahulu na mai.

NINITAK 2:2

Au bubuluk hata fo emi taon: Emi maue-male'di puselaipana ma emi makatatakak manseli. Au bubuluk emi ta tao dalek neu hataholi mangalau kala fa. Ma emi boeo so'ba basa hataholi fo manaku aoina na hataholi nadedenuk, te se'ko na ta, nana emi bubuluk mae sila masapepeko kala.

NINITAK 3:19

Hataholi fo Au sue-lai kala, sila nde Au ka'is ma Au filu kasa. Hu ndia de ela leo bee na, emi manggate ma tukatei-saledale neme emi sala-singo mala mai.