NINITAK 2:18 - Susula Malalaok Hehelu Palak Ma Hehelu Beuk

¹⁸ “Neu ata nusa so'da salanik manai Tiatira la, sulakman leoiak: Ia nde hala heheluk neme Manetualain Anan, fo mata na pila lo'a-lo'a sama leo ha'i a, ma ei na pila lo'a-lo'a sama leo liti nanahotu ka.

NINITAK 2:18 Iomraidhean Croise

MAZMUR 2:7

Manek-ka nae, “Au sanga po'a-benga, hata fo Manetualain naketu basan so. Nafa'da au nae, ‘Au ana maneng O, de faik ia, Au da'di O Amam.

DANIAL 10:6

Aon-na nangale'do sama leo poemata, mata-panan mangale'don-na sama leo ndela'sa mangale'don-na, ma matan-na pila lo'a-lo'a sama leo ha'i-a. Alun-na ma ein-na nangale'do sama leo liti nanalosek-ka, ma halan-na nene'nen soona sama leo hataholi makadotok halan-na.

MATEOS 17:5

Petrus bei kola-kola te, ko'a fulak bubuak esa fula elu-elu ana poti nalas, ma hala ka nananamanemek neme ko'as ndia dalek mai nae, “Ia nde Au ana susue nga. Nandaa no Au dale nga. Mamanene neun!”

MATEOS 27:54

Malanga solda'du a no solda'du mana manea Yesu sa, ala bii lanseli, nai lelek lita daebafa ka nanggengo ma basa manda'dik sila la. Boema lae, “Tete'e ka Hataholi ia, Manetualain Anan!”

MATEOS 3:17

Basa ndia boema Manetualain hala na nana namanenek nae, “Au ana susue-lalai nga nde ia. Ana tao namahohoko Au dale nga.”

LUKAS 1:35

Ata nusa so'dak ndia nataa nae, “Manetualain Dula Dale na neukose ana mai neu o, ma Manetualain koasa na neukose poti na o. Hu ka nde ndia de, ni'iana fo neukose o bongin ndia loken lae, Malalaok, Manetualain Anan.

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

YOHANIS 10:36

naa, tao le'e de emi mafa'da mae, Au akamumulu-akamamaek Manetualain, hu ka nde Au afa'da ae, Manetualain Anan Au? Te see ko na, Manetualain nde hele Au de nadenu Au mai leo daebafa ka mai.

YOHANIS 3:16

Hu ka nde Manetualain sue-lai hataholi daebafa ka, de Ana fe Ana Mane Kisa na mai, fo ba'eneu see fo namahele neun soona, ana ta mate fa, te ana hapu so'da matetu ka, ma manaketu basa ta ka.

YOHANIS 3:18

Hataholi see namahelen soona, ana ta hapu huhukuk fa. Tehu ba'eneu see fo ta namahele fan soona, Manetualain huku basa hataholi ndia so, hu ka nde ta namahele Manetualain Ana Mane Kisa na fa.

YOHANIS 5:25

Mamahele leona, te neukose fai na losa, nakalenak fai na losa so, soaneu hataholi manamate kala, neukose lamanene Manetualain Ana na hala na. Boema see namanenen soona, neukose naso'da.

HATAHOLI 16:14

Inak esa nai inak sila la dalek nde bee soona, ina mana mase'o tema pila balanggeo kabelik, na'de Lidia, fo neme Tiatira mai. Ana sue-lai Manetualain, de Lamatua ka nakababale dale na, fo ela ana sipok hata fo Paulus nanolin nana.

HATAHOLI 8:36

Ala losa mamanak esa nai eno tala'dak boema hapu oe nai ndia. Boema pegawi matua-madema ndia nafa'da Felipus nae, “Mitak oe a nde ndia so! Bei kulang beek seluk bai soaneu salani au?”

ROMA 1:4

tehu tunga Dula Dale ka soona, Manetualain Anan Yesus Kristus ndia. Fo ta'du-tanan nde, no Manetualain koasa matuaina na de, naso'da falik neme mamate sa mai.

ROMA 8:32

Hu ka nde ita paluu na de Ana fe ita, Ana susue na; na masa bole, Ana ta fe ita, basa hata lala'ena fa?

NINITAK 1:11

Halak ndia nae, “Sulak-ma hata fo o mita ka fo haitua susulak ndia leo salani kahituk manai Efesus, Smirna, Pergamus, Tiatira, Sardis, Filadelfia, ma Laodikia.”

NINITAK 2:1

“Neu ata nusa so'dak salanik manai Efesu sala, sulakman leoiak: Ia nde hala heheluk neme Ndia fo manaho'u nduu kahitu kala nai lima kona na, ma manala'ok manai banu ei lilopila kahituk sila la tala'da.

NINITAK 2:24

Tehu emi hataholim nggelok nai Tiatira ta tunga nanoli mangalauk ndia ma ta lanoli Nitu a malela matuaina nala fa. Au afa'da ae, neukose Au ta fe seluk emi lelepa mabela so'on.